قصتي مع حواجبي

ملتقى الإيمان

بسم الله الرحمن الرحيم
الحمدلله رب العالمين
الصلاة والسلام على اشرف المرسلين وعلى اله وصحبه اجمعين




انا حواجبي كانوا معقديني وبنات الثانويه بس يعلقون وطالعين فيها ان احنا شطار ونظاف ونحف استغفر الله
وكنت دايما اقولهم الحف طرد من رحمة الله وظليت على موقفي حتى يه ذاك اليوم ونام الشيطان بأذني وقنعني
ان هذا تنظيف وعشان تصيرين حلوة وتتزوجين
<<<< مسكينه بس تفكر بالزواج
وقمت ورحت ركض عالصالون وقلت لها ابي تنظيف بس مو تغيرين شكلهم!! وداخل قلبي اقول لو زادت عن التنظيف بتصير بذمتها لان انا قلت لها تنظيف! اقص على نفسي او الشيطان يقص علي
ومن هنيه كانت البدايه وزين لي الشيطان السالفه وصرت رايحه راده كل اسبوعين على الصالون واللي يسألني اقوله هذا تنظيف وفي داخلي ابد ماكنت مرتاحه كنت اوهم نفسي بس كنت اتعذب يعني لو مت ربي ماراح يرحمني؟ واتعوذ واشيل السالفه من بالي وانا على هالحاله خمس سنوات وطبعا العبادات قلت بسبت الذنب
الى ان يه هذاك اليوم اللي حاشني مغص قوي حيل حيل وهبوط وبروده بأطرافي حسيت اني بموت لأ مو حسيت الا شفت المووت بعيني وما كان في البيت احد الا امي وكانت في غرفتها نايمه وانا حالتي لاتوصف لو لارحمة ربي ساعتها مااااا تذكرت من ذنوبي شي وكأني ماسويت بحياتي ذنب الا حواجبي تذكرت رحمة ربي اللي فرطت فيها الحين ماعندي الا ربي قلت يارب اقسم عليك واوعدك اني ان نمصت حواجبي افعل بي ماشئت,, اهو ربي يقدر يسوي فيني ماشاء سوا نمصت او لأ صح,, بس انا قصدي افعل بي ماشئت من اصناف العذاب في الدنيا والاخرة وسبحان الله تحسنت حالتي بثواني واتصلت على اختي ودتني المستشفى وفعلا تبت لله وكل ما اتذكر دعائي ووعدي اخاف سبحان الله بس اللي اعجب من هذا
ان حواجبي صاروا حلوين ماشاء الله لاقوة الا بالله والله العظيم اني اكتب هالكلام فجر الجمعه وربي شاهد على كلامي حواجبي صاروا يهبلون احلى من ايام الحف انا مادري شالي صار بس ماغير اصورهم بالموبايل واطالع حواجبي مووو مصدقه بس سبحان الله حتى رفيجاتي بالدوام اقولهم شرايكم يقولون حلوين مافيهم شي حتى اهم تغير رايهم وعلى فكرة بنات انا دعيت ربي يجملهم بعيني وعين الناس ماشاء الله تبارك الرحمن
والله انا كتبت تجربي وكلي امل ان كل بنت تترك النمص لان ماراح ينفعها الا رحمة ربها لازوج ولاحموله ولارفيجات بينفعونج
ولاتنسون تدعونلي بالثبات والهدايه والزوج الصالح والحمد لله رب العالمين


...............................................
اعجبتني القصه وحبيت انقلهااااااااااااا لكم للفائدة عشان اللي ينمصون الله يهديهم
16
1K

يلزم عليك تسجيل الدخول أولًا لكتابة تعليق.

تسجيل دخول

مرمر الحنونه
مرمر الحنونه
والله معك حق الله يهدي البنيات موضوع حلو وفيه عبره جزاكي الله خير
تاتووو
تاتووو
ماشاء الله ........رائع الله يثبتها
همسة إخاء
همسة إخاء
ايو الله كلامك يقطر عسل

الله يهدي الي تنمص وياكثرهم هالحين

الله يهديهن يارب
لسعة ألم
لسعة ألم
الله يثبتك ان شاء الله
أميرةالأسلام
أميرةالأسلام
جزاكي الله خيرا ثبتكي الله واعانك على الخير