قصتي مع تاخر الحمل والمرض الروحي

السلام عليكم ورحمة الله وبركاته
بنات بكتب لكم قصتي وابي مشورتكم .. طبعاً انا بستخيير بس ابي منكم قصص وتجارب احد مر مثل حالتي ،،،
انا متاخره بالحمل اول مابديت بعلاج طبي تحاليل وكل شي سويته وطلع معي ضعف تبويض فقط .. وخذيت كلوميد وابر .. تكبر البويضات بس مايحصل حمل
وقفت كم شهر وسويت إشاعة صبغه والنتيجه سليمه
ومرخت وحجمت .. بعدها رحت مستشفى كبير ودكتورة تاخر حمل وعقم .. وسوت لي تحاليل دقيقه بالمررررره وتحاليل لزوجي وكل شي سوته ... طبعاً نفس الكلام بس معي ضعف تبويض وعطتني ابر وتنشيط وصار حمل خارج الرحم ،، بعملية قيصررريه
لاخفيكم كمية الالم النفسي شعورر ماقدر اوصفه .. مامداني فرحت بكلمة فيه نسبة حمممممممل الا صار هالامر الم قووي وصار خارج الرحم ...
طبعاً الي جد علي بالموضوع صرت اتحلم بنساء كثيييير واحلام متعبه ولها تفسير .. بديت رحلة المشايخ والرقيه خذيت علاج من زيت وسدر وماء زمزم ... كثررررررت معي الاحلاااااام
قال الشيخ دام تحلمين استمري ... طبعا ماشخص حالتي بس قال عين قديمه وحسسد ...
غيرت الشيخ لواحد ثاني وثالث ورابع البيت عندي كله زيوت وخلطات و......الخ
طبعاً انا حاسه فيني شي صرت اقراء بمواضيع الرقيه وعرفت انو معي مرض روووحي ...
ومستمره ع رقيه وسماعها ودهان جسمي والحجااامه
خفت الاحلام لاكن لم تنقطع ... والجديد بعد ٧ شهور من رقيتي لنفسي صرت احس بحركه برحمي زي الدبيب احس شي جواء رحمي يتحررررك ....
طبعاً الدوره عندي من بديت علاجات الحمل وهي متخربطه صارت تغيب شهرين او ثلاثه وتجي نقطه نقطتييين .... طبعا قبل زواجي كانت تجي صح مو شهرياً بس ع الاقل تنزززل مو الم بدون شي
طبعاً لي الان بعد حمل خارج الرحم سنتين بالضبط
والرقيه لي عليها سنه ونص عليها واحجم بين فتره وفتره وارتاااااااااح بعد الحجاااامه ....
انا اسمع بنات يقولون لازم تنتضرين الين تشافين تماما .. خصوصا اني لحد الان ادري رحمي فيه شي
وسألت شيخ عن الحركه مع الرقيه قال هذي علامة ضعف العااارض .. بس ماطلع الله ياخذ رووحه عذبني بحيااتي
وانا مستمره ع الرقيه اقلها الاذكار ودهان الجسم والمنطقه السفلى قبل النوووم ...
فيني خوف انا كبيره عمري ٣٦ وافكر بالانابيب ومحتاااااره .... انا ادري من الله ممكن تنجح ممكن لا وحتى مادري هل الدكتوره بتشوف تناسبني او لا وخايفه من المرض الروحي انه ياثر ع الحمل او يسقطه ممممممحتاااره وحالياً ادعي ويارب تنولي الي ببالي ... انا حابه رايكم هل انتضر ؟ وعمري يمشي واخاف معاد ينفع معي علاجات طبيه
ابي رايكم من واقع تجربه او الي لها قصه مشابهه
ودعواتكم لي يارب تفرج همي وترزقني بالحمل السليم وترزق كل محرومه يارب انك على كل شيء قديررر .... انتضركم حبيباتي