هذي قصه صارت لي من زوجي وأهله وهما يصيرون لي يعني ولد عمي وامه تصير خاله أمي من الاب أنا ماحب اشكي لاحد مشاكلي او همومي اشكيها لربي سبحانه بصلاه اخر الليل بس حبيت اكتبها لكم يمكن سبحان الله تفيد احد منكم -
أنا ساكنه ببيت لوحدي والحمدالله بس عمتي ام زوجي كثير تدخل بحياتي وانا كنت وقتها صغيره اول ماتزوجت يعني 15 سنه وكنت جداً خجوله وماتربيت ابد أني ارد عليها مهما كااان هما ساكنين بمكه بس زياراتهم تقريبا شهريا او كل أسبوعين كنت ساكنه بالأول في شقه أجار ببدايه زواجي وكانت تجيني وانا مابعد كملت سنه وتقول للحين ماحملتي أكيد فيك شي وماكملت سنه الا وانا حامل واول حمل لي صارت ظروف ونقلنا لشقه ثانيه كانت بملحق والمطبخ ماكان فيه مغسله وصاحب الشقه يقول لازم مغسله مع دولاب كامل ماكان عندنا إمكانيه فكنت باخر شهر من الحمل وساكنه بملحق بالدور الرابع وفي رمضان وكنت أصوم لأني كنت أخاف ماقدر اقضي والله العظيم كانت تجيني بعد المغرب مباشره واحنا تونا شلنا السفرة وأدخلها بيتي وأرحب فيها واضيفها ( كنت اعتبرها مثل أمي ) وكانت تدخل عالمطبخ على طول تقول أنا جيت بس ابي اشوف بيتك نظيف والا لا ؟؟؟؟؟؟
وتدخل المطبخ وتنظف وترتب وتغسل وتروح عند الناس وتقول فلانه وسخه وبيتها وسخ يعني فضحتني عند الناس :( وبعد ماجبت اول مولود قلت لزوجي يجيب من العطار اغراض خاصه لي زوجي جابها وعطاني إياها وهيا موجوده وقالت ليه تجيبها ماله داعي وتهزاه قدامي ومرت الإياااااام وصار عندي ولدين وبنتين الحمدالله وكان دايم في مشاكل بيني وبين زوجي من تدخلاتها تتدخل بكل صغيره وكبيره وزوجي يشوف ان امه عندها حق بكل شي. تقوله وفي اخر حمل لي والله والله يابنات دخلت عندي غرفه النوم وشافت جهازي الكومبيوتر وطلعته برا ودقت على زوجي وتقوله أني اسوي اشياء مو كويسه بالكومبيوتر أنا وقتها ببدايه حملي وكنت أنام كثير وقتها يعني تقريبا طول اليوم نايمه ووقتها عصبت وقلت لزوجي كفايه مو لهالدرجه أنا ماعاد اقدر أتحمل وشكيت لعمي وأخوي الكبير ( مطوع ) وقالولي اصبري وحاولو تتفاهمون مايصير كل شوي وانتي عند اهلك وش يقولون الناس عنكم واصبري عشان عيالك ومع الوقت صرت تتجرأ وارد عليها بالكلام مو طوله لسان لا بس ارد على قد كلامها وللأسف زوجي ماكان يصلي وكان من اللي مايشيلون مسؤوليه وسفرات كل سنه خارج السعوديه يعني لمن يسافر كنت اجلس عند اهلي شهر لحد مايرجع وماكان يعطيني مصروف الا 500 ريال او اقل واهله لمن يجوني البيت والله مافي وحده منهم ترفع كاسه طايحه وكل شغل البيت على وحتى أخوهم طول وقته بالاستراحة.
يعني يجوني ويروحون وأخوهما مايشوفونه يعني اكلهم شربهم ضيافتهم حتى لمن ينقص شي من اغراض البيت لو خبز كنت ارسل ولدي وقتها عمره 5 سنين للبقاله يجيب الخبز عشان مايقولون بنت الناس ماضيفتنا ومع كذا مافي امل وزوجي للأسف كان ظالمني وكان يشكي لهم اي شي بينا يقول حتى اكل ماتسويلي والله العظيم كنت اسويله يوميا طبق رئيسي وسلطه وحلا وعصير طازه ومع هذا ماشكر الله على النعمه اللي هو فيها قبل يشكرني المهم مع الايام صارت مشكله بيني وبينه بسبب تدخل امه وهالمره طلعني لاهلي وكنت ناويه اتطلق منه جلست تقريبا شهر عند اهلي وأخذ الأولاد مني والبنات عندي لساتهم صغار سنتين واربع سنوات وقالتله امه بدل ماته دي الامور قالت اتركها ماعليك منها أنا ازوجك وعيالك أنا اربيهم وجلست عندهم اول اسبوع بجده وبعدين رجعت لعيالها بمكه وعيالي كانو عند حماتي ساكنين جنب بيتنا حتى خواته المتزوجات رفضو ياخذونهم عندهم ولا حتى زاروهم او تطمنو عليهم الحمدالله عيالي أنا اللي ربيتهم وعلمتهم كيف يعتمدون على انفسهم اعمارهم واحد 6 سنوات وواحد 7 سنوات والله يابنات كنت ابكي قلبي محروق عليهم كنت اكلم ولدي اللي ست سنوات يقول ماما ارجعي البيت ماابغى أنام هنا أبغى أنام ببيتنا :( واذا بكى كنت اوقات اقفل الخط ماقدر اكلمه واوقات أمي تكلمهم وتهديهم وتخليهم يكلمون خواتهم الصغار وحماتي ماقصرت الله يجزاها خير كانت تهتم فيهم بغيابي وفعلا امه خطبت له عند ناس وكلمهم وحدد معهم موعد لخطبه بنتهم وقتها كنت بس اصلي وأدعية ربي يفرجها على وصلاه اخر الليل ماكنت اخليها وما كنت ادعي عليهم كل اللي كنت اقوله حسبي الله ونعم الوكيل ويارب انصرني على من ضلمني واكفنيهم بما شئت والله والله يابنات ماعدا شهر الا وانا ببيتي وزوجي اعتذر من الناس عن خطبه بنتهم قدامي وتغير 180 درجه معي وكل هذا بفضل ربي سبحانه - هذي قصتي باختصااار شديد ومازالت المعاناه مع اهل زوجي الين الحين بس هو عرف وش الصح من الغلط وأهل زوجي عرفو انه الحين ماعاد يسمع لهم مثل اول فصارو بس يدقون بالكلام وانا بس ابتسم وارد رد بسيط بس يكون معناه كبير > خير الكلام ماقل ودل
بس تدرون وش اللي صار بعد كل اللي سوون فيني ؟؟؟
زوجي للأسف صار عنده السكر يعني كل انواع الاكل اللي كنت اسويه له وكان ينكر صار الحين اكله جداً بسيط وماله طعم عشان مايرتفع السكر عنده -
امه صار عندها دوووخه وتعب وكل مره وهي بمستشفى ومع كذا مايخف الألم عندها -
اخته الصغيره بالمتوسطه تدخل مواقع بالنت اباحيه وأشياء مابي اذكرها هيا وبنت أختها الكبيرة اللي رفضت تاخذ عيالي عندها -
اخته الثانيه اللي كانت تدور له عروسه زوجها متزوج عليها بالسر -
اسفه طولت عليكم بس أبشركم أنا عايشه حياتي وجدا مرتاحه والحمدالله على كل حال قبل كل شي -
حلا 20011 @hla_20011
عضوة
يلزم عليك تسجيل الدخول أولًا لكتابة تعليق.
حلوه و دلوعة
•
الزبده في القصه انك عايشه بخير ومرتاحه زي ماقلتي وهذا اهم شي :)
كتكآته
•
فعلا سبحان الله ربك مايترك احد
والله قصتك تشبه كثير قصتي
والحمدالله يارب على كل حال
الله يتمم عليكم السعاده يارب
ويسخر لك زوجك يا حي ياقيوم
والله قصتك تشبه كثير قصتي
والحمدالله يارب على كل حال
الله يتمم عليكم السعاده يارب
ويسخر لك زوجك يا حي ياقيوم
الزبده في القصه انك عايشه بخير ومرتاحه زي ماقلتي وهذا اهم شي :)الزبده في القصه انك عايشه بخير ومرتاحه زي ماقلتي وهذا اهم شي :)
أعجبتني قصتك مشاالله الله ينصرني وينصرك والمسلمين الحمدلله
الصفحة الأخيرة