قصتي مع خفففففففة نوم بنتي ... أحد مثلي ؟؟؟

أهلين حبيباتي.. ومن منكم يعاني مثل معاناتي ؟؟ :) طلع سجع !! ههااااي ..
المهم جبت بنوته حلوه (مثلي) !! ومن أووول يوم عند أمي (يارب تحفظها) لاحظت ان بنوتتي ماتستغرق بالنوم أبددد خاصه بالنهار .. كل شوي قايمه .. طبعا خمنت كل شي ببالي قلت يمكن مغص تحس فيه أوتجوع (تعرفون بكر وعليميه) !!
تخيلوا من شد عدم استغراغه بالنوم أني ماحطيت له سرير تنام فيه ؟؟ كنت أحطه أووول الايام بسريره وتعبت من كثر ماأقوم أجيبه أذا صاحت أوأنادي أختي تجيبه لي .. تقريبا كل ربع ساعه (اذا كثرت بعد) فقررت أسدحها جنبي وارتحت .. ماكانت تنام زين ابدا بالنهار حتى تكون دايم قلقه (ذابحها النوم).. توقعت أن نومها خفيف وماتحمل الصجه خاصه ان بيت اهلي دور واحد وماشاء الله هذا داخل وهذا طالع ...
طلعت من الاربعين بالسلامه ورحت لبيتي وعندها تأكدت ان نومها خفييييييف قولوا ليش ؟؟
اذا نامت ببيتي اسكر الغرفه عليها وأعلن حالة طوارئ بالبيت واضع جوالي وجوال زوجي على الصامت (والله حاله !!) وأصمت التلفزيون ..ونتعامل بلغة الاشاره انا وزوجي (تراي جاده !!)
فكذا تستانس بنيتي وتناااااام الى ساعتين ثلاث ماشاء الله !!
فأحد منكم ياأمهات عانى مثلي من خفة نوم ولده؟؟ لاني أتعذب اذا طلعت لاهلي أو اهل زوجي أو رحت عزيمه مستحححيل تنام عندهم من الصوت !! وان طيحه النوم غصب فعشر دقايق بالكثيييير (دايم يضحكون على قل نومه) .. فهل توقعون أنها طبيعيه ؟؟ لان وحده خوفتني قالت أللي كذا غالبا يصير به نقص كالسيوم أوفيتامينات !! وياااااويل وحده تقول (أنتي عودتيها على الهدوء !! هي أجبرتني على كذا من شي شفته منها ووشلون تعذبت (يارب تصلحها) وأصلا هي كذا من أووول يوم لها فوشلون عودتها؟؟ ,,, أرجو تفاعلكم وردودكم أنا بالانتظااااار ...