قصتي مع سورة البقره

السلام عليكم ورحمة الله وبركاته:26:



حبيت اقولكم عن قصتي مع سورة البقره العضيمه ,
سبحان الله ربي ماحط شي عبث انا يوم كنت حامل بالشهر السادس كان كل شي تمام رحت مره لمستوسف اهلي قلت ابسوي اشعه عشان اشوف جنس البيبي ويوم دخلت عند الدكتوره سوتلي اشعه وانا متحمسه ابي اشوف بنت او ولد :42: الا قالتلي انتي معاك سكر؟ قلت لا ليش؟قالت المويه الي حول الجنين زايده ؟انا بصراحه انصدمت وخفت قالت لازم تسوين تحليل سكر ,انا سكرت فيني الدنيا:( ورجهت للبيت وانا مره خايفه ودخلت على النت وقعدت اتصفح المواقع الا قريت وحده حاطه تجربتها مع سورة البقره وفضل سورة البقره عاد انا قعدت اقرا كل يوم سورة البقره سحان الله يابنات والله احس ان حياتي تغيرت احس بسعاده وطمئنينه وجاء موعدي والحمد لله قالت لا المويه كويسه وتمام :42:بصراحه مرررره فرحت واخذت على نفسي وعد اني ما اترك قرائة سورة البقره .
سبحان الله تحميك من العين وتحمي جنينك من كل شر وضليت اقرائها من الشهر السادس الى الشهر التاسع والحمد لله ويوم ولدة تعرفون ضيقة النفاس وقعدت اقرائها والحمد لله راحت ,انصحكم يابنات اي وحده معها مشكله بالحمل او مع زوجها اوضيقه بسورة البقره والله انها عضيمه وهاذي تجربه مني انتي بس انوي النيه الي تبينها وابدائي اقريها وشوفي النتائج والله اني قارئه قصة وحده اكتشفوا انا بطفلها ثقب بالقلب وقعدت تقراها وتصلي باليل وتدعي وما شاء الله كشفو عليها مره ثانيه مالقوا فيا شي سبحان الله رحمة الله واسعه لاتستهينون بالقران والله انه رحمه وشفاء .