قصتي مع خوات زوجي اسمعوا واحكموا

السلام عليكم
ابدخل بالموضوع على طول
انا مشكلتي مع خوات زوجي
من بدايه زواجي وهم يضايقوني واسكت عشان زوجي اقول حرام طيب مايستاهل
اسوي له مشاكل
بس المشكله بدت لما رحت ابولد عند اهلي
لما ولدت امي فرحت مرررررررررره لانه اول حفيد لهم سوت له حفله كبيرة
كنها زواج وعزمنا الاهل والاقارب كلهم وجات وحدة من ربعنا حبيبه مرة عسل
كانت جالسه جنبي ودخلت وحدة من خوات زوجي كنت عازمتها
(اهل زوجي بمنطقه غير اللي انا فيها وحماتي هذي متزوجه بهالمنطقه عند اهلي وهي اللي خطبتني)
وسلمت ووجهها تغير لما شافت اللي جنبي سلمت عليها قلت عترفينها قالت اي
بس يافلانه وش اللي جابك هنا (تقول للمرة الي جنبي)
قالت انا من اقاربهم انصدمت حماتي وكان باين عليها راحت وجلست بين الحريم
المرة هذي اللي من اقاربنا قالت هذي من قلت اخت زوجي
قالت الله يعينك
قلت ليه؟
قالت لا ماله داعي
قمت الحيت عليها وقلت ليه؟
قالت يابنت الحلال انا مااحب المشاكل بس حماتك ذي ماسكه سيرتكم
انتي واهلك بين الناس
انك وصخه وبنت فقر وداخله عليهم على طمع ومو شايفه خير والخ الخ الخ
انا انصدمت ليه؟
وش سويت لها ؟
سكتت كني ماسمعت شي ولا بينت لاحد
وقلت لا يمكن الكلام مو صحيح
وبعد فترة رجعت لزوجي وماقلت له الكلام اللي سمعته
وصارت عزيمه عند حماتي الثانيه وما عزمتني قال زوجي امشي اوديك
قلت انا بدون عزيمه مااروح
قال والله العظيم ان الشايب داق ومصمم انك لازم تجين
قلت يالله عشان خاطر الشايب اروح
ورحت واول مادخلت قدام الحريم
قالت انتي شجابك ماعزمتك
انا برد وجهي مدري شقول فشله
قلت انا جتني عزومه من طرف اهم منك انا الشايب عزمني
ردت وقالت هلابك
قلت انا من اهل البيت مااحتاج عزومه وسكتت وانا العبرة خانقتني
ورجعت البيت وبكيت ماتحملت هناك قلت ماني مفرحتها وابكي قدام الحريم
قلت لزوجي السالفه دق وهاوشها والشايب بعد هاوشها
وبعدها بفترة بقينا متخاصمين
وبالعيد صالحتها وفتحنا صفحه جديدة
واول امس كانو متجمعين نزلت لقيتها توكل ولدي كبسه
اتخيلو كبسه حق ولد عمره 5 شهور
قلت يافلانه حرام عليك كبسه مايتحمل
قالت انتي خايفه يستفرغ الله يكرمكم وتغسلين ملابسه
قلت انتي ماتفهمين قصدي حرام مايتحمل
قامت تصرخ وتهاوش وتقول نفس الاكلام اللي قالته المرة اللي من اقاربنا
ساعتها عرفت ان المرة ماتكذب
وانا مبققه عيوني مااعرف شرد وانا من طبعي ابكي بسرعه
لو كنت ظالمه او مظلومه ابكي
قلت ماابي ابكي قدامها
اخذت ولدي وصعدت شقتي وخليتها تهاوش
وبكيت بشقتي
ومدري اقول لزوجي ولا لا
خصوصا ان خوات زوجي قويات مرة ومسيطرات ع البيت كله
زوجي طيب ومددلني مرة ومايستاهل
المشاكل تجي وتغثه
ولو قلت لاهلي اهلي ممكن يقلبونها كارثه وتكبر المشكله واتطلق
اهلي مايرضون علي لو شوي انا بنتهم الكبيرة وماقد احد هانني بهالطريقه
شرايكم اقول لزوجي ولا لا ووش الحل معاهن
دايم زوجي يقول اتركيهن هن يغارون اني احبك ومدللك
:44: :44: :44:
انتظر ردودكم