قصتي مع طليقي وزوجي الثاني ووفاته

السلام عليكم ..
اول مشاركه لي .. اعذروني ع الاطاله بس والله اني بهم عجيب لاحول ولا قوة الا بالله ..
انا تزوجة عام 1433 وحملت ع طول والله كان زوجي يعاملني معامله مرره قاسيه .. بس كنت اقول كل الرجال كذا واصبر نفسي .. كان يحطمني بالكلام ويجرحني بشكلي وطبخب وكل شي وكنت اسكت مرره اناقش ومرره اسكت ..
ورحت لاهلي مسيره وفاجىني بطلاقي والله بكيت وتعبت نفسيا وكنت حامل بالخامس لا سال ولا صرف علي ولا شي لما ولدت شاورني برجعه ورجعت ونفس المعامله وصار ولدي عمره ثلاث شهور .. وكنت بروح سوق معين ورفض وقالي بوديك القريه الشعبيه فيها كل شي قلت له مابي زحمه وولدي بحضني ابي سوق معين اخذ حاجتي واطلع ع طول وطاااار بالسياره معصب ووقفوه المرور واخذو بطاقته لما يرجع ويتفاهم معهم المهم ويقعد يسب فيني ويقول من اخذتك وانتي نحس علي ماشفت الخير خلااص برجعك عند اهلك .. طااااب الخاطر .. قلت لا تفكر فيني فكر بذا الولد الي بالفه قالي هاتيه انا اربيه ولا خذيه ولا علي منكم .. وفعلا رحت زياره عند اهلي وطلقني .. وصارت ثلاث طلقات .. وبعدها بست شهور رجع يبكي ويبي يرجعني وقالت له امي ماتحل لك قال انا راجعت بالمحكمه ولازم حضورها عشان يعرفون وضع الطلاق احتمال فيه رجعه .. ورفضت ورفض اخوي وصاار يجيب اوراق لي اساله من المحكمه وانا بالبيت عن طريق الجوال وجاوبت عليها وبعدها يشهرين جاء قرار من الشيخ عبدالعزيز ال الشيخ انه وقع فقط طلاقين ويحق لي ارجعه .. ومدري وش جاني ورفضته ورفض اخوي .. وهو يحاول يرجعني وع كل المحاولات صار ولدي عمره ثلاث سنوات وانخطبت وتزوجت .. وكان رجل حسن الخلق ومقطعني مدح ومدلع ولدي .. وكان طليقي يسال عني عند امي بالواتس اربع وعشرين ساعه وينها وكيف زوجها معها والولد عندكم ولا تاخذه وكن ذا الحكي كرهني بعيشتي مع زوجي .. وامي الله يصلحها رافضه تحظره .. وبعد زواجي بست شهور صار حادث ع زوجي ومات ..
ورجعت حليمه لعادتها القديمه .. طليقي واتصالاته ورسايل واتس يبيني له .. ويرسل لي نصي لاني حظرته وقتهاا ..
المهم بعد سنه حاليا وافق اخوي وقالي عشان ولدك .. وقلت اوك
البارح وحنا نتفق ع كل شي قالي مافي زواج ولا شي بس ملكه واخذكم تراني مرجع زوجتي محنا جداد ع بعض .. قلت اوكي اصلا انا عفت الطقطقه والاحتفالات ..وقالي حطي المهري الي تبين بس قدام اهلك واخذها منك ولك عشره بس لاني مديون ومطفر .. وترا ماعندي اجازه بس يومين اخذك وعلى البيت ..
ورسلت له كذاااااب .. قالي عجزت وانا اعلم فيك وانتي ماش ..
قالي ترا كل هذا عشان ولدي بسسس وانا جالس اصلح الامور وانتي الله اعلم ويمكن مافي خيره بينا ..
وسوى لي حظرررر


بالله وش اسوي معه .. انا عارفه اني متزوجه مرتين وحظي طايح ولا احد بيطل بوجهي .. وعارفه ان ولدي يكسر الخاطر بس والله ربيته ودلعته ..
بس الحين كل هالركض لي ويوم وافقت قام يستلعن .. طيب من اول ليش رجع دام مايبيني وعشان ولده ..
قولي لي وش اسوي والله اني ابكي حيل تعبت ..