السلام عليكم اخواتي كيفكم ان شاء الله انكم بخير يارب
حبيت اكتب لكم عن تجربتي مع اهل زوجي واللي اتمنى كل اخت متزوجة او مقبلة عالزواج انها تستفيد منها لاني احب لكم الخير
اولا يا اخوات كلنا بشر ومافي احد مايخطئ ولكن خير الخاطئين التوابين انا بالنسبة لي عشت مع اهل زوجي واعتبرتهم مثل اهلي
وكنت اقول لامه امي ومازلت واحترمها وانا تزوجت صغيرة بالسن وجاهلة باشياء كثيرة بس اهلي ربوني عالتقدير والاحترام مهماكان
من الانسان اللي حولك وكانوا اهل زوجي واخواته يغلطون علي واسكت وكنت اشكي لزوجي لانه كان يجبرني انزل عندهم واني مابي
اروح كان يقول مو بكيفك غصب تنزلين وانزل واشوف انواع التطنيش والاهمال والتجويع وكل شي وكان زوجي يتاخر علي مرة يوم يوديني عندهم وكنت اسكت وكان زوجي دايم يقولي خذي حقك بنفسك وكنت ما اعرف لان اهل ماربوني على اني اغلط عالناس المهم ومرت الايام وبدت المشاكل تكبر وخصوصا مع تاخر حملي وزوجي بدا يشوف غلطهم علي وكان يسكت ويكلمهم من وراي وهم يحسبون اني شكيت له ويزيدون معاي امه كانت طيبة بس اوقات يقلبونها بناتها المهم انا كنت ما اقصر معاهم ابد في واجب وغيره
طالما اني اقدر اسوي اللي علي المهم ومرت الايام وربي اراد اني اتعب وقلت لزوجي خلاص لا اهلي ولا اهلك ماني خارجة من بيتي
تعبت عشان لا يقولي ماتروحين لاهلي وتروحين لاهلك وقصرتها له انا عشان لا يتحجج شهرين بيتي مت وجاني اكتئاب المهم ووقتها غيروا تلفون بيتهم ولا عرفته وبرضوا تبلوني بس الله يوم يريد يكشف لزوجي الحق وقالهما لان هي وقفت عنكم وكفتكم خيرها وشرها وتصلون لها وهي بيتها وعرف وبعدها صار مايجبرني براحتي وانا كنت احاول اسال على امه ولا قطعتهم بس اروح ضيفة وارجع ولا اقصر لو غبت اتصل بالجوال اتطمن على امه واكلمها والمهم ربي كتب لي وحملت ويوم جبت ولدي بعد سنين المفروض يحبونه ويرحبون به الا اني شفت انواع التفرقة والبهذلة لولدي وعطوها زوجي بالفم المليان انهم ما يحبونه ولا يبغون هوانا كنت عارفة هذا الشي وهو شاك من اخواته لان امه بس اللي كانت تستقبل ولدي وتشيله وتحط فيه ولا مرض تسال عنه وعني وهي ماقصرت المهم وبعدها قررت قراار خلاص اني ابعد نهائي وبين فترة وفترة كنت اروح ازورهم وولدي معاي امه كنت اتصل واكلمها واتطمن عليها ولا قدرت اروح ازورها غيره خلاص اهم شي بالواجب ما اقصر ابد وبعدين ربي رزقني ببنت وهم على حالهم من قطيعة ومشاكل وربي اراد تنخطب اخته تخيلوا ويخبون علي الين قبل الملكة بكم يوم عزموني وقلت مو مشكلة الله يوفقها ووقفت معاهم ووقتها بدت المشاكل تزيد وسلفاتي بدوا يشنون حملات على اهل زوجي ويقاطعونهم نهائي الا من زيارات خفيفة وصارت مرة اخوه الكبير تحرش باقي سلفاتي بحجة انه قدرناهم ولا قدرونا وانها دخلت عليهم وهم صغار ويخبون عليها موضوع الزواج ومن الكلام وكانت تتصل علي وتقولي شفت وش صار وتهرج وتهرج وكنت ولا كاني اسمع شي لاني اعرفهم وكافية خيري وشري وبنفس الوقت كنت مابي كلام ينقال عني ولا هرج لانه مايمكن احد تامنين له ممكن زي ماتكلمت فيهم عندي تروح وتتكلم فيني واخذتها قاعدة اذن من واذن من عجين وهي تسب وتدعي عليهم بشكل فظيع وقاعدتي لاتدعي على احد الا بالهداية لان فيه ملك فوق راسك يقول ولك مثلها المهم وسبحان الله كانت كل مانفسي تدهى على اهل زوجي اقابل سلفتي وتقعد تذكرني وتتكلم فيهم الين احس اني خلاص مابيهم المهم وكان باقي عند زوجي وحدة من اخواته لسى ماتزوجت الله يرزقها الزوج الصالح يارب المهم وكنت احاول ادورلها واسعى لها ابيها تتزوج وامها ترتاح ويرتاح زوجي ويتطمنوا عليها كانت سلفتي مدري من وين تدري الظاهر زوجها يقولها المهم تتصل وش تبين تدورين لها عريس خليها تعنس قلت حرام وبرضوا كل واحد يعمل باصله وانا كنت اسوي كل هذا لعل وعسى الايام تجبر اللي بيننا ولانهم اهل زوجي وعيالي شايلين اسمهم نفسي افرح بهم عند الناس وافخر فيهم الحمدلله والله انهم يوم يكون عند اهلي زواج ويحضرون ماخلي احد من عماتي ولا خلاتي ماجيبه الين طاولاتهم واقولهم هذولي اهل زوجي احس اني افرح فيهم والله يعطي كلا على قد نيته المهم وهذا كله وانا ادفع بالتي هي احسن فاذا الذي بينك وبينه عداوة كانه ولي حميم وامي كانت دوم تقولي كده وكانت دايم تقول والكاظمين الغيظ والعافين عن الناس اضحكي وزوريهم وربي تكبرين بعينهم بعدين مصيرهم يعرفوا قيمتك وكنت اقول لانا كده وبعيدة وما ارتحت لكن كده يوم اني قاطعتهم نفسي هديت شوي صحيح بالواجب ما اقصر بس اهم شي ما اروح لهم دايم وبعدين قررت اني مهما سووى لي لازم اناقشهم بالوقت و واللحظة عشان ما يجلس شي بنفسي واتعب واحقد عليهم يمكن عندهم تفسير يمكن هما يشوفون شي مني ماني شايفته ويفكرونه بتفكير ثاني لمتى بقطع عيالي من اهلهم وعمانهم وعيالهم مابيهم يكبرون وهم ما يعرفون اهلهم غير بالمناسبات ويصيرون قاطعين رحم واكون علمتهم عالقطيعة المهم وبديت بيوم كلمت ام زوحي وقلت امي انتي موجودة بجي ازورك قالت طيب الله يحيك ويوم رحت والقى عندها عيال بنتها بغرفتها ودخلوني مجلس الحريم المهم وطولت ماحد جاني غير بنتها متزوجة وكانت رايحة بيتها المهم واقعد ساعة وثنتين ولا الشغالة جايبة القهوة لي مو زينة حتى المهم وادق على جوال امي الي هي ام زوجي بشوفها وينها ماجاتني وتجيني بنتها اللي قلتلكم عليها قبل قالت امي تلبس بتخرج تسلم على زوجي قلت هي وينها انا ماجيت تقهويني شغالةواقعد مع عيالكم بزارينهم كانوا عندي انا كلمتها يوم انها مشغولة ليه ماقالت لي اجي بوقت ثاني الهم قامت تقول انا بروح بيتي ومشغولة والبنات تقصد اخواتها جايين من السوق ومدري وش فيهم المهم انا مالي شغل باخواتك انا جيت عشان امي ومكلمتها ومن يوم جيت ماشفت احد وانا قاعدة قلت شوي وتجي ومرت ساعة ومرت الثانية وماشفت احد كليمها اذا ماتقدر تجيني وماهي فاضية بروح لامي واخواتي عندهم واتقهوى والاقي احد يقابلني المهم ولا شوي وجاو اخواتها وبعدين جات امها من بعدها نفسيتي ارتاحت صرت من يوم اشوف موقف يزعلني منهم اتكلمه بنفس الوقت ماشيل بنفسي المهم تحسن الوضع شوي وبعدين اختهم الكبيرة ملكت لولدها وقلت ها جا الوقت اللي ان شاء الله ان كانهم يثمر فيهم الطيب يبانون ويبان صفاء نيتي وكنت دوم اتصل عليها واسال عنها وسامحيني مقصرة ودي اوقف معاك بالتجهيز وكل شي لكن ان شاء الله يوم الزواج ما اقصر هي بمدينة وحنا واهلها بمدينة المهم وكنت مقررة بما انه زواجهم بالاجازة اللي بين الترمين اني اروح قبلها بكم يوم واخذ فندق واروح اشوف اذا تحتاج فزعة ولا شي اكون جاهزة المهم وربي اراد اروح ازور خالتي قبل زواجهم واقعد عندها اسبوع وهي بنفس مدينتها وعشان اكمل اغراضي للزواج وزوجي كان دوم يقولي خلاص ماله داعي تروحين خليه بعد الزواج يكفي يوم الزواج وكنت اقوله لا معليش هذا واجب بغض النظر عن اللي بيننا لازم اوقف المهم واتصل عليها واروح ازورها واوجبها واسالها ان كان تبي شي ولا تحتاج اني حاضرة المهم ويوم الزواج من مغرب وانا معاها بالصالة والله يابنات لاول مرة احس اهل زوجي كانهم اهلي جلستني بالاستقبال معاها وكنت اقولها كل شوي لاتقومين أي شي تبينه وصيني به انتي ام العريس خلك بالاستقبال مايصير يجوون الناس مايلقونك المهم وكانت مسوية راية وهي لاهل العريس ونادتني معاها وتعالي وتاخذ رايي وانتي وش بتاخذين المباخر ولا ايش والله يابنات الحمدلله وهذا كله لانهم ماشافوا مني غير الطيب نسيت اعلمكم عن سلفتي مرة اخوه الكبير اول شي يوم جات وشافتني بالاستقبال انتي اش مقعدك هنا قلت لازم اكون قريبة اخاف تحتاج شي وانا بعيدة والله يابنات ولا هي تقول وانتي بتقعدين لهم خدامة المهم قلت بنفسي خليني اقصر الشر قلت روحي اجلس عالطاولة وشوي اجيك المهم وطنشتها ابيها تفهم من نفسها والله يابنات وتجيني ام العريس تعالي ارقصي معاي وطول الليل وانا وهي الحمدلله قول ماشاء الله زيي الاخوات المهم وبعدين يوم خلص الزواج الكل راح واقعد معاهم انا وشغالتي وشفتها حايسة وتعبانة واروح واضب الاغراض وارتبهم لهم ماخليت شي وحتى فساتيهنم برتبتها بشناطها ويوم جيت خارجة لاننا من الصالة رايحين على مدينتنا قلتلها فمان الله وسامحيني لو حصل قصور مني ولا شي والله انها جات معي للسيارة وقالت انتي سامحينا تعبناك وقصرنا فيك تخيلوا يابنات الطيب مهما طال الزمن وبعد الا ما يثمر وثاني يوم كلمتهم اطمن عليهم واشوف ام زوجي كيف سوت من التعب والاقيهم يهلون ويرحبون وسامحينا والله لايجيب الشر انتي لا يكون تعبتي يعني يابنات ترى قصتي اختصرت اشياء كثير فيها ماحبيت اتعمق بتفاصيل مشالكنا بس حبيتا وضح 11 سنة ماشاء من الزواج والمعاناة بعد 11 سنة انصلح الحال ماشاء الله تبارك الرحمن الله يديمه علينا يارب يابنات حاولوا مهما كان وصار لاتسمعين لاحد لاتاخذين غير الطيب واعملي باصلك والله يان كل اهل زوجي وعماته كانوا عارفين بمعناتي وكيف اني ما اقصر وكانوا يواصلوني ويحترموني ويقدروني لانهم ذاقوا الامرين منهم بواجب في عيد ولا غيره اهله من كبار السن كنت اروح واسلم واسال عليهم من غير انتظار انه احد يجيني اعتبرهم مثل اهلي لو انها جدتي ما اعذرتها ورحت لها لو انها امي ولا اختي ما عذرتها ورحت لها دايم التمسي العذر لمن يخطئ بحقك يمكن مواجتهه ظروف ومشاكل يمكن بنفسه شي ما يقدر يقوله لك ودايم حاولي ولا تيئسي والله مصيره بيجمعكم عشان زوجك وعيالك وصدقيني مع الايام بيزيد قدرك عنده ويارب اني بقصتي هذي قدرت افيدكم لو بجزء يسير وسامحوني عالاطالة واتمنى انكم تدعون لي انه ربي ييسر اموري مع زوجي ويقضي ديننا يارب ويسهل لاخته بالعريس الصالح يارب
^% روز%^ @roz_7
محررة فضية
هذا الموضوع مغلق.
مول ღ دانة الدنيا ღ
•
ياليتك اختي كبرت الخط شوي بس اوضح
بصراحة من أجمل القصص اللي قرأتها بها القسم...
قصة مشرفة...وتجربة عن ألف حكمة و مثل..
أنت مثال للزوجة الصالحة و المسلمة الناصحة...
إن شاء الله طول عمري راح أعمل باللي قلتيه ...وصية أمك لك دليل على أصلكم الطيب و معدنكم الخالص...
الله يوفقك و أهلك و يكثر من أمثالك :)
قصة مشرفة...وتجربة عن ألف حكمة و مثل..
أنت مثال للزوجة الصالحة و المسلمة الناصحة...
إن شاء الله طول عمري راح أعمل باللي قلتيه ...وصية أمك لك دليل على أصلكم الطيب و معدنكم الخالص...
الله يوفقك و أهلك و يكثر من أمثالك :)
f & y
•
ماشالله تبارك الله الله يديم عليكم كلامك سلييييييييييييييييييييييييييم 100% الطيب يثمر ولو بعد سنين ...دمتي
الصفحة الأخيرة