بنات ترى قد كلمني في موضوع الزواج بس قلت له اهلي ماراح يرضون اول شي اني مخطوبه بس هو ماعنده خبر وثاني شي انه اجنبي وتعرفون عندنا العنصرية بنت ماتتزوج اجنبي ويوم قلت له انو مستحيل قال يا أخطفك يا أذبحك والله يوم قالها جتني روعه بغيت اطير خفت يومين بعدين قلت مايقدر يسويها لأني ماطلع معه مكان بنص المول ومكشوف وكاميرات واللي قالت تاكلين ماله ماكلته ياناس هو يعطيني وراضي انا اللي مو راضية وقسم بالله طقم الذهب والقلادة منطولين من شهرين ومالبستهم الا مرتين و اساوره بعد منطوله وشنطتين وحده في الدولاب ماشلتها ولا مره ووحده عطيتها وحده اعرفها والعطور اعطيها امي وتنبسط فيها والساعات عطيتها عمتي وعشان ماكون كذابة المكياجات تحللت الله يجزاه خير والفلوس كنت محتاجتها مزنوقه صرفتهم ولما استلمت مارضى ياخذهم مني وزاد فوقهم بعد وهو عنيييييد كلمته تمشي غصب احيان اقول بتكلم معاه وانهي الموضوع لكن اللي برا يلاحظون انو فيه شي ويرمون عيونهم واذانيهم علينا يموتون ويعرفون وش السالفه وانا انحرج واقفل الموضوع واطلع

استغفر الله واتوب اليه انتي مع احترامي لك ينطبق عليك المثل اللي يقول مشتهيه ومستحيه يعني ماتبين الهدايا وتاخذينها ماتبين تردين عليه وترجعين تردين تسوين حظر وكمان ترجعين تفكين الحظر والله يااختي اعرف وحده سوى فيها واحد نفس ماسوى فيك هدايا وذهب ووو الي مالا نهايه لمده سنه لحد ماوثقت فيه و تعلقت فيه وعقبها صار يطلبها أشياء فوق ويغريها بالفلوس اذا عليها دين وهكذا انصحك لوجه الله غيري رقمك ولا تعطينه احد أبد حافظي على نفسك وسمعتك وسمعت اهلك ترى ماراح ينفعك اذا راحت سمعتك حتى لو ماغلطتي معه بس السمعه اذا راحت خلاص انتبهي انا لا أعرفك ولا تعرفيني بس اقسم بالله الأشياء هذي اغلبها باطله ومابني على باطل فهو باطل اللي يبيك يجيك من الباب مو من الدريشه خذي الهدايا منه بالحلال وليس من ورى اهلك علاقتك معه حراااااام حرااااام ومن الاختلاط لانك تكلمين شخص وتسمعين منه كلام وهو مو محرم لك راح تحاسبين على كل شي تسوينه انتبهي يعني انتي تتجراين تقولين كل هالكلام عند اهلك وإخوانك وأبوك اكيد لا ليه لانك عارفه انهم ماراح يرضون ولا راح يسكتون معناته اللي يصير خطا الله يستر عليك يارب وانتبهي لا يغريك بالكلام والهدايا ويمكن يكون مرتبط وانتي ماتدرين ولا تبنين احلام ورديه معه اللي يبيك يدل بيتكم واتركي عنك حركات المسلسلات والحب والخرابيط ولو مااستجبتي معه من اول مره ان كان ماتمادى معك من البدايه رجعي الهدايا وبدون ماتكلمين معه ولا كلمه او خلي وحده من صديقاتك ترجعها وغيري رقمك ولا تسمحين له يكلمك خلك ذيبه وصعبه المنال

سؤال دام عملك في محل معين ليش تروحين للمول القريب منك !؟
دامك عارفه البير و غطاه أنك مخطوبه و هو أجنبي أجل ليش مستمره!؟
قلتيها حسسك بقيمتك و عليه ما تقدرين ترفسينه هو و هداياه
بس المسكين دامه أجنبي يعني يصرف على عائلته برا وش هالفسق اللي فيه عائلته أولى بالفلوس من الغريب


المهم تبين تقطعين الطريق لا عاد تجين المول و رقمك غيريه بالمره لأن لو حظرتيه راح يرجع برقم جديد


و هداياه من رأيي رجعيها له و خلي واحد ثاني يسلمها له يزعل يرضى يصطفل اهم شي طريقك نقي

لاحولا ولا قوة الا بالله
==========================
أقول يا من فعلتم وتفعلون هذه المحرمات..تذكروا دائماً أن الله
يراكم مطلع عليكم.. لما جعلتم الله عزوجل أهون الناظرين إليكم..لماذا؟؟!!
إن الله لايغفل ولاينام..وهوحليم يحلم على العاصي حتى يرجع عن معصيته..
=============
فوالله الذي لا إله غيره..لا أحد يستحق على وجه الأرض أن نبارز الله جل جلاله
بالعصيان لأجله..فلابد أن نعظم الله في قلوبنا ونخشى الله ولا نخشى أحداً غيره..
وهوالغني عنا..أسأل الله أن يجعلني سبباً في هداية من يفعل هذه المحرمات..
ويرزقني وإياكم الإخلاص والقبول والعمل بما نقول..آمين..

رفع