قصتي مع تأخر الحمل ( الجزء الثالث )

بسم الله الرحمن الرحيم و به نستعين
اللهم صل و سلم على نبينا محمد و اله و صحبه اجمعين

موعدي الثاني الى موعد عملية سحب البويضات :
بعد ما استمريت على المنشط 5 ايام من ثاني يوم الدوره الى سادس يوم الدوره
رحت لموعدي في اليوم السابع من الدوره وكنت مخلصه دوره
.. سويت اشعه عشان نتابع التبويض ونتطمن على البويضات و حجمها وسماكة الرحم
.. قال الدكتور استمر على المنشط 3 ايام لكن ب جرعه اقل .. و كتب لي ابره ثانيه جرعتين ..
المنشط / كان نفس المنشط اللي خذيته ال5 ايام اللي قبل اللي هو جونال اف لكن الجرعه اليوميه 150 وحده ،،، اما الابره الثانيه كان اسمها : سيتروتايد وشرح لي الدكتور مفعولها ( قال ان هالابره تحمي البويضات من الانفجار قبل عملية السحب ) … طبعا اليوم السابع اخذت المنشط جونال اف جرعه 150 ،، اليوم الثامن و التاسع اخذت المنشط + ابرة سيتروتايد(( طبعا الاشعه 210 ريال و ال3 ابر كلفتني تقريبا 850 ريال))
———- اليوم العاشر كان عندي موعد اشعه (( على ما اذكر ان الاشعه الثالثه تكون مجانيه )) شاف الدكتور البويضات وعددها وحجمها و قال اليوم اخر يوم للمنشط تاخذين 75 وحده (( والحمدلله اني مارميت اللي عندي اول عشان مااضطر اشتري)) و صرف لي ابرة سيتروتايد جرعتين لليوم العاشر و اليوم ال11 و صرف اللي الابره التفجيريه عشان اخذها اليوم ال11 ———— يعني اخذت اليوم العاشر اخر جرعه للمنشط + ابرة سيتروتايد ،، و اخذت اليوم ال11 ابرة سيتروتايد + الابره التفجيريه .. وطبعا اي شي تاخذينه لازم يكون بنفس الوقت الا بيوم الابره التفجيريه عطتني الممرضه نصيحه مهمه جداااااااا ::: وهو اليوم ال11 اللي ابي اخذ فيه الابره التفجيريه قالت لي انو لازم ابرة سيتروتايد مايكون وقتها قريب من وقت الابره التفجيريه .. لازم سيتروتايد قبل الابره التفجيريه بما لايقل عن 8 ساعات .. لان سيتروتايد تحمي البويضات من الانفجار و الابره التفجيريه عكس المفعول زي ما كلنا عارفين انها بعد 36 ساعه تطلق البويضات
—- ف كنت اخذ ابرة سيتروتايد 8 مساء لكن لان الدكتور قال لي اخذ الابره التفجيريه 10 مساء ف اخذت ابرة سيتروتايد 2 الظهر قبل الابره التفجيريه ب 8 ساعات
….. والابره التفجيريه الدكتور هو اللي يكتب لك الجرعه على حسب حالتك يعني انا صرف لي 3 جرعات 3 ابر وكلها خذيتها بنفس الوقت الله ياجرنا ولا يضيع لنا تعب ياررررب🥹.. بما اني شرحت لكم الادويه بالتفصيل بقوللكم ان الدكتور باخر مراجعه اللي هي اليوم التاسع وبعد ماشاف الاشعه وكتب لي الادويه اللي اخذها حدد لي عملية السحب بعد الابره التفجيريه ب 36 ساعه
..
وعملية السحب راح اكتبها بموضوعي الجاي لاني احب اشرح كل شي ب امانه..( ربي لاتذرني فردا وانت خير الوارثين )
(ربي ارحم والدي واموات المسلمين اجمعين و اطل بعمر امي بالصحه)
( لااله الا انت سبحانك اني كنت من الظالمين )