قصتي مع فقيدتي ومقابر تسمى مستشفيات....

رحت للشميسي وانا منتهية من التعب أسأل الله ان يجعله تكفيرا لذنوبي...

دخلوني على الطبيبة إسعاف طبعا وهالمرة الدكتورة تحاكيني من طرف خشمها واشرت بيدها على السرير طبعا لكني استجمعت قوتي وقلت لها إذا ماراح تدخلوني ماله داعي التعذيب والفحص قولوا لي بتحضنون جنيني ولا لأ؟؟؟

ماردت علي طبعا والممرضة طلبت مني بكل أدب<<<<ايه طيب ...اني ارقد على السرير...
وللمرة الثالثة يتم الفحص المهين والقاتل لكل معاني الإنسانية ثم تسوي اللي سووه اللي قبلها وتقول لي نفس الكلام....

في ذيك الساعة ما ملكت الا اني بكيت جزعا لكرامتي اللي اهينت في بلدي لما احتجت لأول مرة اني أعالج في مستشفى حكومي انا والجنين اللي كان بيطلع مواطن !!!

طلبت منها ورقة طرد لكنها رفضت تعطيني ونشبت في حلقها فاضطرت انها تتصل بالحضانة تتأكد فيه إمكانية ولا لأ!!! قالوا لها ان فيه امكانية للضرورة <<<<احلفوا!!!

طبعا ماتبغى تعطيني ورقة عشان ما ادخل مستشفى خاص<<<<<حسدا من عند أنفسهم...فاستقبلتني في المقبرة وارسلتني للداخل........

رحت للغرفة اللي فيها ممرضة تبدلين فيها الملابس وصار اللي صار فيها ثم دفوني لغرفة ما قبل الولادة....

كان فيها 3 اسرة بينها ستائر وعليها ستارة عن الخارج وعند رجلينا(خلف الستارة)مكتب الممرضة المتابعة....وطبعا الذبان أعزكم الله كان رفيق المريضان في الغرفة!!!

ثبتت على بطني جهاز النبض وحطت على فمي جهاز الأوكسجين اللي اثبتت لهم مرتين انه فاضي وما فيه اكسجين وفي النهاية رموه !!!

جت تشوف المريضة اللي جنبي فسألتها ليه جهاز النبض ما يطلع صوت قالت :خربان!!

راحت الممرضة وأنا طبعا مو اول مرة اولد فما ناديتها الا لما وصل كل شي....ومع ذلك ما جت الا لما قلت اني باروح للحمام(اعزكم الله).........

جت وانفجعت لما شافت جهاز النبض يعطي (ما فيه نبض!!!

انهبلت الممرضة وقامت تصارخ للمرضات وشالت غطوتي عن راسي وساعتي وشنطتي اللي فيها الجوال وكل شي حولي صارت ترميه وهي تدف السرير بسررررعة لأنها اكتشفت خطاهم بس بعد ايش؟؟؟

دخلوني غرفة العمليات وربطوا يديني ورجليني عشان يركبون القسطرة وفعلا ركبوها (الله لايعيدها)وجهزوا كل شي للعملية ولما كنت وحدة منهم تعطيني بخاخ الربو والثانية تفتح الإبرة الا الثالثة تصيح تقول : بيبي يجي على مقعدة!!!

البنت نزلت منطبقة ....على المقعدة لكن ما نزلت ....

نزل جسمها واختنق الراس!!! وماعاد فيه طلق!!!!يا ربي لك الحمد والشكر على كل ما قضيت......

قعد الراس محبوس ساعة الا ربع وكانت البنت صغيرررررة مرة لكنهم سووا جرح عشان يطلعون الراس اللي مارضى يطلع في هالمستشفى ولا هالبلد اللي رفضت تستقبله!!!

طلعوها بالقوة وخبوها عني وما رضوا يقولون لي حتى انا جبت بنت ولا ولد!!!

جوا يطلعون المشيمة ونزفت معهم لكني رفضت يعطوني دم ويبلغون زوجي لو احتجت لأني اعرف قريب لي نقلوا له دم فيه مرض الكبد الوبائي.....

ستر ربي وما احتجت نقل دم لكنهم نقلوني لغرفة الملاحظة وما رضوا آكل ولا اشرب كل هذا اليوم تحسبا لنزيف آخر....

كانوا اهلي منهبلين وما يدرون وش صار علي وكانوا يدقون على الغرفة اللي انا فيها والممرضة تصارخ عليهم وأنا اترجاها تقول لهم اني بخير لكنها كملت الناقص اللي ما كملوه ربعها!!!

خلوني في الغرفة خمس ساعات وطلعوني للزريبة بعد ما انتهت الزيارة بنصف ساعة!! ومع ذلك مازالوا اهلي منتظرين على امل انهم يشوفوني لكن من يرد لهم خبر!!! حسبي الله ونعم الوكيل.......

طلبت من الممرضة مويه قالت : مافيه مويه!! وطلبت حاجة ثانية تعرفونها قالت مافيه!! اخذت من المريضة اللي جنبي هذيك الحاجة اما المويه فما لقيت...

قلت عطوني شنطي أغير ملابسي وأكلم زوجي يجيب لي مويه قالت ما ندري وين شنطك!!!!

كلمة حق: شنطة يدي الصغيرة اللي رموها وهم موديني لغرفة العمليات حطوها في الأمانات وجابوها بعد صعودي للغرفة بثلاث ساعات فدقيت على امي وزوجي طمنتهم علي وطلبت منهم يدورون شناطي(كانت شنطة لي وشنطة للمولود)!!

تعبت اختي وهي تدقق عليهم عشان يجيبون لي الشناط لكن لاحياة لمن تنادي وجلست بثوبهم الخايس لحد الفجر!! ابشركم جت الشنط....

تروشت في شي يقولون انه حمام وانا ما بعد صدقت!! لكني تروشت......... ولبست ملابسي ونمت...

جت امي الله يجزاها بالجنة من الساعة سبع ونص الصباح على بالها بيدخلونها لكنهم رجعوها بكل وقاحة...

ورجعوا معها الفطور اللي هي جايبته (يا حبني لها) وقالوا احنا نعطيهم فطور(فول كابينه من القواطي) ريحته بس تكفي عشان أشبع واصوم نفاسي كله!!!

طبعا بنتي كانت ميتة لكن ما احد قال لي,,,,, اتصلوا على زوجي في الليل وقالوا له ان البنت ماتت وجاء الصباح ووداها للمغسلة ثم جاني للمستشفى وقالوا له طلع زوجتك لأننا نبغى السرير....قال باصلي على البنت ما بقى شي على الصلاة ...قالوا اجل بتلاقي زوجتك على الكراسي تحت تنتظرك بنطلعها!!!

اتصل علي وقال انزلي<<<<<حتى ما سمحوا له يطلع يشيل اغراضي او يساعدني!!!

ناديت وحدة من العاملات واعطيتها عشرة ريال عشان تشيل معي ووافقت على مضض ونزلت....

طلعت من عندهم وانا مبسووووووطة واقول لزوجي شفت البنت؟؟؟

قال ايه شفتها بس هي تعبانة شوي........رحت لبيت اهلي وبلغتني امي ان البنت توفيت والحمد لله رب العاليمن.........
__________________

الله يصبرك اختي ويجعلها شفيعه لك في الجنه ويجعل هالعذاب اللي تعذبتيه
اجر وتكفير ذنوب
ذكرتيني ببنتي شلون طارت من ايدي بسبب اهمال الدكاترة والممرضات حسبي الله ونعم الوكيل فيهم

ياااااقلبى عليك الله يجعلها شفيعه لك يوم القيامه
ويرزقك ياااارب
حسبى الله على هذا المستشفيات حتى مستشفيات الحكومه صااايره بالواسطه
بس مين يسمع

حسبي الله ونعم الوكيل
إلى متى نعاني من مستشفياتنا الزفت
مستولين عليها الأجانب من اقارب الأطباء والممرضات
وحنا الله يخلف علينا

انا عانيت من اليمامة معناة الله اعلم بها من معاملة زفت وضرب وكشف رجال و و....


:(

حسبي الله ونعم الوكيل فيهم .. إنا لله وإنا إليه راجعون .. الله يعوضك بكل خير اختي العزيزه والله وايد تأثرت باللي صار لك .. اسأل الله العظيم رب العرش العظيم ان يرزقك الذرية الصالحه يارب ويعوضك عن بنتك بكل خير يارب..

يــــــــــــارب آجر أختنا أم الخمائل في مصيبتها وأخلف لها خيرا منها يارب..