قصتي مع زوجي وتجربتي مع الصدقه والدعاء

السلام عليكم ورحمة الله وبركاته كيفكم يااحلى بنات ... اعذروني على حجم الخط ماعرفت اكبره لاني مستعجله ابني جالس يبكي علشان كذا باحاول اختصر الموضوع واعطيكم المفيد....انا حملت وما كنت عامله حساب مولود جديد بسبب مشاكلي انا وزوجي حتى فكرت بالانفصال المهم فكرت اتخلص من الجنين كنت اتحرك كثير وظرب بطني وانط مع الدرج وكم مره حاولت انتحر ادري الي سويته حرام ومالي اي عذر بس كنت في حاله نفسيه جدا جدا سيئه ...والله يابنات لوتعرفون قصتي والله لاتبكون علي ومن الي شفته من زوجي الرجل الي حطيت امال كثيره معه بانه هو الي بعوضني عن ايام الشقى الي شفتها مع زوجتي ابويه الله يسامحها من يوم وعيت على الدنيا وانا مااذكر الا الظلم من عمري خمس سنوات حتى صرت في سن الزواج وقلت خلاص الله عوضني بس سنتين وبعدها اكتشفت الطامه الكبرى زوجي مدمن مخدرات كنت اول اشك في تصرفاته غيور جدا لدرجه يشك اني على علاقه بجميع اصدقائه هذا باختصار حياتي معه والله يابنات ماابالغ في كلامي لو تعرفون كيف كان ياذيني لدرجه كنت ارجف من الخوف وعلى طول من دون ما احس بنفسي اركض على الحمام وانتم بكرامه وتجيني حاله صياح حتى ينقطع نفسي واحس اني بموت وما عاد اقدر اتنفس بعدها يحن عليه ويضمني مثل الطفل وبعدها على طول يرجع زي اول حتى انه يرفع المسدس في وجهي قدام اطفالي الله يسامحه ... واعطيه فرصه يتعالج بس كل ماله يزيد واروح عند اهلي كل مره انا وبناتي في بيت مره عند ابويه ومره عند جدتي ومره عند امي وماارتحنا لي سنه مع هذي المعاناه والله تعبنا انا وبناتي وبعدين ارجعله كم مره حتى صار الحمل وجلست عند امي طول فترة الحمل والى الان وانا عند امي لي الان يمكن 6 شهور ارتحت من الخوف هذا بختصار معاناتي ..بعدها الحمدلله فكرت بانه ابتلاء من ربي لاني ماكنت احافظ على الصلاتي واذا صليتها متاخره يعني الصله الي بيني وبين ربي حبيبي مقطوعه بدات احافظ على صلاتي من بدايت رمضان وعلى طول مااترك الوتر الحمدلله والدعاء والصدقه وحسن الظن بالله ورتحت لاني احس ان ربي راضي علي شعور مااقدر اوصفه طبعا تجيني بين فتره وفتره حالة الخوف والقلق واللهم يعني اذا احد زعل عيالي واحس اذا مابكيت باقتل الي في البيت حتى ما اقدر اتكلم ادخل الحمام وجلس ابكي ابكي حتى ارتاح بس الحمد لله صرت اعرف اضحك بعد مانسيت كيف اضحك والله ماابالغ يوم كنت مع زوجي كنت اجلس عند المرايه واتدرب كيف اضحك كنت جميله ومملوحه الحين تقولون عمري اربعين من اللهم كبرت احس ماعادني حلوه مثل اول جلست ستة شهور احافظ على الصلاه والدعاء ودعيت ربي يسامحني ويجعل الي في بطني ولد وكنت اتصدق بنيه الولد والحمد لله ربي استجاب دعائي ورزقني بولد والحين انا جالسه ادعي ربي يرزقني ببيت او شقه ملك لي ارتاح فيها انا وعيالي ونعيش بسلام من دون من نضايق احد ويرزقني بدخل اووضيفه حتى اصرف منها وانا مؤمنه بالله وبرحمته ..واعذروني على الاطاله بس حبيت افضفض مع اني اخفيت الاعظم بس يكفيني ربي الشاهد اترجاكم ادعولي ربي يفرجها علي ونرتاح انا وعيالي ولا تدعون على ابوهم ودعوله بالهدايه والشفاء عاجلا غير اجل..الحين يبغاني ارجع بس رفضت لاني ماعاد اتخيل حياتي معاه بس ضايعه من غيره وبناته متعلقين فيه مره وامي ضروفها صعبه وبيتها ضيق وعيالها ماشاء الله كثير احس ثقلت عليها وابويه يقول اعطيه عياله بعدين تعالي ايش اسوي.....انصحكم بالصدقه لاتستهينون فيها