قصتي مع طفل الانابيب --والحقن الصناعي---

السلام عليكم ورحمة الله وبركاته----------

اخواتي الغاليات في منتدا عالم حواء الذين احبهم في الله
الله لا يحرمنا جميعاً من الذريه الصالحه عاجلاً غير اجل ويجعلهم من عباده الصالحين

بصراحه انا مالقيت احد افضفض له غيركم حتى امي ماحب احكيلها عشان ماتشيل هم
وانا قريب سجلت عندكم بس بصراحه احس فيه ترابط قوي بينا لان يمكن همنا واحد
وحلمنا واحد الله لايحرمنا من هالحلم--------

انا متزوجه لي ثلاث سنوات وثمان شهور في البدايه كنت ماودي بالحمل الا بعد سنه لاكن زوجي
وده على طول
بعد ثلاث شهور من زواجي جتني التهابات شديد ورحت لم الطبيبه وفحصتني قالت انتي عندك تكيس
في المبايض انا اول مره اسمع فيه خفت قالت عادي اكثر النساء فيهم ويحملون ويولدون
قلت طيب والحل قالت بعطيك كلوميد ينشط عندك التبويض واخذته من خامس يوم لدوره
وعملت لي اشعه وطلعت البويضه كويسه
بس ربي ماكتب لي حمل لما رجعت لها قالت لازم زوجك يعمل فحص قلت لها هو عامل قبل سنه
من زواجنا وهو سليم
قالت اجل خذي الكلوميد مره ثانيه بس من ثاني يوم دوره
واخذته وكل شي تمام وزادت على هالشهر الابره التفجيريه وحددة لي متى الجماع
بس ربي ماكتب لي حمل قالت ماراح اعملك اي شي قبل زوجك مايعمل تحليل
راح زوجي وعمل تحليل ----------------------------------------------------
--------------------------------------------------------------------------------
وهنا المفاجئه طلع التعداد عنده صــــــــــــــــــــــــــــــــــــــــفر
الخبر هذا كالصاعقه علي وعليه المسكين بس الحمد لله على كل حال
قال له الدكتور بعد الكشف انت عندك دوالي لازم تعمل العمليه
زوجي على طول وافق وانا كنت خايفه اقوله استنا واستخرالله بس ماسمع كلامي وعملها
قال الدكتور النتيجه تبين بعد ثلاث شهور وصرف له كلوميد وبعض الفيتامينات
وبعد ثلاث شهور عمل تحليل والنتيجه ماتغير شي
قام الدكتور صرف له ابر لمدة ثلاث شهور كل اثنين وخميس
وكان ياخذ وقتها عسل وطلع النخيل وحلل بعد شهر ونص وحصل الحمدلله في تحسن
قلت له خلاص لاتاخذ الابر خلك على العسل بس ماسمع كلامي وكمل الابر
وبعد ماحلل حصل العدد قل مره ثانيه
طبعاً هو انصدم مره وترك الدكتور
وبعد ماكملنا سنه وعشر شهور نصحه صديقه باطفال الانابيب لانه نفس حالته ونجحت معه العمليه
ورحنا مركزجنين ثاني يوم من الدوره وعلى طول بدوا معي المنشطات بدون مايعملون لي اي تحاليل
واخذتها لمده12 يوم ثم الابره التفجيريه وحددو موعد السحب ورحت لهم وسحبوا ثمان بويضات
وارجعو لي ثلاث لاكن بعد الارجاع جاني التهاب شديد بالمسالك ادى الى ارتفاع درجت الحراره
وماكنت اعرف ان ارتفاع الحراره يؤثر على الاجنه ولايمكن ان تلتصق
والحمدلله لم تنجح العمليه
طبعاً ماقدرنا نعيدها مره ثانيه لانها كانت مكلفه قررنا ناجلها لين تتيسر الامور
انا انشغلت بزواج اخوي والتجهيز له وتاثيث بيته
وبعد ماكملنا ثلاث سنوات بدينا نجرب الخلطات الطبيعيه من خلطه لخلطه
7شهور وحلل زوجي لقى فيه تحسنن ويصلح لنا التلقيح الصناعي الي هو طبعاً اسهل
انا لما جتني الدوره بديت بالمنشطات بعد ماكتبتها لي الدكتوره
وقريت هنا بالمنتدا عن الي عندها سدد ماينفع معها التلقيح وخفت يكون عندي
وسالتكم ينفع اعمل التلقيح والاشعه بنفس الوقت وردت علي الدكتوره انه عادي
وعملت الاشعه والحمد لله ماصار عندي مشكله
وبعد المنشطات رحت لم الدكتوره وقالت لي كل شي تمام الحين خذي الابره التفجيريه
وبعد36ساعه تعالي انتي وزوجك عشان نعملك الحقن
ويوم الاربعاء الي فات كان موعد الحقن رحنا لهم الصباح انا وزوجي وعطاهم العينه
وقالو اجلسوا بالانتظار لين ننادي عليكم وجلسنا تقريبن ساعه
بعدين نادو علينا
ودخلونا غرفة الدكتوره زوجي استغرب قال الفروض يودونا غرفة الحقن مو يجيبونا هنا
انا قلت يمكن تبي تقولنا شي قبل

بس المفاجئه
----------------------------------
-------------------------
---------

جت الدكتوره ومعها الورقه وقالت للأسف العينه غير صالحه
انا هنا كأن احد كب علي مويه حاره بس حاولت اتمالك نفسي قدام زوجي المسكين الي انقلب وجه
اسود وقلت الانسان مايدري وين الخيره فيه
قلت وشلون قالت النطف الحيه اقل من 500الف وحركتها قليله لاتصلح لتلقيح
يعني حرام اسويها وهي ماراح تنفع الاحسن تسترجعون فلوسكم
وماراح ينفع معكم الا الانابيب

طلعت وانا ادعي الله انه يخيب ظنها ويغنيني بالحمل الطبيعي
الي خلقنا من عدم قادر انه يخلق جنين في بطني بها النطف
اللهم اني فوضت امري اليك فلا تكلني الي نفسي طرفت عين
ياااااااااااااااااااااااااااااااااااااااارب
انك ماتحرم مسلم ولا مسلمه من ذريه صالحه انك قادر على كل شئ
وترزقني بالحمل هالشهر يارحمان يارحيم

صدقوني قصتي هذي مايعلم بها الا الله وانتم
خواتي لاتنسوني من دعواتكم اني اكون حامل هالشهر