قصتي مع بنات عمي

السلام عليكم

حبيب انقلكم قصتي لتاخذون العظه والعبره وماتثقون باحد مهما يكوووون
في يوم من الايام كنت اعتبر بناات عمي اكثر من اخواتي اشكي لهم همومي
اطلع لهم اللي بقلبي اذا تتضايقت ازعل اذا احد تكلم عليهم ماتصدقون قد ايه كنت احبهم واعتبرهم بصدق اكثر
من اخواتي كنا نسهر رسوى نطبخ سوى اقسم بالله العظيم عمري بحياتي مااذيتهم بالعكس يمكن انا اكثر وحده كنت ادافع عنهم
واللي ماكنت ادري عنه انهم كانواا يتكلمون بعرضي ونا مادري واسمع ولا اصدق
واقول يبغون يفرقون بينا مستحيل يسوون كذى
المهم في يوم من الايام جاء واحد ماشاء الله تبارك الله وسامه واخلاق ووضعه المادي كويس
وافقت عليه لان اي وحده تتمناه طرت عند بنات عمي اعلمهم ونا ميته فررررررررررح وابغاهم يفرحون معي
لاني شي طبيعي لو وحده انخطبت منهم بطيرر فرحه لهااا يوم قلت لهم اشكالهم تغيرت وجاملوني وبينوا لي انهم فرحانينن استغربت وتحطمت من رده فعلهم بس جبت لهم عذر
المهم جا خطيبي وملكنا كل يوم يزورني وتعلقت فيه مره حبيته
جلسنا سنه مملكين اكلمه كل يوم طبعاا يوم رحت عند بنات عمي وكلمته وقفلت منه
اخذت جوالي وحده منهم عطيتها وبكل ثقه كني اعطي وحده من خواتي مافكرت ولا جاا ببالي
باللي بتسويه تخيلوااا اخذت رقمه

ويوم رجعت بيتنا دقوا عليه قالوا له وش تبي بفلالالانه ترى خرباااانه وبتنزل راسك التراب
المهم دق علي خطيبي قالي في احد يكرهك من صحباتك حاقد عليك قلت لا مستحيل ماافي
ليه السؤال قال مدرري بس بنات دقوا علي قالوا كذى وكذى انا استغربت قلت هاتي الرقم
بدق اشو ف مين اخذت الرقم ودقيت من رقم اخويه الا والصدمه الكبيرررررررررررره يوم سمعت صوت بنت عمي
اقسم بالله العظيم نزلت دموووع من عيوني بدون محس ماني مستوعبه طيب ليه كذى انا وش سويت
معقوله بنات عمي اللي احبهم وعمري بحياتي مااذيتهم يسسووون فيني كذى
مستحيل كل هالفتره انا مخدووعه قفلت الخط ونا مصدومه ماا عندي تعليق وش اقول

رجعت كلمت خطيبي ونا مصدومه وش اقوله قالي ليه يقولون كذى
ومين ذولي قلت له مدري استحيت اقول بنات عمي
ومستحيه منه وش يفكر يوم قالوا له كذى عني معقوله صدقهم
بكيت قالي اشفيك انا اكثر واحد اعرفك انتي كبرتي بعيني اكثر
انا عارف حقد البنات لاتفكرين بكلامهم قلبي صدقيني ماتغير شي من حبك بالعكس زاد انا تطمنت بس برضه
مجروحه من بنات عمي ماجاني نوم انتظر متى يجي الصبح عشان اواجههم يوم طلع الصبح لبست عباتي ورحت عندهم

طلعوا لي يوم شفتهم ماقدرت اتكلم بكيت بكى مو طبيعي ماني مصدقه ليه سووا فيني كذى
معقوله انا استاهل وهم يطالعون وعادي فيهم بردود الثلج ونا جمره مولعه فيني قلت لهم بس ليه تسوون كذى ليه ابغى افهم وهم ماعندهم رد شوي طلعت امهم واخواتهم قالوا اشفيه
علمتهم السالفه قالوا لي ارجعي بيتكم ولا تفترين على بناتنا حتى ماعندهم جوال وهم يضحكون وراهم ونا بالوسط ابكي ماعاد عندي كلام كل العايله علي رجعت البيت ومديت سجادتي وصليت ودعيت من قلبي ونا ابكي تعرفون دعوه المظلوووم قلت ياااااااااااااارب انا ماقدرت اخذ حقي ياااارب خذ حقي منهم

يارب لاتترك حقي ظلموني وتكلمواا في عرضي عند زوجي يارب خذ حقي عاجلا غير اجلالا المهم قطعت علاقتي فيهم وتزوجت الحمد لله يارب والحين السالفه لها ثلاث سنينن وجبت ولد وحياتي الحمد لله رب العالمين كلا حاسدني عليهااا
تدرون وش صار ببنات عمي شي لو اقوله يمكن ماحد يصدق قسم بالله العظيم
يوم علمتني امي جسمي كشعر وعرفت ان الايام دواره ون الله بياخذ حقي منهم لاني دعيت من قلبي ونا مظلومه انخطبت وحده من بنات عمي من واحد من برى مايقرب لنا
وملكوا وكل شي تخيلوووووووووووووووووووووا ان بنت اخت بنت عمي
دقت عليه نفس الحركه اللي صارت لي بالضبط قالت له وش تبي فيها هذي واطيه هذي تطلع مع شباب
اللي صار انه طلقهاا وقال اكيد بنت اختها ماراح تفتري عليها انا مااشمت انا حابه اوضح لكم شلون دعوه المظلوم وان الايام دواره اقسم بالله العظيم واللي رفع سبع سموات هذا اللي صااار معها والحين هي مطلقه ببيت اهلهاا كل يوم عن يوم ربي ياخذ لي حقي
منهم لاني ماقدرت اخذه انا

يارب لك الحمد انا الحين مستقره بحياتي والله يديم لي السسسسسسسسسعاده
حبيت انقل لكم قصتي واتمنى تستفيدون منها على الاقل ماتوثقون باي احد مهما يكون


تحياتي