ياختي وش لك بالشقا والعنا ترجعين له!
خلك مع ولدك ربيه لما يكبر والله يعوضك خير فيه
هذا اللي مابه خير اول مابه خير تالي!!
استغرب قبولك الرجعه له!

شكله كل هالفتره يخطب ومحد عطاه وجه وقال بيرجعك ياختي شين وقوي عين يحسبك ميته عليه قولي له مهري كذا وكذا وماني مرجعه شي بصرفهن كلهن ىشوفي وش رده واحكمي عليه

اذا انتي راضيه عن حياتك معاه ارجعيله
وترا بتعيشين نفس حياتك معاه قبل ويمكن العن لانه حاقد عليكي لزواجك الثاني ..فكري زين ولا تستعجيلي واستخيري اهم شي
وربي يكتبلك اللي فيه خير

ياختي معليش انتي انسانه ذوشخصية ضعيفه لأنك تقولين يوم انه يرسل لأمك بالواتس يسأل عنك لما كنتي متزوجه كرهك بالعيشه مع زوجك المرحوم !!!
ليش رسايله لأمك تكرهك بعيشتك مع زوجك
لووحده ثانيه ماجابت خبر له ولااهتزت برسايله بس انتي!!! وبعد كل هذا تفكرين ترجعين؟!!! وحتى بعد ماقال بعطيك عشر الاف من المهر جايه تسألينا!!!! مفروض بدون سؤال تشيلينه من راسك بس الظاهر .....يحب خنّاقه
انتي تدرين ياذكيه ان لوكتبتي مهر خمسين الف واخذه منك وحذف عليك عشره لوبعدين يبهذلك وتطلبين طلاقك يقدر ياخذ منك خمسين الف
وماهو عذر ان عمرك واصل ثلاثين
كرامتك الواحد وراحته اهم من اني اكون زوجة لحمار يبهذلني
ولاتعذرين بالولد اصلا مفروض ماترجعين عشان ولدك
لأن الولد بيتعب نفسيا بسبب مشاكلكم
انتي كيف ترضين انه داعس عليك وهولسى ماملك ويقول اكتبي المهر الي تبين ولك عشره
كيف ترضين تصيرين امعه وغبيه وتغشين اهلك معه
انتي صاحيه والا مجنونه
اصلا لوانه رجال وقلبه حي ماقام يسأل امك عنك وانتي متزوجه ولوانتي صاحيه كان ماتفولين كرهني بعيشتي مع زوجي عشان يرسل لأمك !!! تحبينه ارجعي له خليه يدعس عليك ويحذفك عند اهلك وتطلقين بعد
نصيحه من اخت اجلسي لين يجيك نصيبك واحد صاحي او اجلسي بدون زواج احمدي ربك انتي براحه ازين من تكونين مع واحد حقير مثل ابوولدك الي واضح انه مدمن كذا المدمنين نفس حركات طليقك
وبعدين لاتصير شخصيتك ضعيفه كلمه منه توديك وتجيبك انتي وامك لاتفكرين برسايله لأمك ولاتحظرينه ولاتجيبين خبره حطي عليه اكس
واخوانك وش دراهم عنه عاشوا معه!! انتي عارفته وسمعتي منه شلون يوم ناقشك بالمهر

لا ترجعين له انا نفس قصتك حاول يرجعني مليون مره ولا رضيت عيشه وياهلي معززه مكرمه ولا ذل ووجع الراس اشتري راحه بالك والعيال بيكبرون بدل مايتعقد من المشاكل