السلام عليكم ورحمة الله وبركاته
كيفكم صبايا راح اكتب لكم قصتي والمي والحمد الله قدر الله وماشاء فعل خيره من الله
انا. سبق لي حمل خارج الرحم بعد ماجبت بنتي واخذت لولب وماناسبني لمده 9 اشهر او سنه نزيف مستمر تركت اللولب واخذ حبوب منع الحمل وبعد ماوقفتها اراد الله وحملت للمره الثاني وكانت الصاعقه حمل خارج الرحم ماكنت اعرف اني حامل تاخرت الدوره واخذت اغسل زوليه صغيره لعلها تنزل وفعلا نزلت 7 ايام متواصله وكان فيها الم شديد باحد الجوانب وعادة دورتي مولمه جدا واحيان الم خفيف الي متوسط ووقف الدم اكرمكم الله بعد 7 ايام ورجعت اصلي وبعد يومين عاد الدم وكان بالم ومغص شديد بنفس الجهه ولكن توقف في اليوم التالي. وبعد يومين عاد نفس الطريقه شكيت بلموضوع انه فيه شي غير طبيعي لكن ماكان في بالي ابد يكون حمل رحت حللت وكشف وحللت بلمنزل كله سلبي كلمت الوالده الله يطول بعمرها وكان تقول الله يستر لايكون حمل خارج الرحم او عنقودي اذا حمل وسليم ونزل ماعندك مشكله لان قريبتي قد حملت والاعراض متشابهه رجعت الدكتوره تعيد التحليل وكان مع الاسف كله تحليل بول اكرمكم الله ودخلت عندها فكانت تسالني
كم عندك اطفال؟
بنت
تفكرين بحمل او تستخدمين مانع ؟
لا ما افكر احمل بس حبيت اريح شهر وارجع للحبوب وكنت استخدم الواقي اكرمكم الله
قالت مبرووك انت حامل !!!!
انا انذهلت حامل يلله حمد اللله بنتي 4 سنوات والخيره فيما يختاره الله لكن ترددت باكمال كلامها لان مازال النزيف مستمر
قالت لكن فيه مشكله بلحمل ! انا كيف ؟
قالت قد يكون عنقودي او خارج الرحم او حمل وهذا اسلاب نزول الجنين وبديت في التحاليل والاشاعه وتاكدو بوجود كيس صغير على قناة فالوب وهوه كيس الحمل
وكانت النفسيه الله اعلم فيها بكا وخوف لكن ارادة الله
لحد ما كان الخيار اما عمليه او ازاله الجنين او الابره وصليت واستخرت
وكان الاستشاري متفهم قلت الي تشوفه وبدات باخذ الجرعه من الابره تحت اشراف الطبيب وكنت متنومه تحت الملاحظه لان هذا الحمل خطير جدا ويسبب الوفاه لاقدر الله وشهر كامل كل يوم احد وثلاثا اعيد تحليل هرمون الحمل لحد ما يتم التخلص منه تماما واذا استجد جديد او زياده بلهرمون ممكن ادخل عمليات
لكن حمد الله رحمة الله اوسع وتم انتهاء الحمل حد ماوصل 5 والحمد الله. لكن هذا الابره تسببت لي بلكثير من المشاكل بعد ماانتهى الحمل جاني تظخم بلكلى فتره طويل وتصبغات بلبشره وتساقط شعر راسي
لان هذا الابره جرعه من الكماوي الله يشفي مرضى السرطان ولايبلانا ويقوي ايمانهم وصبرهم على البلا
وبعدها سته اشهر اراد الله لي بلحمل بعد ترك المانع وكان الدكتور هوه من يشرف علي الاستشاري لانه عند اي تاخر للدوره اكرمكم الله طلب مني التحليل دم واذا تم الحمل اراجع عندهم بمستشفي الحرس الوطني (لان هذا الحمل قد يتكرر اكثر من مره اعوذ بلله منه ومن شره )
وفعلا تم المراجعه وتبين ان الحمل سليم ولله الحمد وعانيت من التضخم بلكلي للمره الثانيه لاسباب غير معروفه وتعبت وكنت اسال الاستشاري هل هذا تاثير الابره يقول مالها دخل
قرر لي بشهر السابع عمليه استكشافيه للكلى لكن تسبب الولاده المبكره رفضت وكان باقي لي كم يوم وادخل الثامن ورفضت وكان الاستشاري متخوف قال تتحملي لحد ماتولدي بس تكثري مويه قلت طيب الالم كان شديد بعض الاحيان وكثره دخول الحمام الله يكرمكم ولا اجد الا نقاط من البول والمثانه مليانه كانه محبوس البول اكرمكم الله لكن حمد الله اتممت حملي وتم ولادة طفلي بسلام تعبت وقت الولاده وكنت ساموت لاني فقدت الوعي ولكن الحمد الله وادخل طفلي تحت الاكسجين والعنايه وكانت عناية الله ترعاه والحمد لله رب العالمين
وهذا الجزاء الاول
وتابعو الجزء الثاني قريب تعبت من الكتابه
المدلعه رباب @almdlaah_rbab
كبيرة محررات
يلزم عليك تسجيل الدخول أولًا لكتابة تعليق.
ياحبيبتي الحمدلله على سلامتك وسلامة البيبي وماتشووووفي شر .. بجد ماقد توقعت يكون خطييييير لدي الدرجه الحمل خارج الرحم .. والله يكون بعون المريضين بالسرطان ويبعده عننا ويقوي ايمانهم ويشفيهم ياااارب .. ان شاءالله كلنا نحمل بحمل سليم ونفرح بشوفة اولادنا وبناتنا ونحنا وهم بخير وبصحه وعافيه
الصفحة الأخيرة
بانتظارك