كل الي سويتيه صح وباين عليك طيبه وبنت اصوال الله يوفقك بحياتك حبيبتي
ولا تتراجعي ابد على حقك

زعفرانه حبيبتي ...هالمره بطلبها طلب منج..تكفين لاتفتحين الموضوع مع زوجج طنشييييي الموضوووووع...
هذه مثل ماقلتي قوية عين..الله يستر كيف فهمت زوجها الموضوع...والخوف يأثرون علىزوجج...
انا حاسة فيج مقهورة...بس حاولي تفضفضي مع حد من صاحباتج مع امج.....
مع زوجج انسي الموضوع واذا جاب سيرتهم خاصة سيرتها...طنشي والا تكلمي عادي عنها ولاكأن شي صار

ترى الرجال ملولين من كثر الشكوى

مشكورة حبيبتي فلانه بنت فلان
ومشكورين باقي العضوات
جزاكم الله خير

وانت من الان تجنبي حتي تجيبي سيرتها عند زوجك او عند احد وانسي السالفه مره وحده

ونصيحه لو شفيتيها سلام وتعامل رسمي والواجب سويه قدام اهل زوجك وطنشيها هذي قليلة ادب

شوفي حبيبتي انتي مو غلطانه انك غرت على زوجك ولا هي غلطانه انها تمون عليه وتتكلم معاه
اقولك ليش هي متعوده من قبل لاتتزوجين انها تسولف مع زوجك والظاهر انه عادي في بيت اهل زوجك لان زوجها عادي عنده وخالتك بنفس البيت وتشوف اللي يصير وراضيه حتى زوجك كان يأخذ ويعطي معاها وكان الحل انك تقولي لازوجك انك تغاري منها ولا تبينها تتكلم معاه واذا هو مااتصرف كان رحتي حق خالتك اللي هي ام زوجك وقلتي لها وهي تقولها باسلوبها وعلى اساس انك انتي ماتدرين ولا قلتي شيء بس هي اللي لاحظت وخافت ان هالشيء مايعجبك لان انا صار معي تقريبا مثل ها لموقف وكلمت زوجي كانت سلفتي توها عروس وكانت ماتتغطى زين من زوجي ولا اخوانه يعني كانت تتغطى بالطرحه وطرحتها مره خفيفه وقصيره نصف ظهرها طالع وكا ن شعرها يطلع من تحت الطرحه وكانت احيانا تلبس بناطيل وبلايز قصيره واحيانا تنانير ميدي وانا مره اتنرفزت يوم قلت حق زوجي قال لامه وامه كانت متضايقه من اسلوبها بس ماسوت شيء بس رحت انا وكلمت خالتي وقلت لها اذا كذا غطاها زوجي ماراح يجي لانه هو قالي وحتى انا متضايقه قامت خالتي وشرت لها شرشف طويل وقالت لها تغطي زين العيال متضايقيين وتعدلت
علشان كذا اقولك كان مابينتي شيء لها وخليتي خالتك تتصرف او زوجك سحب نفسه شوي شوي لانها راح تكون عشرة عمر وهذا اخو زوجك كيف اتصرف معاك لانها ماراح تسكت على اللي صار