السلام عليكم ورحمة الله وبركاتة
كيفكم يا حوائيات ان شاء الله تمام يارب
حبيت اقول مشكلتي علشان تساعدوني وتوجهوني والله مالي احد بهالدنيا غير ربي انا مغتربة ومالي احد
وامي بعيدة عني مرررره وماحب اشكي لها علشان ماتقلق علي وارسم لها السعادة دائما لتطمن علي
المهم يابنات قبل فترة كانت ملكة اخو زوجي واهلة جو عندنا من السفر بنفس يوم الملكة وجلست اضيفهم حتى
قرب المغرب وكنت متفقة من اول مع زوجي انه يوديني المشغل ووافق
بس يوم راحو اهلةمن عندنا متأخرين قالي تصلحي في البيت وعيييت لانه بعض اغراض الميك اب ناقصة عندي
ورحت المشغل وتأخرت وطلعت بعد صلاة العشاء وهو ازعجني باتصالاتة
وطلعت وصدري ضايق ومالبست فستاني وحالتي حالة المهم رد اللوم كلة علي ليش تتأخرين
انتي اخرتيني ليه انا اخذتك معاية انا غاطان يوم اخذتك للملكة
اصلا انتي مالك دخل تحضرين هذا اخوية موب اخوك ليه حضرتي المهم يوم قالي كذا طلعلي زي الكورة بحلقي
ماقدرت اتكلم ودمعت عيوني بغيت ابكي بس مسكت نفسي علشان المكياج
مايخرب وانا تاثرت اكثر شي من كلمة هذا اخوية موب اخوك والله قطع قلبي مدري يستنقصني علشان ماعندي
اخوان ان فعلا ماعندي اخ بالدنيا بس ليه يقولي كذا فكرت نفسي وحده من عائلتهم المحترمة
بس حبيت استشيركم الزواج احضرة لاني يوم الملكة خاصمني وقلت لة مابحضر الزواج قالي احسن
علشان اروح مرتاح وكمان ماتخسريني بالمشغل والفستان ااحضر الزواج ولا لازم يكون لي عزة نفس وما احضر
ساعدوني ارجووووكم فوالله مالي احد واستشيرة غيركم:44:
وربي مالي احد وكيف اتعامل مع اهلة لانهم يوم الزواج بيجون عندنا كيف اضيفهم
وبعدين مااروح معهم للزواج مو صعبة في حقي ولا اروح عند اهلي اذا قرب الزواج
بس انا خايفة من شي واحد خايفة من امة لانها يوم الملكة جت عندنا وقعد اسبوعين عندي واكرمتها واعتبرتها
زي امي والله يابنات اقوم الصبح علشانها واسوي لها فطور وقهوة وارجع انام قلت علشان ماتجوع وانا نايمة
واغسل ملابسها وعبايتها واحني يدينها ورجولها بس وربي ماشكرتني ولا عبرتني
وكنت يوم من الايام اقول لزوجي يجيب موكيت للمجلس وقال يمة وخريها عني يقصدني انا
بس كان يقولها ويمزح فرحان بامة انها عندنا وردت برد ياليتها ماتكلمت احسن لها قالت خلاص بخطب لك اخت
زوجة اخوك اللي توه ملك عليها اخوة تقول يمكن تصير لك طيبة عاد شوفوني وقتها وربي مارديت ولا بكلمة
ودمعت عيوني طيب انا ماقصرت معها ولا مع ولدها وربي اني طيبة معاهم
بس لييييه قالت كذا على قولهم جزا المعرووف سبع كفوووف
والله كنت اتمنى انها تضربني ولا تحرض علي زوجي انه يتزوج بس يوم زوجي شاف الدموع بعيني قالها وحتى
زوجتي طيبة ماقدرت امسك نفسي اكثر من كذا وقمت وقفلت على نفسي بالحمام الله يكرمكم وبكيييييييت
لين دخت وطلعت ولا احد درى عني لا زوجي ولا امة الكريمة
بالله قولو لي كييييف اتصرف وهل احضر زواجهم ام لا؟
انتظر ردودكم على احر من الجمر
واسوني صبروني يا اخواتي في الله
دنيتي بنوتتي @dnyty_bnotty
عضوة جديدة
يلزم عليك تسجيل الدخول أولًا لكتابة تعليق.
ام الدنانة
•
مدري ياقلبي انتي هدي نفسك وبعدين فكري لان الزعلان والمعصب يتخذ قرار يندم عليه بعدين
الله يعنيك اانا لو منك ماحضر الزواج لان كرامتي فوق كل شي ولو انه حاول فيني وشرى الفستان الي ببالي والميك اب الي ببالي يمكن يرضى غروري ااما بالنسبه لامي عامليها زين بكره يجونك اولادك يتزوجون ويجون حريمه على قوله امي سوي خير وقطيه بحر انتي اهم ماعليك زوجكـ ماعليك من احد ~
وجــدان
•
يآقلبي آنتي وربي حسسسسسيت فيك , لاني نفس معاناتك مع اهله وحتى كلمه ماقصرت مرت ولدنا وربي يعافيها ماسمعته منهم مايدرون ان الكلمه والشكر هو بس الي نحتاجه منهم والدعوه الحلوه لكن كل شي وله اجره عند رب العباد
الصفحة الأخيرة