قصتي مع زبده الشيا 😃

السلام عليكم
========
بدخل لكم ع طول في الموضوع
تعرفون كلكم اكيد زبدة الشيا والحريم يوم دبو فيها
ذيك الأيام حتى وصلت اسعارها 200 ريال وزود 😂
الله يسامح التاجرات ذيك الأيام باعوها بأسعار مبالغ فيها مع ان سعرها أرخص بكثير
بس بصراحه هالزبده تسوا سعرها ذهب من جد للي عندها صبر وطولة بال
تجربتي معها كانت حيل جميله ومفيده
وخاصه اني من النوع اللي يخربط كثير وجربت الغالي والرخيص وكل شي يطري ع البال
المهم يوم من الأيام قررت أوقف الهبال وكثرة الشراء والتجارب واستمر على شي معين لفتره طويله واشوف وش النتايج وكان اختياري زبدة الشياء الصفراء الخام
من اللي شفته فيها انها أنهت عندي. الركب السوداء على فكره انا ماعندي سواد كثير شوي بني ومكان الركبه جاف استمريت شهر أحط ليلياً وركبي صراحه نعمت والسمار خُف كثير جدا
واستعملتها بعد للخطوط البيضاء كان عندي خطوط بيضاء شوي في فخذي وخفت كثير جدا وناويه استمر ان شاء الله الى ان تروح
وفيه مفاجآه صرت أدهن فيها وجهي وكنت أظن ماعندي مشاكل طلعت لي حبوب من تحت الجلد وكنت خلاص بوقف قلت هي السبب لكن الحمد لله استمريت عليها الى ان أخفت كل الشوائب اللي في وجهي وعطتني نظاره وهاذي احسن ميزه لان وجهي خلقه باهت
وفيه لها استعمال اخر وهو ان عندي حكه في المنطقة الحساسه مدري صراحه وش سببها 🙈واستعملتها راحت الحكه يعني هالزبده بتاعة كلو
من جد. انها ذهب أنتجته الطبيعه
وهاذي تجاربي الشخصيه حبيت تستفيدون
الزبده هاذي روعه من حد
بس تبي وحده تصبر يعني ماتجيب نتايج سريعه وعلى فكره وانا استعملها احس براحه لان مافيها كيماويات
وبس
حبيت تستفيدون دعواتكم
وترى الحين تتباع في كل مكان عند العطارين ورخيصة40 ريال