قصتي مع بنات عالم حواء ... لكن للاسف

بنات اكيد تبون تعرفون وش الموضوع وش السالفه انا اقول لكم وش صار معي مع بعض البنات هنا بالمنتدى
شي ماراح تصدقونه انا نفسي مو مصدقه الي صاررر.
الي صار باختصار انا يابنات كنت وقتها بالمنتدى اتصفح وكنت جدا مضايقه يعني خلا لو ماتكلمت كنت راح انفجر
او اموت من القهر المهم قلت يابنت اكتبي موضوع وفضفضي شويه وفعلا كتبت موضوعي والي هوه موجود بهذا
الرابط
http://forum.hawaaworld.com/showthread.php?t=1775568
طبعا ايش سو بنات عالم حواء انا انصدمت ثاني يوم دخلت لقيت لقيت
لقيت بنات دخلوا وصارو يدعولي ماتوقعت توقعت الي راح يدخل بنت او بنتين اصلا انا كنت كاتبه الموضوع
من قهري بس حبيت افضفض من قهري ماعندي احد اكلمه غيركم بس كل هذا كوم والي صار ليه
بعد دعوات البنات ليه كوم ثاني
بنات ماتصدقون وش صار معي صارو يجون لي خطاب من كل حدبن وصوب:icon28: وحسيت وقتها هذا بفضل الله
ثم بدعاء البنات لي وانهم لهم الفضل الاكبر بهذا بعد الله سبحان وتعالى ومو بس كذا كل الخطاب ناس
سنعين ورواتبهم حلوه وكل شي حلو زمان كان يجوني ناس مو ذاك السنع ومع ذلك كنت ارضى وهم مايرضون فيه
بس للاسف تدرون وش صار ليه بعد الفرحه هذه كلها:44:
للاسف كل الي جوني تعقد الامور للاسف يعني تجي امه واخواته امه تكون موافقه عليه واخواته كمان وتطلع ليه
اخته الصغيره انا مو عجبتها او الام تكون ماتبي وحده بسن ولدها او يتكلمون ويقولوا بنجي وبعدها مااحد يتكلم
ولاحس ولا خبر يعني يابنات كل هذول الخطاب وتتفركش الحكايه على اي سبب او مايجون اصلا :09:
علشان كذا يابنات زاد املي بالله سبحانه وتعالى على الاقل صار يجون لي خطاب:arb: مو زي زمان وكل هذا
بفضل الله اولا ثم بفضل هذول البنات انا حابه اشكرهم من كل قلبي ولو اقدر اروح لحد البيت واشكرهم بنفسي
ماراح اقصر هذول البنات تاج راسي هذول سبب فرحتي هذول اناسوني بوحدتي وخفافوا عني احزاني وحسو فيه
ووقفوا بجنبي انا فتحت هذا الموضوع علشان اشكرهم بالذات وهذا وربي وربي قليل بحقهم الي سوه معي ماراح انساه بحياتي ابدا يمكن امي واخواني ماعملوا الي هم عملوا معي
ماتصدقوا يابنات الي ترسل لي بالخاص وتدعيلي والي تدخل اكثر من مره وتدعيلي مااقول لك وش سوي معي
لو مليت بليون صفحه مااوفي حقهم والي سوه معي انا حابه اشكرهم : حاب اقول لهم لكل بنت دعت
لي بظهر الغيب او بالمنتدى الله يسعدها ويوفقها ويعطيها كل الي تحلم فيها وتتمناه والصحه والعافيه وماتمر
ابدا بايام صعبه ويارب يارب يارب اجزاهم يارب الجنه والفردوس الاعلى من الجنه ونجهم من النار برحمتك ياعزيز ياغفار.
ولكم انتم الشكر الجزيل وربي يجزاكم كل خيررر انتم تاج راسي :
**مي**
البسكويته
ياحبيلكم
@عشق احمد@
جمال الاحساس
همس الغلا 1424
ورود التوفيه
*راجيه رحمة الله*
M!Ss:whatever
أميرة 1990
*احاسيس أنثى*
o.r.e.o
ضفاف نهر
ساحرة الكون
مجروحه من هدينا
دلوعة المدينه 55
الخويلديه
عذبة الاوصاف
نجاتي بااستغفار
شكولاته هانم
amira0908
om_mohamed
عشنا وشفنا
*هيوونه*

اخيرا وليس اخراً شكر خاص جدا جداجدا لي بنتين بعالم حواء بنتين من اروع بنات حواء
قليله لهم كلمة اروع هم ملائكة عالم حواء
اكيد أبتسامة أمل
واختي وحبيبت قلبي
كل عام وجرحي بخير

اكيد بتقولون اشمعنا هذولي انا اقولك أبتسامة امل حابه اقول لك شغله انتي فعلا امل
وربي لمن قلت ليه حمستينا ندعيلك اكثر انا وربي الي تحمست زياده اني ادعي اكثر
ومو بس كذا وربي كل مااشوف اسمك ابتسامة امل اتفائل واحس فيه امل بالحياه
مو بس كذا اختي ابتسامة امل ماتركتني يابنات كانت كل شويه تدخل وتضع رد لموضوعي الاول
اما كل عام وجرحي بخير هذه مانستي وهذه التي ابكتني فعلا تدرون وش كانت تسوي
ارسلت ليه رساله خاص يابنات تدعي ليه وتطمن عليه اول ماشفت الرساله توقعت انها دعايه او وحده
تبي تسالني عن شي زي باقي الرسالات الخاصه الي جاتني بس كل عام وجرحي بخير عملت ليه مفاجئه
ماكتبت موضوع للرساله كانت كاتبه هكذا؟؟؟ استفهامات وماكنت متوقعه اصلا انه في احد بيحس فيه زي ماقلت لكم
ماتوقعت اصلا من البنات كل هذا فدخلت على اساس رساله دعايه او احد البنات تبي تسالني عن شي
وتفاجئت بالدعاء الي ابكاني وغير الكلام الحلو وكانت تتواصل معي بالرسال وتطلب مني ارسل لها واطمنها وابشرها
وتسال عتني وتدعيلي ياريت لو اقدر انسخ لكم كلامها كنتوا فعلا راح تحسوا ليه انا بكيت وراح تبكيكم الرساله
بس خايفه تزعل او تضايق بس وربي ابكتني رسائلها كثيرررا

بنات هذا والله اقل من حقكم بكثيـــــــــــرررر

بنات كل الي اطلبه منكم ادعولي مره اخرى يمكن ماتتفركش الحكايه وابشركم بعد دعائكم الاول لي لازال هناك
خطاب ارجوكم اوقفوا معي الى النهاية
اللهم اجر كل من تدعي لي الفردوس الاعلى من الجنه والنجاة من النار وسعادة في الدنيا والاخره ياعزيز ياغفار