السلام عليكم و رحمه الله و بركاته
قصتي مع أول جوال
كان هذا و اسمه الفراشة
كنت فرحانه فيه عشان اللون الوردي
طبعا هالكلام زمان ما كانت المنتشرة كثير زي الحين
(ترا ماني عجوزة 😂)
المهم قررنا نعتمر و قالوا بنشتري لك جوال عشان يكون جوال مع الحريم و جوال مع الرجال و نتواصل ما نضيع
خلصنا العمرة من فضل ربي
و بقى الجوال معي
و انا ادمن لعبة الثعبان (نسميها الدودة هههههه) تأكل ما تشبع
و في يوم كنا برا البيت و و بالسيارة اتصل الجوال
طبعا ما كان احد يعرف الرقم الا اهلي فاستغربت و بسذاجة رديت
الان المحادثة:😂
الا و صوت حرمة : الوووو
قلت: الو
قالت: مين معي ؟!
قلت : انت اللي اتصلتي انتي اللي مين؟
(و جلسنا في تحدي هههههه انت مين و انت مين)
طبعا هذاك الوقت توي مالي كم سنة من لبست العباية و انا ابقبق عيوني و اطالع بالجوال و اسكر بوجهها و جلست أرتب العباية فرحانه فيها هههههه
شوي الا تتصل و أرد و اعطيه أبوي
قال ابوي اعرف انك رجال مو حرمة و اعرف البرنامج اللي يغير صوت الرجال لحرمة
منين جبت الرقم؟
تخيلوا قال من الشات؟
و انا و الله ما ارسلت لأحد و لا عندنا نت
و لا اعرف الشات وقتها
و تناقشوا مع ابوي و طبعا طول وقت المكالمة اعدل بالعباية
و قفل ابوي بوجهه مدري وجهها هههههه
و يعطيني الجوال قال منين عرف الرقم و كان معصب و لا ينلام صراحه
و انا حزت بخاطري ليه يسأل و اعطيه الجوال قلت مابيه
اصلا بديهيا لو اني اراسل احد بكون حريصة على الجوال و ما بعطي أحد
ما يستفاد من القصة
اشتقت للعبة الدودة 🐛 تبغزت عيوني منها 👀
لا جدياً ما يستفاد
لا نتسرع بالاحكام
