والله انا حاسة بمعاناه كل الى تاخر عندهم الحمل لاني مريت بهاي التجربة والناس ما خلوني في حالي الي هم اقرب الناس لي يحرجوني تخيلوا عمتى تحرجنى جدام امي وابوي وجدام كل اخواني وخواتي تقولي عنبوه الين الحين ما حملت كل الي عرسوا وياج حملوا وربوا انا ادري تقصد بنتها كانت معرسه قبلي بشهرين وحملت وربت ما شاء الله والحين عندها طفلين وكل حد يشوفنى يقولي لو عندك ياهل شان ما حسيتي بلملل
آآآآآآآآآآآآآآآآآآآآآآآآآآآآآآآآآآآآآآآآآآآآآآه الله يسامحهم كلهم عانيت وكم عانيت


بس الله رزقنى

وان شاء الله الله يرزقكم

ألف ألف شكر لك ياأم الحلوين الثلاثة دخلت على الرابط وانشاء الله أستفيد ، وأشكرك ياa7laa_3yoon
والله يخلي لك إلي جبتيه وانشاء الله ما يضيع صبرنا .

اختي هنا بنت الأجاويد
الله يرزقنا واياكم وكل بنات المنتدى بالذرية الصالحه عاجل غير اجل
لكن احب اقولك شئ
ترى النفسيه لها دور في الحمل سبحان الله اذا كنتي مقلقه نفسك كل شهر وانتي في (....) ترى سبحان الله مايصير حمل <<< واتوقع انك فهمتيني
لكن توكلي على ربك وتعوذي من الشيطان الرجيم واطلعي للناس ووسعي صدرك واللي دافع ريال ياخذ عشرة
وكله بأمر من رب العباد
وصدقيني انا كنت مثلك دايم افكر لدرجة ان شعري تساقط ونحفت وبعدها تعوذت من الشيطان وتركت الهواجس وصرت
أحاول قدر المستطاع اني ماافكر ورزقني ربي وحملت لكن حملي ماكان طبيعي ونزل والحمد لله على كل حال
والحين دخلت السنه ال6 وانا انتظر فرج ربي
وحاولي قد ماتقدرين انك تتقربين من الله اكثر وتقرأين القران وتلحين على الله بالدعاء وتهجرين المعاصي ان كنتي ممن يستمعون الغناء
او متهاون في بعض الامور سبحان الله ابن ادم مايحس في نفسه
عموما انا طولتها وهي قصيرة بس حبيت انك ماتضيقين على نفسك وكلام الناس دخليه من هنا وطلعيه من هناك
وتقربي الى لله بالطاعات والالحاح اليه بالدعاء

جزاك الله ألف خير السكوت2001
رزقك الله الذرية الصالحة التي تقر بها عينك ، عزيزتي نصائحك قيمة لوعمل بها كل شخص لما حمل هماً ، والحمدلله أنا ماأسمع أغاني ، ولكن أكيد فيه معاصي نعملها وحنا لاهيين ، نطلب من الله المغفرة .

الله يرزقنا يااااااااااااارب ويهون على الجميع هذا الابتلاء..

اللهم ارزقنا الذريه الصالحه الى تقر بها العيون وعوضنا خير عن السنين الي فاتت يااااااااكريم..