حبيبتي . .

لي رد بأول صفحة وهذا ردي الثاني

شوفي ياقلبي . . . .

حل المسألة بينكم وهو بعيد وإنتي بعيدة مستحيل

وهو شكله عاجبه الوضع اللي هو فيه بدليل قال تبين شنطك وأغراضك جبتها لك

يعني لازم تتحركين وما أقول إتصلي قولي تعال خذني لا لكن قولي بأفهم وش تبي توصل له

وإفهمي منه ليه تصرف كذا راح بك لأهلك عشان تغيير جو ثم تركك ولمدة طويلة !!!

إفهمي ليه سوّا كذا ؟ تناقشي معه لا تخلين الموضوع يزيد ويطول أكثر

إحسمي الموضوع من جد وإذا بينكم عيال قد ماتقدرين حافظي على بيتك وزوجك

ولو كنتي تحبينه وماتقدرين تفرطين بمحبتك فإبذلي المستحيل عشان مايفرقكم أحد والحيوانة

الله يكرّم الحيوان عنها تأكدي ماراح تتوفق أبدا حتى لو حصل بينهم زواج لأن مبدأها من البداية غلط

والشيطان كان لها معين وليس الله ولا ليه ترسل وتكلم وتحب بالحرام لا ومتزوج !!!! يعني كل هذا حب

كل هذا تعلق بزوجك .... الشيطان سهّل لها حسبي الله ونعم الوكيل

نصيحتي لا تتركينه ياخذ راحته إرجعي لبيتك

وطمنينا عليك الله يكون بعونك

موفقة والله يسعدك

ويبعد عنك الشر

لكـ ودي

...

سمعت ان اهله كلهم بصفي وانهم زعلانين عليه وان ابوه هزاءه بس هو مادري وش رده فعله ولا سمـــــعت صوته من يوم نزلني عند اهلي



هذي اهم نقطه وفي صالحك ... كلمي احد من اهله وخليه يشرح لك الوضع

وقولي لااخته مثلا تساله بينها وبينه اذا هو ماعاد يبيك لانه لما قال برسل شناطك معناها مايبيك للاسف او بيجس نبضك

بس غريب البرود اللى فيه يحب راسك يوم نزلك ولا يتصل ولا يسال شكله انسان غامق

الله يفرج لتس وانا اختس ومالتس الا الدعاء بتالي الليل ان الله يرده لك وييصرفه عن غيرك

والله معرف ايش اقلك..؟؟؟
يعني تخيلي راح عند البنت..البنت ماعندها اهل..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الله يفرج همك حبيبتي
ويصلح حالك
ويسخر لك زوجك
ويرده لك رداً جميلاً
ادعي الله بإلحاح وأكثري من الإستغفار

ماقلتي اش ردة فعل أهلك وانتي جالسة عندهم؟؟
قلبي معاك..

الله يعينك