السلام عليكم ياحوائيات
كيف حالكم ؟ هاذي اول مشاركه لي وحبيت انكم تستيفيدون من قصتي مع حملي وولادتي:)
تزوجت وعشت مع زوجي حياة سعيده والحمد الله وبعد اربعه شهور صاروا اهلي يسألوني ها ما حملتي؟ كانوا عكس اهل زوجي كانوا مايسألون ولا يتكلمون بسالفة الحمل المهم وكنت اجاوبهم بصدر رحب واقول لهم لا بدري علينا خلونا نبسط بعدين يصير خير ...ومن تزوجت الى 8 شهور ما جاتني الدورة يوه وش السالفه وبعد الثمانيه جاتني بسيطه ومقطعه وكنت اتكلم مع صديقتي ودلتني على دكتورة ورحت للدكتورة بعد السنه من زواجي وكشفت علي وقالت لي كل شي تمام عندك لكن عندك ضعف في المبايض وهاذي علاجها سهل قلت الحمد الله وهذا حبوب منظم للدورة والنوع الثاني الكلوميد المقوي للمبايض وكانت تنزل علي الدورة بصعوبه ونزول الدم الله يكرمكم كان بسيط مرررره وغير الألم آآآآآآآآآآآآآه ما أنسى الألم الشهر اللي تجيني مع الدورة وكنت اقول للدكتورة كل فتره مراجعه تقول خير ان شاء الله وحطت على التصوير بالتليفزيون (السونار) قالت الحمد الله مافيش اورام ولا تكيسات بس هذا طبيعي لان الدورة مطوله معك ما نزلت من زمان وصدقتها وبعد 3 شهور قالت الكلوميد ماجاب معك نتيجه نعطيك أبر منشطه علشان تنشط البويضات للحمل وكنت خايفه من هاذي الأبر وسبحان الله كان وقتها ظروف زوجي صعبه ولا قدرنا نجيبهم وقلت لها ان هذا الشهر ما اقدر اخذ الأبر قالت معليش الشهر اللي بعده ان شاء الله اخذيهم ... وخلاص كنت ماني مرتاحه اني ارجع للدكتورة هاذي ومر الشهر ولا رحت لها وكان وقتها عندي صديقة الطفوله بس كنت ما اتواصل معها دايما وجا يوم وكلمتها وعلمتني سالفتها مع تأخر حملها ومعاناتها مع المستشفيات الين طاحت على دكتورة ممتازة وكان لها 3سنوات ما حملت وعمليات وحاجات مالها اول ولا تالي على مايقولون وسألتني ها ما حملتي؟؟ قلت لا والله الحين صار لي من تزوجت سنه وخمسه شهور ولا حملت قالت روحي للدكتورة هاذي وان شاء الله تحصلين منها فايده انا حملت على الله ثم على يدها قلت صحيح قالت ايه والله ورحت سولفت مع امي الله يخليها لي قالت اوووه هاذي دكتورة قديمه مرره وممتازة يمكن لها فوق 23سنة عندناوتشجعت وجيت وقلت لأبو الشباب:arb:قال اذا ممتازة ومعروفه مافي مشكله اوديك لها وحجزنا موعد عندها ورحت لها ودخلت عليها وعلمتها بكل شي سويته مع الدكتورة الأوليه قالت لي هاذي تحاليل وابقاك تسوينها وترجعي لي ورحت وسويت التحليل وطلعت النتيجه في نفس الوقت وعملت لي سونار واشوف الدكتورة شكلها مفزوعه انا خفت:09:قلت لها فيني شي ؟الله يهديها افزعتني بأسلوبها ايه ده عندك تكيس في المبايض فضيع لو انك ما خذه الأبر المقويه كان اتفجرت عندك المبايض( بسم الله الرحمن الرحيم ) وخفت خوف رهييييييب لاني ما اعرف وشو التكيس اصلا وقالت لي هذا حبوب منظم للدورة بعد ماتنزل الدورة عليك تعالي لي قلت بنبرة خوف وحزن طيب وطلعت وجلست اصييييح بالسياره:icon33: وقلت لزوجي الظاهر يبقى لي عمليه قالي لاان شاء الله ما تحتاجين انتي ليه حكمتي بالعمليه ؟قلت له لان صديقتي كذا تكيس على المبايض وسووا لها عمليه وحزن زوجي معي ويومها لاتغدينا ولا تعشينا وبعد كم يوم رجعت لها وقالت لي هذا حبوب للتكيس علشان تروح وبعد ماتروح التكيسات اللي في المبايض نبدأ العلاج للحمل قلت لها يعني مافي عمليه ردت علي عمليه ايه وانا قلت لك ان بنسوي لك عمليه قلك لها لأ بس وعلمتها سالفة صديقتي قلت لي فيه فرق بين التكيس في المبايض والتكيس على المبايض اللي فيهم تكيس على المبايض هم اللي يحتاجون لعمليه صغيره وقتها عرفت الفرق قال لي بو الشباب عكرتي علينا حياتنا في الأخير لا عمليه ولا شي يلا الحمد الله و اخذت علاج التكيس لمدة اسبوع وراجعتها مرة ثانيه قالتلي الحمد التكيسات راحت والحين بعطيك منظم للدورة في نفس الوقت مثبت للحمل علشان لو صار حمل او شي يكون حملك ثابت وعطتني بعد كلوميد مقوي للمبايض واخذت الكلوميد لمدة 3 شهور ولا جاب معي نتيجه وبعد فترة علاج دامت 6 شهور قالت لي الحين نبدأ بالأبر المقويه قلت طيب وبدت عطتني الأبر من خامس يوم من الدورة وأخذت الأبر 3 ايام يوم اي ويوم لأ واليوم الرابع عطتني ابرة تفجيريه للتبويض وقالت لي تعالي لي بعد يومين ورحت عنده بعد يومين وسوت لي سونار وفرحت وفرحتني :42:معها قالت لي وصل عندك التبويض 24يعني نسبة الحمل ممتازة يعني ان شاء الله راح يكون في حمل هذا الشهرانتي اخذي حبوب المنظم والمثبت واتركيهم بعد 22 يوم وخليك 10 ايام اذا ما جات الدورة معناتها فيه حمل وروحي حللي واذا جات الدورة خلاص خيرها بغيرها والدكتورة الله يذكرها بالخيركانت دايما تكرر كلمتها ( انا اريد وانت تريد والله يفعل مايريد ) وطبعا في فترة علاجي كله ما تركت الأستغفار يعني الحمد الله كان لساني مايفارقه الاستغفار بنية الحمل والصدقة الحمدالله كنت انا وزوجي نتصدق باللي يقدرنا عليه ربي ووقتها كنت شايله فكرة الحمل من بااالي وكنت اقول لزوجي ظهري يألمني يقول لي حاامل اقول اوووه ولا حامل ولاشي وكل ما اشتكيت من شي قال لي حامل وانا مستبعده الحمل وخلصت ال8 الأيام وكانت نفسيتي تعبانه وليلة من الليالي قلت لزوجي جب لي شريط اختبارالحمل قال لي لأ كملي ال10 الأيام وأجيب شريط اختبار الحمل قلت ما فيني صبر وجابه لي وليلتها ما نمت زين كنت افكر فيه حمل ولا لأ ؟ونذرت نذر اذا حملت هالشهر رااح اتصدق باللي يقدرني عليه ربي اللهم لك الحمد والشكريارب.......
ولما اصبحت الصبح سويت التحليل وقلبي دقاته سريعه بالمرررررررره ماتتصورون كيف ويطلع لي في الاختبار خطين وردي ما صدقت عيوني وأقرأ التعليمات اللي على كرتونة الاختبار نفس اللي عملته واروح ركض للغرفه واصحي زوجي من نومه قال لي وش شفيك قلت قم معي قال وين ؟ قلت له سويت الاختبار قال لالالا هو فهم وصار موقادر يمشي على رجوله كنت امشيه بالقوة وصلته لنتيجة تحليلي وفرحنا فرحه مالها حدود وسجد زوجي سجدة شكر وقال لي لأ لازم نسوي تحليل دم بالمستوصف قلت خلاص وكانت الساعه تمر علينا بطييئه مره بالموت جات الساعه 8 ورحنا وسويت التحليل قالت النيرس مببببروك حامل :icon28:ما تتصورون شعوري انا وزوجي وقتها:42: واكلم امي الله يخليها ويحفظها لي وابشرها الساعه 9 وحياتي امي من الفرحه صارت تبكي بالجوال وارسلت رسايل لأخواتي وحبايبي كنت ابقى الكل يشاركنا فرحتنا منهم من شاف الرساله ودقت علي في نفس الوقت وهم يصيحون ومنهم ما شافوا الرساله والكل صار يدعي لي بتمام الحمل الله يجزاهم خييير الكل ماقصر معي واهل زوجي ياعمري قالوا لي خلاص لاتتحركين ولا شي احنا نطبخ لك ونشتغل لك بالشقه بس انتي لاتسويين شي الله يجزيهم خير وبعدها رحت لدكتورتي عسى ايديها ماتمسها النار وعطيتها ورقة التحليل وصارت تزغرط:icon28:وفرحت فرحه مالها حدود وقلت تستاهلي الهديه وقالت هديتي حملك
وصارالوحم وكان وحامي كريييهه لا اكل ولا شرب ولا نوم بس منسدحه على السرير ولا ابقى نور بالغرفه ولاصوت والجوال كرهته وكان ناس كثير يدقون علي يبغون يباركون لي الحمل ما احب اكلم احد وجلست عند زوجي بدايه حملي شهر ورحت اراجع عند الدكتورة قالت لي يلزم لك الراحه وسوت لي سونار وبين على وجها الفرحه قلت لها عسى خير قالت خير ان شاء مبروك انتي حامل بتوأم قلت لها صحيح قالت احمدي ربنا ماشاء الله تبارك الله وطلعت من عندها ورحت ابشر زوجي وهو ما صدق قلت له والله حتى شوف الصورة وصارت عبراته تسبقه وما قدر يتكلم ورحت عند امي وعلمتها بس قلت لها لاتقولين لأي احد هذا سر بيني وبينك وبين زوجي وفعلا احتفظت امي بالسر وجلست بيت اهلي الى بداية الشهر الخامس ورجعت عند زوجي وكنت اخذ أبر للتثبيت وبما ان وحامي كريه ولا اتقبل اي احد كان الكل يشك بأني حامل بتوأم وانا اقول لهم لا مافيني توأم وكنت اتابع حملي شهريا لما جيت على نهايه الشهر الثاني رحت للدكتورة وسوت لي سونار صااارت تضحك خفت من ضحكتها قلت لها ليكون حامل بثلاثه قالت لي ايوووه قلت لها لاشعوري كذاااابه وقتها كرهت الحمل وكرهت الطفل الثالث ( ماشاء الله تبارك الله )قالت لي احمدي ربك هاذي هديه من الله والمفروض انك تشكريه وما تعترضي على حكمته في حريم يتمنون لوطفل واحد وانتي قولي الحمدالله حمدت ربي وانا داخليا كارها هذا الشي وصار لي يوم كامل وانا كذا وبعدها يوم ثاني حست اني تعلقت في الطفل الثالث اكثر شي وحبيته وعلى دخولي في الشهر الخامس صارت امي مريضه وتنومت في المستشفى وكان المستشفى بعيد عن منطقتنا تقريبا ساعه ونص وانا ما اتحمل المسافات الطويلة وكنت افكر واصيح ابقى اشوف امي لاني صار لي شهرين ما شفتها بس اكلمها تيلفون هذا الكلام خلال الشهر الخامس والسادس ولما اخذت اسبوعين من السادس صار عندي الآلام اسفل بطني وبعدها تنام فخوذي رحت لدكتورتي قالت لي انا خايفه من كذا احتمال ولادة مبكرة !!!!!!!!!
روحي سوي لي تصوير رباعي الابعاد لان احتمال اوزان الاطفال قليلة كان واحد 500 غرام والآثنين 600 غرام يعني حجمهم صغييير مرة وسويت رباعي الابعاد وقال لي اوزانهم فوق الكيلو وبعدها بس اخذت يومين من السابع الا نزل معي دم وانا نايمه وشو هذا ؟!!!!! وصحيت زوجي الساعه 2 بالليل ويلا على المستشفى الولادة والاطفال ورحت عندهم طبعا مافيه عنايه واطلع من عندهم واروح لمستشفى خاص وانا انزف قالوا ما عندنا حضانه للأطفال الخدج يووووووووووووه :09:وسوت لي الدكتورة تحويل لمستشفى الحرس الوطني واروح لعندهم الساعه 6 ويلا أسئله في أسئله وانا خلاص تعبانه ماني قادره مو تعب آلالام ولا شي لالا كانت نفسيتي تعبانه ودخلوني غرفة الولادة ما حد معي زوجي ممنوع يدخل بيني وبينه جوال بس ورجع للبيت لان جلوسه بالمستشفى مامنه فايده رجع ياقلبي وهو متضايق :(ياعمري كان خايف علي .....ويجي الدكتور ويقيس فتحة الرحم قال لي مفتوح 2 سم واذا تأخرنا اكثر في خطر عليك وعلى الأطفال يلا تبغين توقعين على عمليه قلت يلا ووقعت ودخلوني غرفة العمليات الساعه 12 الظهر بعد ما عطوني ابرتين علشان اكتمال الرئتين عند صغيريني ويلا بنجوني ما حسيت بشي الا الساعه 2 ونص انتبهت وكنت افكر في زوجي قالوا له اني ولدت ولا لأ واثاريه ياقلبي يدقق على المستشفى الين بشروه وبشر الحبايب وسألتهم وانا اخرف عليهم بعد البنج,,,ههههههه وانا وش جبت قالوا لي ماشاء الله لاحول ولا قوة الا بالله بنتين وولد قلت الحمد الله انا جلست بالمستشفى 5 اياام وحبايبي البنتين شهرين صاروا بالحضانه والولد شهرين ونص لان جرمه صغغغير مره مثل ماقالت دكتورتي 500 غرام والبنات وحده 750 غرام والثانيه 950 غرام طلعت هي احسن من التصوير الرباعي ّّوما طلعوهم من المستشفى لما صارت اوزانهم كيلو و800غرام والحمد الله والشكر والحين صار عمرهم سنتين و3 شهور ادعولي الله يخليهم ويخلي زوجي حبيبي ويحفظهم من كل شر
ونصيحه ل
لأي وحده تأخرت بالحمل لاتكون حساسه لما احد يسألها حملتي ولا ما حملتي المفروض تستقبلين هذا الكلام بصدر رحب وتقولين لهم ادعوا لي ولا تفكرين بالحمل كثير لانه يأثر على نفسيتك ويأخر الحمل
وهاذي قصتي اسمحوا لي طولت عليكم بس حبيت أوضح نتيجه الاستغفار والصدقة اللهم لك الحمد والشكر كما ينبغي لوجهك وعظيم سلطانك
يلزم عليك تسجيل الدخول أولًا لكتابة تعليق.
ماشاء الله تبارك الله الله يخليهم لك ويحفظهم ويصالحم وجزاك الله خير على القصه من جد خلتني ابكي ادعلي الله يرزوقني بتوام بنات صالحين ومعافيين عاجلا غير اجلا
الف مبروك الله يحفظهم لك ويصلحهم ويجعلهم بارين فيكم
وعقبال كل المتاخرات ان شاء لله
الله يرزقهم بالحمل السليم الثابت عاجلا غير اجل يارب
وعقبال كل المتاخرات ان شاء لله
الله يرزقهم بالحمل السليم الثابت عاجلا غير اجل يارب
الصفحة الأخيرة
الحمد لله على سلامتك ومبروك ماجاك الله يرزقك برهم ويجعلهم من الصالحين