السلام عليكم قصتي مضحكه مبكيه وكأنها مسلسل كنت حامل بطفلي الرابع وكانت خالتي ام زوجي تعبانه وطبعا الكل مشغول فيها فهي رائعه يعني امي الثانيه ولما دخل شهري توفيت الله يرحمها :44:وبعد وفاتها ب15يوم رزقت بولد ولله الحمد :04:وانا بالمستشفى احسيت بفرحه زوجي بولادتي لم احسها من قبل وبعد 3ايام سافرت لأهلي وحسيت بالتغير مثلا مايقول لا اا طلبت منه فلوس واذا دقيت عليه ما يرد وبعد بدقايق يرجع يدق علي ومالقيت اهتمامه الي انا اعرفه على اولاده وفي يوم من الايام طلعت اختي الصغرى جوال وحبيت اعطيه الرقم فقمت بأرسال رساله غزليه وبعد ماقراها حب يعرف من المرسل دق ورديت عليه بتغيير صوتي وحاولت اغازله ابي اشوف وش ردة فعله وجاتني الصاعقه وانا لي 20 يوم بعد الولاده قال لما اصريت انك انت تتصل علي انه يمكن زوجتي {}وذكر اسمها واعطاها السماعه انا بالحضه حسيت اني راح يتوقف قلبي وطلبت من الزوجه اعطائي الرجال قالت ليه مزعجك واصريت ان اكلمه وطبعا عرف ان الي تكلمه زوجته الي نساها بوقت انا محتاجه له فيها الي ما وصلت ال30 من عمري وهو اكبر مني ب16سنه وووو الى اخر المعاناة الي انا متحملتها منه
طبعا سكر الخط وطلع من عندها علشان يرجع يدق علي :icon33:ماعرفت وش اسوي مابي امي تدري خوفا على مشاعرها نسيت نفسي وخفت انه يدخلها بيتي انا مو بنفس المدينه انا عند اهلي وجرحني انه ملك عليها بعد ولادتي بيوم وخالتي لها 15يوم متوفيه :mad:يعني مافكر الا بنفسه اكيد ودكم تعرفون وش سويت
كلمته بعد ماهديت وقلتله راح ارجع لبيتي على موعدي الي حاجزته وكل الي ابغاه العدل لأنك خلاص سويتها وماقدر امنعك شي احله الله لك وماراح اخلي عيالي وشرطت انه مادام سويتها بالسر تستمر على وضعك وخصوصا امي ماتعرف لأنها اهم شي عندي رضاه ومابغاها تتأثر بالشي الي صارلي ورجعت وصرت ادي الله اليل والنهار ان يصبرني ويرده لي وما تم السنه الا وهو مطلقها وانتهت عدتها باليوم الي تزوجها فيه
والحمد لله على كل شي الله ماينسى احد انا ام عياله الي متحملته وهمي الوحيد اربي ابناءي على خلق الاسلام
المغبوطه @almghboth
عضوة نشيطة
يلزم عليك تسجيل الدخول أولًا لكتابة تعليق.
تالا 333
•
الله يسخر لك زوجك ويهديه
puca
•
الله يعينك والله وتصرفك عين العقل
ذكرتيني بصديقتي مرت بنفس مشكلتك تزوج عليها بنت كانت على علاقه معه
واخرتها طلقها ورجع لام عياله
الايام هذي نادرا تشوفين رجال يتصرف بحكمه وعقل
ذكرتيني بصديقتي مرت بنفس مشكلتك تزوج عليها بنت كانت على علاقه معه
واخرتها طلقها ورجع لام عياله
الايام هذي نادرا تشوفين رجال يتصرف بحكمه وعقل
.gif)
الصفحة الأخيرة