قصتي مع صديقتي ............

السلام عليكم ورحمة الله .اخواتي الغاليات انا اول مرة اعرض قصة ليه دائما ادخل اما ارد على المواضيع او اكتب موضوع مفيد .لكن في قلبي هم ابغاكم تشاركوني فيه وتقولون لي رايكم .ليه قصص كثيرة صارت في حياتي خاصة ايام الدراسة في الكليه وبعد التخرج راح احكيها لكم يمكن تستفيدون منها لكن في المرات القادمة ان شاء الله لاني اعتبركم مثل اخواتي الي تزوجوا وكل وحده في ديره المهم .هذي السنه فكرت اني اخذ دوره في الكمبيوتر وفعلا كنت متردده كثير تعرفون الي يتعود على البيت والسهر تسير عنده مناعة من الدراسة خلاص .حتى اهلي يعرضون على اكمل دراسة بس متردده المهم يوم بديت اتاقلم في المعهد حسيت اني بديت ارتاح وحبيت الحاسب وصرت مدمنة نت من الدرجه الاولى .بالصدفه تعرفت على بنت بجانبي وسالتها ايش تدرسين واسمك والذي منه ما توقعت اني بيوم من الايام بتعلق بهذي الادميه .مرت الايام وكانت دائما تتاخر ولما ما تلاقي مكان تقعد فيه تجيب كرسي جنبي وتقعد تسالني وش سويتوا وش اخذتوا المهم في البدايه كنت مره طفشااااااانه منها .لكن مع الايام سبحان الي حبب قلبي فيها .تبادلنا الايميلات واصبحنا ندخل كل شوي على المسن .وكاننا عايشين مع بعض ونقعد نضحك ونسولف مره انبسطنا سوى وكانت من احسن الايام وانا احبها بشكل فظيع وهيه كمان بس هيه ما سارت تهتم فيني زي اول يعني ما عادها تدخل وانشغلت خصوصا انها تدرس مسائي في الجامعه .وانا دائما اعاتبها ليش ماتردين علي زي اول وليش وليش كل هذا والله من حبي لها وارسلها ابيات شعر في العتاب .صح بتقولون مشغوله بس ليش ماتذكرني على الاقل برساله اعرف وحدة من صحباتي برضوا درست معانا في نفس المعهد ترسلها بالجوال واشوف انا الرسايل طيب صحبتك الي اقرب لك ودايما تسال عنك ما تفتكرينها ولو برسااااله .واحيانا تدخل وما ترد عليه ولما اطنشها احسها تهتم فيه .بس ابغى حل كيف اتعامل معها ؟ما ابغى احسسها انها كل شي بالنسبه ليه وفي نفس الوقت ما ابغى اخسرها .علما انها قبل كذا كانت تسمعني الكلام الحلو ودايما تمدحني .والحين صارت علاقتها جدا عاديه معي تقهرني بتصرفها هذا .والحين انا بسافر لظرف معين خارج المنطقة الي ساكنه فيها وحزينه مرررررره على فراق اهلي وفراقها ادعولي .وعطوني ردودكم الله لايحرمكم الجنه .والله لادعيلها الي ترد عسى دعوتها ماتنرد قولوا امين .