قصتي مع ضياع ولدي

السلام عليكمً



قصتي غريبه جدا صارت معي اليوم مع ولدي اللي عمره 5سنوات فيه توحد
كان ولدي بالسياره قدام البيت نزل ابوه من السياره وشال طابوقتين من قدام البيت ونقلهم للجهه الثانيه طبعا هالشغل كله صار قدام البيت وفجاه اللتفت زوجي علي السياره مالقي ولدي وبسرعه قام زوجي يدور يمين يسار ماااافي احد فص ملح وذاااب دخل البيت ودور وبرضه ماللقي احد قالي اللبس عبايتك علشان نطلع ندور الولد انا هنااا انهرت مدري وش اسوي ماعلي لساني غير كلمه ياربي تحفظه من كل شر وانا مره ابكي ومره اتكلم اذكر اني صرت اتكلم كثيييير بس مدري وش اقول ودقينا علي جيراننا وقلنا لهم السالفه قلنا دوروه عندكم اكيد دخل عليكم لان ابواب جيراننا دايم مفتوحه الله يجزاهم الجنه ماقصرو دورو مالقو وانا كل مااشوف احد راجع يقول لنا مالقيت شي ابككككككي بحرقه واقول ولدي خلاص ضااع راااح وطلع جارنا وولده كل واحد منهم علي سياره علشان يدورون معنا وانا دقيت علي اخوي قلت له اللحقني ولدي ضاع تعال دوره معنا وفعلا ماقصر اخوي عشر دقايق وهو عندي ودورنا ودورنا وكل مااشفنا احد بالشارع سألناه شفتو ولد عمره 5سنين ويردون علينا ويقولون لا ماشفنا شي
جا اخوي وشاف عمال يشتغلون وراح وسالهم شفتو ولد مر من هنا رد عليه واحد قال اي اي قبل شوي شفت ولد دخل هذه العماره (عماره مبنيه عظم )
دق اخوي علينا قال تعالو هذا العامل يقوم انه في العماره انا بدخل العماره اجيبه علي ماتوصلون عنده قلنا خلاص اووك وفعلا راح اخوي ودور في حوش العماره ماحصل احد وفي الدور الاول وماحصل شي وفي الدور الثاني بعد ماحصل شي وتخيلوووووووو
علي وصولنا قدام العماره الا يطلعععع ولدي مفصصصصصخ ملابسه من داخل العماره شكله اقسم بالله يهوووول من شافني قام يوون اااانننننن مسكته وبكيت عليه بحرقه من شفت شكله وجسمه كل رمل ومكان جروح علي بطنه كنه يتسلق طابوقه منظررره مؤلم مررررره حضنه واخذناه ورجعنا البيت دق علي اخوي قالي هاه حصلتوه قلت اي اي قال وين وربي دورت العماره كلها ماحصلت شي
قلنا له انه طلع منها
وربي للحين اخووووي مو مصدق كيف ولدي طلع من العماره
وبعدها بساعتين راح زوجي واخوي يدورون ملابس ولدي اللي رماهم ورب الكون ماحصلو ولا قطعه مع ان ولدي كان لابس 3بلايز وسروال ونعول
ومع ذالك مالقوو ولا شي
الي الان احس اني مصدوووووومه والله العظيم كنه كابوس مر علي
مع العلم وديت ولدي للشيخ وقالي عين
بس ماكملت عن الشيخ
محتااااااره مع ولدي ماادري وش اسوي فيه
يارب ياكريم تشفي ولدي يارب وتعافيه