قصتي مع اليقين بالله والتوكل عليه ( كلام مهم ومفيد ) 💕👍

سلام عليكم ورحمة الله وبركاته.. 💜
صبحكم الله بالنور والسرور حبيباتي
قبل ما ابدا حابه اقولكم اني انا قد كتبت موضوع هـنا عن شيء كنت ابغاه بقوووه وكنت بخسر كثير اشياء لو خسرته لما كتبته كان وقتها نفسيتي بالحضيض كتبته ب معرفي الأول لو تذكرونه (اعشق رمضان)
ان شاءالله تكونون تذكرتك الموضوع لاني اليوم جايه ابشركم... اللهم لك الحمد 💞
بكتب لكم قصتي مع ( اليقين ) ايه اليقين دايم كنت اسمع واقرا اليقين مهم استغفري بيقين ادعي بيقين ... كنت اتسآئل ياربي كيف هو هذا اليقين ..
انا كنت في ابتلاء ما ابالغ لو قلت قووي جداً يابنات عملت بالاسباب لسنين وكنت انتظر الفرج بس كنت دايم اذا قريت قصص عن الفرج والذكر... الخ وأهمية اليقين في سرعه اجابه الدعاء والذكر بشكل عام...
اقول لنفسي ياربي الحين انا ليكون ناقصني اليقين لان الحمدلله كل الاسباب عملت فيها وتوكلت على ربي ماكان في شي ناقصني ( بس كان التفكير متعبني وقتها ولا كنت اقتنع ان ممكن يكون تاخير الفرج لحكمه )
اخاف يكون ناقصني اليقين!!
اسال نفسي وش هو اليقين؟
دايم الي يكتبون قصص عن الفرج يكتفون بس بقول كنت على يقين ان الله ب يستجيب لي او بيعطيني او بيفرج عني...
ماكان في توضيح كامل ل معنى اليقين في كلامهم .. خاصه انهم مجربينه ( ماخفيكم كنت ازيد حيره وتعب نفسي لما يتكلمون عن اليقين ولا احد فيهم يشرح وشهو ياخي انت توك ربي مفرج عليك علمنا وش هو اليقين بالله) 😭
مرت الايام وانا اقرا عن اليقين و اقول لنفسي لازم تعرفين اش يعني اليقين ( لانه ماخفيكم اثره على سرعه ازاله الهم والغم وسرعة اجابه الدعاء والاستغفار)
قريت عن اليقين بقوه وبحثت عنه وهِنا عرفت وش يعني اليقين بعد قراية مكثفه عنه...
لاكن رجعت اسال نفسي للمره المليون... هل عندي يقين؟
ماكنت احس انه عندي
لان انا ادعي ولاكن ب قلبي اقول ي فلانه ممكن مايستجيب لك عشان كذا وكذا
ممكن ماهو من نصيبك هالشي خلاص ارضي
وطبعاً ماتخفيكم وساوس ابليس والعياذ االله منه يزيد الطين بله
..
كنت اتعب نفسياً وانهار علىى الموضوع الي ابغاه يصير....
كنت مُصره ان الخير فيه يارب بس عطنياه😭
تعبت ونا انتظر وقلبي يحترق يحترق عشانه
ماكنت اعرف كيف اوصل لامنيتي العظيمه هاذي اعجز عن وصف كميه الانهيار النفسي الي مريت فيه..
التفكير فيه يذبحني... وانهار وابكي
مرت ايام اهلكتني حسيت خلاص انها النهايه (اتذكر لما يقولون انها ماتشتدت الا وتفرج)
اقول يارب كيف بتفرج هي تعقدت وكل ما للامور تتعقد اكثر واكثر ياما بكيت وبكيت... لاكن مافي اي شي يصير هنا يزيد اليأس
ويتأكد لي شعور (أنها نهايتي خلاص مافي مخرج)
بخسر امنيتي الي متمنيتها من سنين 💔💔
بعدين قررت اطلب من ربيي يرزقني اليقين فيه سبحانه ( يابنات كنت احس انه هو الي ناقصني )
عشان اوصل للي ابيييييه 💔
ماعرف ليه كنت مصره ع ان بس احتاج اليقين لازم يكون عندي يقين ان الله بيعيطيني الي ابيه وماراح تعجزه امنيتي 💔
دعيت ودعيت ودعيت طبعا مع البكاء الانهيار ولما اتقرب من ربي اخف شوي وارتاح ومسرع ماارجع لوضعي...
فجاءه بدون اي مقدمات
صار عندي احساس ان ربي بيعطيني الي ابيه ايه ربي كريم راح يعطيني داخلي كذا اقول ..
وصصرت خلاص واثقه وعلى يقين الله بيعطيني
صرت اتجهز لاستقبال (امنيتي) ...
تخيلوا معي انا وسط ظروف قاهره + اهلي محطميني يقولون خلاص انسي هالامنيه ممكن مو من نصيبك + نفسيتي كان بالحضيض ( ماحكيلكم عن تاثير اهلي علي بكلامهم المحبط )
رغم كل ذا الي احس فيه فييي احساس كذا عميييق داخلي ان الله بيعطيني الي ابغاه ربي قادر وبيكرمني وهي ماتعجزه سبحانه..
ضليت اتجهز واحكي لأهلي اني متحمسه هم يدوني نظرات استغراب!!! ( انه رغم كل الي انتي فيه لسه تتمنين هالشيء)
هم شاهدين على دمعاتي على انهياراتي وانكسار اتي عشان هالموضوع (امنيتي الجميله)
ماا انكر كنت اتاثر وطبيعي يعني انا في وضع احتاج احد يدعمني ويعطيني امل كفايه الي أعانيه 💔
بس هم خلاص قطعوا الأمل خلاص للابد ... ويأسوو
بس انا ما يأست الله خلقني وهي مدبر أمري مهما صعبت علي 💜
استمريت على ذا الحال شهور طوال وانا اتجهز لها وهم يائسين مني و نظراتهم تحبطني...
بس ارجع اقوي نفسي لاختليت بنفسي واشجعها... طبعا مع الاستعانه بالله (وشش نحن دون عونه)
اذكر كنت اقولهم باذن الله باسوي كذا وكذا كنت اخطط لها كثير
كل فتره اقولهم وش ناويه اسوي لو تتحقق الامنيه هي تخطيطات على مستوى هههههههه
واحكي لهم واحكي ولا إياس ومتجاهله نظراتهم المحيطه متجاهله كلامهم الي يحطم
(كنت على يقين خلاص اني بوصل) اليقين آه يابنات يريحك رغم كل الظروف الي تحصل
ماا انكر اني فترات يجيني يقين وفترات انهار واضعف واطيح على وجهي (بنفس الوقت في احساس عميق داخلي ان الله بيعطيني هالامنيه) ولازم اصبر
وكان هالاحساس يخليني أهدأ شوي 💞🌼
مرت الايام بحلوها ومرها ونا عايشه في صراع داخلي مابين اليقين والأمل بالله والثقه بالله ومابين الياس والاحباط والتحطيم..
بكاء وانهيارات نفسيه شديده لدرجه اطيح ع الفراش (بتقولون لهدرجه تتمنين هالامنيه اقولكم ايه ومتمسكه فيها للموت) ماكان فيه فرصه ثانيه لو ضاعت مني ابداً 😭 عشان كذا اموت الف مره من اتذكرها وانهااااااار 💔💔💔💔💔💔
دايم أكرر ياربي من لي سواك يارب واستغفر وادعي وانهار وابكي...
تدرون كيف جا الفرج وتحققت امنيتي آه يارب
آه يالذه الفرج يابنات مابعدها لذه 😭😭😭😭 مابعدها لذه وربي العظيم 😩😩😩
جا الفرج من طريق ماحسبت له أي حساب ..
عشان كذا دايم نشوف بعض الناس توصي ان عيشوا حياتكم وربي مدبر اموركم كلها هي بس لها وقت معين راح يجي فيه الفرج يمسيكم كل بأس وحزن....
فجاءه كذاا وانا في قمة الانهيار والتعب والحزن تحقق الي ابيه...
كيفف ونا كنت أمس منهاره قلقانه تعبانه بموت من الهم
انفرجت علي بطريقه ماخطرت ببالي واخيراً اللهم لك الحمد صارت امنيتي واققع (بعد جهد جهيد ومابغينا😩😩😩😍) اعتذر منكم مااقدر اقول وش هي الامنيه وكيف حصل الفرج... لانه شيء خاص
بس ب اختصار ربي سخر لي شخص وقف معي وقفه (وفجاءه وامنيتي قدامي) الحمدلله
كلام اخير بقوله لكم.......
لاتملون ولاتكلون من الدعاء اطلبوا كل أمانيكم وتذكروا دايم اني ربي قريب مجيب... ❤️
هاذي قصتي مع اليقين استفدت وكانت تجربه كبرتني ٢٠ سنه لقدااام واعطتني الكثير من الفوايد الحمدلله ♥️.
ما حبيت ابخل عليكم لعل احد فيكم يستفيد ويعرف وش يعني اليقين.. وكيف اليقين عند اي مبتلى وهو في عزز وجعه وظروفه..
والسلام عليكم ❤️✋.