اسمعي اوخيتي المثل يقول المرأه تعاند الجبال ولاتعاند الرجال تخربي بيتك عشان شوية امور مصيرها تتعدل حاولي تتغاضي عن بعض الامور يعني طيبي خاطره بكلمه حلوه صدقيني بيمشي معك آكي بس جربي انتي زينيها وبتزين هو بيجي من الدوام تعبان وتجين له وتقولين ابي وابي كذا يتنرفز ويكرهك اختاري الوقت المناسب لاتنغسي عليه وقت الراحه خليه يرتاح ويروق وبعدين اطلب اللي تبين

الله يسخره لك

حبيبتي اختيار الوقت المناسب للنقاش مهم جداً
اكبر غلط تكلمينه وتوه جاي تعبان فلا توقعين منه يتجاوب معك
الشي الثاني في حياتك لا تعيبين شي جابه أو يخصه لأنك يوم قلتي الشقة شغل تجاري أنتقصتي من قيمته
ترى الرجال تفكيرهم غيير عنا
وياعزيزتي ألتمسي له العذر ما جاب مكيف يمكن مديون وانتي ما تدرين ترى أغلب الرجال مايحبون يفصحون عن مشاكلهم الماديه
وتراه إذا كان مزنوق مادياً تضيق بهه الوسيعة ويكره حتى نفسه وياحبي عشرة شهور مايمديك فهمتيه
نصيحتي لك لاتعتمدين الصراخ طريقة لتفاهمكم أبدا وصوتك لايرتفع وصلي اللي تبينه في الوقت المناسب وبالهدااااااوة وبالطريقة هذي تاخذين حقك وزيادة
الله ييسر أمرك ويسخر لك زوجك

الله يصلحه ويسخره لك يااااااارب
شوفي مالك الا10 شهور متزوجه وكل واحد مومتنازل حقه انا اقول حاولي انك ماتردددين عليه ابد انا اقول حااااولي لان الرجال عصبي
بعدين وقتك ومناقشتك له لها دووووور اذا جاء من الدوام صععععبه تناقشينه كلنا مثلك كنا ونعصب ونشيل الدنيا بس وحده تقولي سمعت ندوه تتكلم عن نفسية الزوج تقول اذا بغيتي شي لاتجيين وتطلبينه على طول لا اول كلميه في اي شي يحبه مثل مببااارة اخباره المهم اذا فلها معك ووسع صدره اطلبيه منه وقولي شايف اليوم حالتي وراح يتجاوب معك حتى لو ماجابه لك بس بيشرح لك ظروفه بعدين لو ماشريتي شي والله 7000 ماصارت تسوي شي يااختي فكري في الفواتير والاقساط واجار الشقه ملزوم يوفر 10000 في 6شهور والله يعينك ويعينا وانسي اللي صار