قصتي مع محل روز

السلام عليكم ياحلوات
صراحة ودي انقل لكم معاناتي مع محل روز صراحة مدري وش لاقين فيه من زينه اشكاله كلها توفي وسمسم
من جد المحل سئ لابعد درجة انا جربت الفرعين كلهم الروضه مرة سقيم ومعاملته لي زي القرف مدري كني اطرهم او باخذ ببلااااااااااااااااش حتى زوجي كان معي وحامت كبده طبعا يقصد السوري اللي في المحل
ورحت قبل يومين للفرع الثاني بشارع الثلاثين الله لا يوريك يمكن الروضة ارحم طبعا زوجي قال انزلي بلحالك انا مااطيقهم قلت الله واكبر وش علي منهم اهم شي شغلي يظبط كان عندي مناسبه وباخذ منه حلى القهوة طبعا اخترت الاشكال اللي عجبتني يمكن ست اشكال والهندي وش حليله يذوقني وبسم الله نط علي السوري وقلت له ترى هذي الاشكال اللي ابيها ابيك تبيض وجهي قال اصلا انا مااطلع اي شي من المحل بكل ثقه والله يبنات اني اتصبر واعطيه على قد عقله ابي اخلص شغلي وبس ولا لو علي كان طالعه من المحل ومخليته يوم جينا للفاتورة سالت عن سعر الكيلو قال بميه قلت ليش الروضه بثمانين قال انا مدام مابنزل اي شي الاتوب وفرع البديعة ارخص الكيلو ب60اذا بدك (نصاب كل الاشكال الي عنده شايفتها وماخذه منها في الروضه)بس البديعه الشهاده لله ماشفته
ومن بكرة كلمته ابي اقلل الكميه وش بغى يسوي رفض قال الصينيه اجار مااقدر اقلل الكميه وبعد العشا ببدا اصف يعني الغي الطلب قلت لاخلاص الشكوى على الله ومن بكرة جاب السواق الصينيه الصبح وانا مناسبتي العصر
الله لايوريكم يوم شفتها بغيت اصيح حاذف الاشكال الزينه ومبدلها باشياء ثانيه وغير كذا ترتيب الصينيه مره قرو يحوم الكبد الا بيحط كيلوين ونص بالغصب صايره الصينيه متروووووووووووسه شكلها مايشهي من جد ,,,,,,,,,,:icon33: :icon33:
لا وفي الفاتورة 325وانا ماخذه بس كيلوين ونص وشلون مدري المفروض 250
والله احتري العصر عشان اكلمه واهزاه صح مايمدي بس بشفي غليلي وكل ماكلمت قال الهندي لسا مايجي خمسا دقيقه كلم ابلشته!!!!!!!!!! كلمتهيوم جيت في قلبي وش تتوقعون قالي مدام الشكل الي تبغيه جاني من المصنع وطعم الجبنه مو طيب ماحطيتلكياه مابطلع اي شي ازا بدك تعلي هلا وخذيه على حسابي والله ,,,,,,,,,نصاب ليش ماكلمني وشوله معطيته رقمي بعدين الشكل ما جاهم اصلا
والسعر قام يخربط ما فهمت بس انا غلطانه ماانتبهت وانا عنده يقول فيه شكل بربعين ريال زياده وماقالي من قبل
ويوم قلت له ليش الصينيه مليانه كذا قال مدام انتي اول وحده تقول هيك؟؟؟؟؟؟؟؟؟؟؟
طيب هذا طلبي قلت لك مابيها مليانه قال انا عندي زباين مدام والله قهرني قلت له المحل للاسف سئ ووووووو........ومع السلامة:angry2:
مدري ليش كذا يمكن عشان الناس عليهم صارت معاملتهم كذا حتى نصابين مرة باخذ منهم معجنات قالي لازم تسوين طلب قبل يوم عشان نسوي اللي تبين مثلا تشيلين الحبه السودا ووو
يوم رحت باخذ حلى القهوة قالي السوري عفوا مدام هذي الاشكال اختاري منها بس مااقدر اسوي لك الي تبين,,,,,,,,,,,