قصتي مع زوجي العقيم صفر الحيونات المنويه

مرحبا صبايا مبروك عليكم الشهر و اشتقت لكم مررره عشت اصعب ايام معكم عشنا بقلب واحد نواسي بعض وخاصه وقت العمليات الله يرزق كل محرومه يارب ويكشف لكل وحده زوجها اذا يلعب بمشاعرها ابدا قصتي طبعا في ناس تذكرتني وفي ناس ماعرفتني قصتي كتبتها عشان البنات الي مثلي يتعضون والله اتمنى الخير للكل. انا كنت كنت كنت متزوجه وياليتني مت قبل اتزوج اخذت رجل يكبرني بسنه واحده كانت حياتنا عاديه نوعا ما مشاكل خفيفه بعد سنه وياصعبه من خبر اكتشفت ان طليقي عقييييييييييييييييم يعني الحيونات المنويه صفر صفر. حاولت اصبر قدامه لبست ثوب القوووه وصرت قويه حافظت على سره ما اخبرت حتى امي ولا احد كنت بغربه برا السعوديه وشوفي الوضع تفكير غربه ولا تفكير زوج عقيم واستحالت الحمل الطبيعي كان فيني طبع ماعرف اضحك على نفسي صبرت وحيل صبرت تربيت في بيت عز ودلال بيت امر وانهي كنت البنت المدلله عند ابوي رجعنا لسعوديه وبدينا علاج هو كان الوضع عنده شبه عادي يعني انا ابحث عن الدكاتره انا اخذ الموعيد انا كل شي سويت اول عمليه فشلت ثاني عمليه فشلت والثالثه فشلت والرابعه ولا اخفيكم عن الالم النفسي والجسدي والاهمال الي منه عادي. والعمليه الرابعه كانت متعبه لانهم قالوا تدخلون العمليه مع بعض ويا صعبها كنت انام بخوف وانهم مايلقون ويروح تعب الابر. دخل العمليات وطلع الدكتور قال مالقيت حيونات. قلت انا لله وانا اليه راجعون ولا اخفيكم الانهيار الداخلي وقال بكل برود بنودي العينه لمختبر اطفال الانابيب يمكن نلقى وجاني قال لقينا ولا فيهم حركه. تدخلين العمليه قلت ادخل من الالم لان كان فيني 20 بويضه دخلت وطلعت الحمد لله. بعدها لقيت جفاء لقيت حقاره الرجل جلست افكر ليه اسكت ليه اصبر المفروض يحتويني. فشلت العمليه رحت لا اهلي وطنااااااااااش حيل حيل. ماقدرت اتحمل رحت لابوي وقلت له على الموضوع ما اخفيكم تفاجاء قال ليه دخلتي ليه تعطين صحتك قال هذا الي صار. قال بالحرف الواحد مالك رجعه له استخرت كثير صار بين عيوني الطلاق صح كم مرتين جاء يبيني اقابله بس فات الفوت والقلب تعب والصده ماعاد اقدر اتحمله طبعا ماكان يرسل اي مصروف او اي رساله. او حتى اتصال كنت بس ارسله طلقني يرد علي بكل برود خليك. للاسبوع الجاي يمكن نلقى حل انا كنت مستحيل ارجع خلاص النفس طابت. اربع شهور وبعدها طلق واه يابنت للحين مافرحت بالطلاق. ثالث يوم الطلاق ملك على غيري واغراضي لللحين بيتي ما ارسلها ولا ارسل صك وشهر واحد وتزوج فقط يعني للحين بالعده انهرت ليه ما دامه كذا ماكان يقولي روحي يابنت الناس بالله يابنات حركته مو انكار للي سويته ويعلم الله وش كثر تعبت جسديا وماديا وبكل برود يقول ما انكر الي سويتيه. انا زواجه عادي. بس انه تزوج لا جاب صك ولا اغراض فكر بنفسه قبل وعاش يا خساره كل يوم مررره معه ياخساره كل ساعة صبر يا حسايف كل شي. تحسفت على كل حاجه كل حاجه. عرفت ان ما كنت اعني له اي حاجه بالحياه. ماكانت لي محبه. والا اصعب جابها بنفس البيت ىنفس الغرفه دليل احتقاره للمراءه ولا يوجد وفاء ولا شي انسان عديم المشاعر. قصتي عبره لكل وحده ماخذه عقيم شوفي اذا لك مكانه لاتقولين كلمتين لا لا شدي شوي فكري بنفسك لا يروح العمر. وشعور الامومه مافي احسن منه الله يعوضني ويعوض كل وحده انحرمت. اللله يجعلنا من الصابرين يارب العوض عند الله. ودايم اقول بكره احلى واحلى انه راح من حياتي