الله يفتح لك ابواب الرزق والسعاده. ويبعد صاحبه عنه ويرده لكم ردا جميلا

الحمدلله طالما في بيتك مع عيالك
هذا اهم شي
والحمدلله انك مرتحة
الله يكملها معاك يارب
بالخير والسعاده والستر

اما خويه من وقت المشكله الي صارت

طلع نقله للمنطقه الي يشتغلون فيها وكان قايل لزوجي ان مايبي يجيب زوجته الين يطلع نقل زوجي عشان يستاجر شقتين بجمب بعض يحطني انا وزوجته فيهن يبي بعد >>يحكككمنا

بس لما ارسلت لحرمته وعرف اني عرفت انه ورا الموضوع وجلست ادعي عليه واتحسب غسل يده مني وحرمته شكلها قايله له اصلح بينهم كذاوانتبه من الدعا يصير فيك شي احساسي يقول كذا.
ف استاجر لها شقه عنده واخذها معاه

جوال زوجي لقيته مغير الرمز وقلت خيره عشان م اشوف شي يغثني لان يمكن ربي عاقبني لاني افتش وراهم واتجسس

الي سويته هاذي الفتره مسكت سجادتي وادعي وسورة البقره استمريت عليها
لين جاني شعور خلاص مقدرت اتحمله شعور كن خانق جلست بحوشي ابكي من قل الحيله واحداث الي صار لي يدور حولي اخواني امي زوجي اقرب الناس لي ماحد معي يطبطب علي محد فيهم وقت الشده وقف معي وحسيت ب الامان صح اخواني وكلامهم بس حسيت ان كلامهم لي كان ابرة مخدر وان لازم اكون حذره


ي الله انسدحت بحوشي اصييييح واصييييح احس غصصه بداخلي مااقدر اوصفها
وهاذي عرفت انها من علامات الفرج ان ربي يبي يفرجها علي سبحان الله

إذا اشتدّت الكروب وتعاظمت على العبد، فاشتدّ معها تعلّقه بالله -عزّ وجلّ-، فوكّل أمره إلى ربّه بكشف البلاء عنه، فليعلم أنّ البلاء إلى زوال، فالله -عزّ وجلّ- قد كفّى من توكّل عليه، وهذه هي حقيقة التوكّل على الله -عزّ وجلّ

وتوكلت علئ ربي وقلت يارب مالي غيرك انت الي تعلم صبري والامور الي مرت علي والوحده الي انا فيها قوني واجبر خاطري واكتبلي الخير الي انت تعلمه وانا اجهله ان كان فيه خير ب نقل زوجي يسره يارب ترا قرار النقل من قبل بسنه مقدم عليه نسيت اقوله وكان فيه ١٠ب الميه ان يتم الموافقه علئ نقله واحتمال بعد يضل سنين وانا علئ وضعي يعني برفض النقل الدوام

ثاني يوم سبحان الله تحديدا بشهر ١ من هاذي السنه

اتصل فيني زوجي وقال طلع نقلي لمنطقه الي فيها الشغل وبدور لكم شقه واخذكم معي

سجدت وقتها سجود شكر

بعدها ب اسبوع جا واخذنا معاه وكانت نهاية جزء كبير من معاناتي

لما اخذني قال اهل فلان>>خويه ساكنين بنفس الحي الي استاجرت به بس ترا خلاص معاد تجين الحرمه ولاتجيك

قلت ابركها من ساعه لاهي من ارحامي ولااي تصله تربطني بيها

الي علي بيتي وعيالي ووقتي يكون لهم ولابيها تقتحم حياتنا مثل اول

وقتي محدود

قويت بربي صرت احس ب اكتفاء كان الي مر علي كله درس من ربي والحكمه منه اني اصير قويه م اتكل علئ اي مخلوق ولا احس اني ضعيفه وم اعيش بدون احد

صرت اشوف الناس ضعوف الي يشكون ويدورن حلول وحلهم عند الي قادر يقول لشي كن فيكون
بس الحمدلله

الحين ذبحني بكلمة ابي اتزوج ابي اتزوج اصبري خمس سنين واتزوج قلت تزوج القلب داعي لك الله يهنيك 😂 ويسعدك بس انصحك نصيحه ترا يقلون الي يضل يقول اتزوج هاذا مايتزوج

بس انت اذا بغيت تزوج خلك ساكت لين تتزوج

قال لا انا بقولك من الحين قلت لاتقولي ولااقولك انا شدخلني موضوع يخصك انت مالي علاقه فيه
انقههههههر🤣

يحاول يعيرني ويحط فيني عيوب قلت له والله ان ثقتي بنفسي واصله لسابع سماء وكلامك مايهز شعره من شعري

لاتبلش بي تراني جنيه اذا قلبت اقلب الدنيا فوق تحت

وصح نسيت اني اقولكم ان اهله وهو مدرو اني قلت لخواني يعني حطيت اخواني سلاح لي
ب انهم مو دارين وزرعت بقلب زوجي واهله خوف انهم يدرون اخواني وبعدها نجوم السماء اقرب لهم من رجوعي

وان اخواني ان بس اشاره مني يوقفون معي وياخذون حقي ب الكامل ..

خويه يحمد ربه كنت ناويه له علئ نيه بس ربي ستر عليه ولاكنت مخططه افتش جوال زوجي واصور المحادثات برقمه وادفعه ثمن الكلام الي كتبه لزوجي
بحال شفت ورقة الطلاق

كنت حاطه احتمال لو كنت ع حافة الخراب وشفت تمادي مايحسسني ب الراحه
خلاص ابتر الموضوع من ساسه واخليه يخيس ب السجن واخلي زوجي يتحسسسسسر علئ خويه

بس ربي الهمني الصبر واني اصلح الامور بدل م اعقدها بزياده وجبرني ربي

فيه نقطه بعد م ذكرتها ان زوجي كان مايصلي ابد الا برمضان بس ضليت احاول فيه زمان مافي فايده
وينصحونه اهله كمان ابد يهج عنهم

لين من قبل ثلاث شهور صرت احط علئ القران سورة النمل وقصة سليمان وقوته واردد الايات قدامه واكثر الايات الي فيها الصلاه والكفر واشرح له ان الشخص المومن اقوا منه مافي لانه م يتاثر بقول الشيطان لما يلهيه عن الصلاه
والي مايصلي هاذا اضعف مخلوق علئ وجه الارض لانه استمع لعدوه الشيطان وقريت الايه الي فيها

القول في تأويل قوله تعالى: ﴿وَمَنْ كَفَرَ فَلا يَحْزُنْكَ كُفْرُهُ إِلَيْنَا مَرْجِعُهُمْ فَنُنَبِّئُهُمْ بِمَا عَمِلُوا إِنَّ اللَّهَ عَلِيمٌ بِذَاتِ الصُّدُورِ (٢٣) نُمَتِّعُهُمْ قَلِيلا ثُمَّ نَضْطَرُّهُمْ إِلَى عَذَابٍ غَلِيظٍ (٢٤) ﴾
يقول تعالى ذكره: ومن كفر بالله فلا يحزنك كفره، ولا تذهب نفسك عليهم حسرة، فإنّ مرجعهم ومصيرهم يوم القيامة إلينا، ونحن نخبرهم بأعمالهم الخبيثة التي عملوها في الدنيا، ثم نجازيهم عليها جزاءهم ﴿إنَّ اللهَ عَلِيمٌ بِذَاتِ الصُّدُورِ﴾ يقول: إن الله ذو علم بما تكنه صدورهم من الكفر بالله، وإيثار طاعة الشيطان.
* * *
وقوله: ﴿نُمَتِّعُهُمْ قَلِيلا﴾
يقول: نمهلهم في هذه الدنيا مهلا قليلا يتمتعون فيها ﴿ثُمَّ نَضْطَرُّهُمْ إِلَى عَذَابٍ غَلِيظٍ﴾

والايه

وَقَالَ الشَّيْطَانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ ۖ وَمَا كَانَ لِيَ عَلَيْكُم مِّن سُلْطَانٍ إِلَّا أَن دَعَوْتُكُمْ فَاسْتَجَبْتُمْ لِي ۖ فَلَا تَلُومُونِي وَلُومُوا أَنفُسَكُم ۖ مَّا أَنَا بِمُصْرِخِكُمْ وَمَا أَنتُم بِمُصْرِخِيَّ ۖ إِنِّي كَفَرْتُ بِمَا أَشْرَكْتُمُونِ مِن قَبْلُ ۗ إِنَّ الظَّالِمِينَ لَهُمْ عَذَابٌ أَلِيمٌ

بعدها توجهت لربي بنيه صادقه ودعيت ربي ان الله يصلحه ويصير يصلي لان قريت ان ذنب ع الوحده انها تضل مع زوج مايصلي ويجامعها وكذا
اقسم بلله ي حريم ان من ثاني يوم قام الفجر
وتروش وتوضئ وصلئ والحين الحمدلله صار مايخليها ابد ويحقق مع عيالي اذا صلو وماصلو ويشد عليهم بموضوع الصلاه ان الي مايصلي يويله منه كلشي ولا الصلاه


وارجع واقول لكم من فضل الله ثم (التقرب لله وسورة البقره والصلاه الابراهيميه واذكار الصباح والمساء )

والادعيه
ربي لما انزلت الي من فقير
ربي هب لنا من ازواجنا وذرياتنا قرت اعين
ربي جملني بقلب رحيم وعقل حكيم ونفس صبوره
ياحي ياقيوم اصلح لي شاني كله ولاتكلني الا نفسي قرت اعين
وحسبنا الله سيوؤتيناً الله من فضله وانا اليه راغبون
.....

ودعواتكم ..

هلمقطططع تاثيره كان قوي علي 🥺بكتني

ما شاء الله

لاحظت ان اللي يحافظ على الأسره واللي يتمسك بالزواج ولا يدمره

هي المرأه

الصراحه متفاجئه من غباء الزوج وكيف كان يسمع لصديقه

وكيف يقرر بداله متى يطلق  متى يطلع زوجته ومتى يجي لزوجته

هذا مو رجال 

لكن الحمدلله ان الله هداه لك ولعيالك

عجبمي تمسك بأطفالك فعلا الام تحارب وتتحمل عشان عيالها

الله يعوظك فيهم ولا يحرمك الاجر