قصتي مع تأخر الانجاب من المنشطات الى اطفال الانابيب ( الجزء الاول )

بسم الله الرحمن الرحيم و به نستعين
اللهم صل و سلم على نبينا محمد و اله و صحبه اجمعين
حبيت اكتب تجربتي من بدايتي مع المنشطات الى اطفال الانابيب ب تفاصيلها لأنني عارفه ان الكثير يبحثون عن الفائده و التجارب المفصّله عسى الكل يستفيد يارب
أولاً عمري 33 متزوجه من ثلاث سنوات من الرياض ما رزقني ربي اطفال وماكنت حريصه على هالموضوع لأسباب التنقل و غيره
زوجي مافيه مشاكل وانا عندي تكيس مبايض ومن ناحية التحاليل احيان القى هرمون مو بالمستوى الطبيعي او فيتامين ناقص ف اخذ له علاج فتره بسيطه و يرجع طبيعي الحمدلله
لكن كنت احرص اني كل 6 شهور اسوي فحوصات شامله
مخزون المبيض طبيعي عندي
جربت مرتين في دورتين متباعدات منشط الكلوميد وتابعت التبويض و حجم البويضه وكانت كل مره تطلعلي بويضه وتوصل للحجم الطبيعي و اخذ الابره التفجيريه وما يصير حمل والحمدلله على كل حال

قبل 3 شهور بديت افكر بالموضوع ب جديه ولأني اعشق الاطفال و اتمنى عاطفة الامومه زي كل انثى فينا 🥺♥️♥️
قررت الاتي :
1- التزم على حبوب جلوكوفاج لمقاومة الانسولين لانه يعتبر علاج لتكيس المبايض
2- الاستمرار على حمض الفوليك
3- شرب الماء بكثره لا يقل عن 3 لتر
4- وزني زايد تقريبا 10 كيلو لكن للامانه ماكنت حريصه انحف لان بنية جسمي مو دبا لان كتلة العظم عندي ماخذه وزن
5- حاولت اخفف حلويات لانها عشققققي🍩🍪🍭🍫 لكن ما قدرت اني اخففها كثير😅
بعدها رحت ثاني الدوره ل دكتوره في مستوصف ابا الخيل ودكتوره عاديه بس لان المستوصف كان قريب مني
ونصحتني ابدا منشط ( فيمارا ) لانه افضل من الكلوميد خاصه للي تعاني تكيس مبايض
هو اغلى سعر من الكلوميد بس قلت بجرب عسى ربي ينفع به
بديت على المنشط اعتقد 5 ايام ومع متابعة التبويض والابره التفجيريه وماحصل حمل
نزلت الدوره ورحت مره ثانيه و عدت نفس التجربه بالضبط وحسيت ب اعراض مثل الم الصدر و خمول وكنت متأمله خير
لكن نزلت الدوره والحمدلله على كل حال

قبل تنزل الدوره الله يعزكم كنت حاطه ببالي لو ماصار حمل ما راح اتردد اني اتوكل على الله و اروح اسوي اطفال انابيب
وقلت ل زوجي هالشي عشان يدعمني لان النفسيه يابناااااات تأثر على كل شي

وفعلا نزلت الدوره وبكيت😭
وقلت الحمدلله على كل حال

هنا قلت ستووووووب منشطات و انا صارلي 3 سنين زواج وراح اخذ موعد عشان ابدا عملية اطفال انابيب

خلو هالموضوع لتجربتي مع المنشطات و راح اكمل لكم بالموضوع الجاي كيف بديت بتجربة اطفال الانابيب بالتفصيل

( ربي لاتذرني فردا وانت خير الوارثين)
( ربي ارحم والدي واموات المسلمين و اطل ب عمر امي بالصحه)
( لا اله الا انت سبحانك اني كنت من الظالمين )