قصتي مع ضرس العقل .....

السلام عليكم خواتي .. شو اخباركم؟؟ اليوم حابه اخبركم قصتي مع ضرس العقل واتمنى اتفيدوني بخبرتكم ياللي مرت بنفس تجربتي....

انا الله يسلمكم كان عندي صداع مزمن بدا معايه من شهر يناير مع بداية العام يروح بالمسكنات ويرجع .. قررت اعرف السبب والحمدلله بان السبب انو من ضرس العقل لانه طالع اعوج وكان ملتهب ... طبعا هالكلام بتشخيص من جراح الفك والاسنان اللي اتعامل معاه ونصحني اني اشيله وانا رفضت هذيج الفتره وقرر انه يشل العصب عن سني وعطاني موعد بعدها بثلاث ايام لكن اختكم خوافه من شال العصب خف الالم وهربت ولا عاد رجعت للعياده ... المهم من اسبوع رجع لي الالم في نفس المكان لكن بطريقة خياليه لدرجه اني ما انام الليل ... اتمالكت نفسي وقلت لازم اقوي قلبي واروح اشيله لانه شكله ما راح ينفع الحال بهالطريقة ... المهم البارحه الصبح رحت وشافني الطبيب وقالي اليوم مافي هروب لازم انشيله بس لانه اعوج بياخذ وقت لانه بعمليه جراحية بسيطه راح اطلعه وانا اقول ان شاء الله وميته رعب ... والحمدلله بعد ساعه ونص طلع الضرس وشفته كان بيغمى علي من حجمه والحمدلله عملولي خياطه مكانه.. وبعد مارجعت البيت وراح مفعول المخدر حسيت بالم شديد لدرجه اني قعدت ابكي .. واخذت المسكن والمضاد اللي وصفلي اياه .. طبعا بدا خدي يورم ووجهي ياخذ شكل مريع ومروع لدرجه اني انا خفت من نفسي .... والحمدلله اليوم بدا يخف الألم لكن الورم يزيد ... طبعا هذي قصتي واتمنى انكم استمتعوا بس ياليت اللي مرت بنفس تجربتي اتقول الاعراض لمتى بتم معايه من الم وهلوسه وقله نوم..

أختكم ....