قصتي مع جارتي القديمه

اخواتي اريد اخذ رايكم بجارتي .طبعا هي الحين مو جارتي لانا رحلنا ببيتنا الجديد .لكن كنا جيران يمكن ثلاث سنوات وهي طبعا دايم تشكي من زوجها وانه مقصر بمصروف البيت ولا يعطيها..وهي فعلا صادقه لانه حسب كلام زوجي انه ماسك شوي رغم انه مدرس وراتبه زين لكن هذا طبع بالرجل .نجي لجارتي كثيره الشكوى حتى لما اعزمها تجيني وتشكي يعني تخلي الجلسه طفش وحزن.وكل ماصارت جمعه عندي اعزمها لاني ارحمها وهي ماغير تشكي لكل وحده تشوفها عندي.طبعا تعرفون ان الجار للجار والحمد لله ماقصرت معها ابد.المهم نقلنا لبيتنا الجديد وحنا جلسنا اربع سنوات نبني فيه ويوم سكنا كنا ع الحديده يدوم اثثنا نص الفله والباقي خليناه بعدين
لكن الغريب فيها كل مازارتني وهي ناشبه لي ودايم تسالني كم راتبك وهو زوجك ياخذ منه شي وبعدين تجلس تشكي من حالها،اخر مره سالتي كم راتبك قلت لها ليه تسألين هذا شي خاص .قالت انا اسال عشان اريد اعرف كم راتب زوجي لانه خدم كثر خدمتك؟؟!!
بعدها بفتره ارسلت تطلبني سلفه وقالت الشهر الجاي اعطيك ،اعطيتها ولا شفت منها شي .بعدها بكم شهر ارسلت تطلبني سلفه وقالت الشهر الجاي ارجعهم لكن مارجعتهم،،ثم مره ثالثه ارسلت تريد سلفه واعطيتها ونفس الشي مارجعتهم،،وبعدها بشهر بالتمام ارسلت تريد سلفه واعتذرت منها وانا فعلا كنت مضغوطه وجلست تترجاني قلت مضغوطه وحلفت ترجعهن بعد شهرين وانا صراحه طنشتها ..وبعدها ارسلت قالت اريد تكلمين اختك وتاخذين منها سلفه لي .وانا ارسل رسالتها لاختي واختي ماقصرت اعطتني الفلوس وكلمتها وجت واخذتهن،اللي يقهر بالموضوع ان الفلوس اخذتهن بالليل والصبح لقيت بنتها حاطه صورت جوال ايفون 6 وكاتبه هديه من اهلي
انا ارتفع الضغط معي لاني توقعتها محتاجه الفلوس لشي مهم مو تشري لبنتها جوال.قمت ارسلت لها الف مبروك جوال بنتك،،ردت هذا هديه من ابوها جابه مفأجاه لها،،وانا متاكده انها تريد الفلوس عشان تكمل المبلغ وترا الفلوس اللي طلبتهن مو كثير400ريال
المهم من بعدها سحبت علي ولا عاد تراسلني ولا ردت فلوسي ولا يحزنون
انا ماهمني الفلوس لكن اللي يقهرني اني رحت وطلبت لها الفلوس من اختي. وليتها قدرت هذا الشي او ع الاقل رجعت فلوسي او فلوس اختي.