ما اعرف ضروفك بس لو مكانك ما ارجع وولدي اقدر اربيه لحالي كملي دراسه وتوظفي وعزي نفسك وولد

الله كريم ولا حول ولا قوة الا بالله ..
الي تقولي ليش كرهتي بعيشة زوجك الثاني لان طليقك يراسل امك ..؟؟؟


ماقصد اني كرهت زوجي بس كل وحده فينا اذا عطت انسان ظهرها بعد محاولات باصلاح وضبط هذا الانسان ومافيه امل منه تركته ..
طيب ليش يلاااحقني وغاااثني وش يبي فيني يعني والله لو يسال عن ولده ماقلت شي بس يسال عني وامي تجاوبه .. هذا الي يذبح وش دخله كيف عايشه الي تزوجته معه زوجه غيرها ولا لا .. بيتها قريب منكم ولا لا .. كيف تعامل زوجها معهاا .. عسى مو مقصر معها .. ليكون يمنعهاا من ولدهااا .. والولد متى تاخذه ومتى تخليه ..
والله ي بنات هذي نقطه في بحر من اسالته عني طفششششني كرهني بالزواج منه .. افول ليتني ماتزوجتك ولا عرفتك نشبه بكل معنى الكلمه ..
لدرجه يقووول لامي والله ي خاله ريحة عطرهاا تلااازمني وين ماروح ..!! بالله هذا كلام ينقال لامي ..
استحيت من نفسي عشان كذا ابي امي تحظره وتقعد العلاااقه يبي ولده يجي يشوفه غيرر كذا لاااا ..
اخر مره جاء يشوف ولده .. ورسل لي نصي كنت بطلبك اسلم عليك بس استحيت من امك قلت بقلبي زين والله استحى من شي ..
ويرسل لي انتي جربتي غيري وماتوفقتي خلااص مالك غيري .. يااااربي انا بهم وهو بهم ثاني .. انتظر خليني اطلع من العده ابدا مايفهم ..
مرات اقول خلاص برجع له لاني عفت الزواااج وتحطمت .. اقول اقلها ولدي يتحمل ابوه جزء من مسوالياته ..
بنسبه لي وربي ي بناات عفته عااايفه ام الزواج مو بس هوووو ...
والحين حظرني بس متاكده انه راح يرجعني وانا وقتهااا بتصرف معه ..
وهو مكلم اخواني الجمعه بيجي عشان ياخذني ..


والله يعين ولا حول ولا قوة الا بالله ..

انا كتبت اولها ماترجعين له....بس الحين برايي ارجعي زي ماقلتي عشان ولدك بس لازم تصبري عليه وتتحملي ومايفرقكم الا الموت...ومهما صار لاتوصيلنها للطلاق....وش بتسوين مكتوب عليك هالنشبة....

السلام عليكم ورحمة الله وبركاته نصيحتي لك لا تتنازلين عن هللة واحدة من مهرك ولا من حقوقك " إذا بترجعين " له " مع أني ما أفضل ترجعين له وبيغنيك الله عنه وعن الحياة معه .بس إذا مغلوبة بترجعين له لا تتنازلين عن شيء وخذي المهر كله مقدماً وماعليك من ديونه وطفرته خليه يعرف قيمة الخطأ اللي أرتكبه في حقك والمبلغ عطيه أحد من أخوانك ولا تشترين منه ولا قطعة روحي بثيابك اللي عندك وإذا عندك مبلغ قديم حطيه عليه وخليهم يودونه البنك ودخليه في أحد الصناديق الاستثمارية وربي يوسع عليك يكبر هالمبلغ ينفعك الله به إذا لا قدر الله طلع لك بقصة جديدة.والله يصلح لك الحال .

بالمختصر انتي خبله وفي عقلك شي ان رجعتي


تتوقعين يبي يرجعك حب لك والا حرص على ولده
الا مالقى ناس يرضون به زوج لبنتهم
والا بالعقل فيه رجال يجلس ثلاث سنين مايتزوج الا من بلاء
قال مافيه الا ام ولدي رضوا بي بالاول يرضون ثاني
خاصة انه شاف امك معطيته وجه طمع فيكم


احسن شي احضريه كليا سواء واتس او نصي واسألي بقوقل وتعرفين
سواء من جوالك او جوال امك
ولا ترجعين برجلك للنار بعد ان انقذك الله منها