قصتي مع مرض بنتي ...ياريت تنصحوني اخواتي

ملتقى الأحبة المغتربات

السلام عليكم ورحمه الله وبركاته.....
طبعا انا مغتربه حديثا بعد شهر من وصولنا تعبت بنتي وكان الموضوع زكام وكحه عاديه المهم ما رح اطول عليكم صارت الكحه ماتجيها الا بالليل لمده اسبوعين وبعدها زادت الحاله الى درجه انه بدات تنكتم ويتقطع التنفس وينقص الاكسجين عندها مع العلم اننا وديناها للجي بي قالوا ما فيها شي والكحه وضع عادي ..المهم بعد ما صارت معها الازمه وديناها للمستشفى وكان عندها ازمه ربو والتهاب رئه وتنومنا الين ارتاحت المهم لي ثلاثه اسابيع وانا واياها منحبسين في البيت ماطلعنا مكان بعذر انه لازم ترتاح وتتعود على جو واحد الين تعدي على خير بس المشكله انها الى الحين لازم تستخدم بخاخ الفونتولين والكحه بالليل عذبتني والله ما
أدري اش الحل عاد المستشفيات هنا ببريطانيا تعرفونها اخواتي المغتربات....الله يخليكم اللي مرت بمثل هذي الازمه تنصحني استخدمت المضاد معها ولكن لما اتوقف ترجع مره ثانيه
استخدمت معها الزنجبيل والحلبه مع العسل :44:
28
6K

يلزم عليك تسجيل الدخول أولًا لكتابة تعليق.

تسجيل دخول

nono))
nono))
الله يشفيها ويخليها لك

شربيها دايم أشياء دافية ولاتشرب بارد
وبعض الاكل مثل الموز والشوكلاته والفراولة يهيج الربو
وطمنينا عليها
مناكير شفاف
مناكير شفاف
الله يشفيها لك حبيبتي

بقولك نصيحه ساعدت ولدي كثييييييييييييييير لانه برضو معاه ازما
وهي اني نظفت فتحات التهويه في البيت
ابحثي عن شركات تنظيف في بلدك
اسمها
duct cleaning
ياعمري عليه اثاري اغلب مشاكله منها واحنا ماكنا ندري



شغله ثانيه اذا بيتكم فيه موكيت اما انك شيليه واعتمدي على مسح الارضيات
او انك لازم لازم تكنسين الموكيت يووووميا لانه فيه يتجمع غبار احنا مانشوفه لكن يضايقهم مره

والله يشفي عيالنا يارب ويحفظهم من كل سوء
whitecloud-12
whitecloud-12
الله يجزاكم خير سويت كل شي حتى الجدران مسحتها والموكيت فركت فيه وبها المعقمات والمنظفات والدرايش مسحتها والله بالديتول بعد والفراش والمخدات جديده كلها واخذتها قطن اصطناعي مو ريش لاني قلت يمكن هو اللي مسبب لها حساسيه لكن ما فيه فايده اقسم بالله انها طفشانه موت من الحبسه رحمتها والله صارت تعرف لوضعها وتاخذ البخاخ بيدها وتقول علشان تروح الكحه
مناكير شفاف
مناكير شفاف
الله يعينك ياقلبي
جبتو شركة متخصصه في تنظيف فتحات التدفئه؟
لو تشوفي كمية الغبار اللي طلعتها الشركه وربي مت خوف من منظرها
لانه ماتقدري تنظفيها بنفسك لازم الشركه تسحب الغبار من كل انابيب التدفئه والتهويه من جوا الجدار

وبصراحه يابوادي انا طفشت من الموكيت كله على بعضه مشاكله اكثر من نفعه كرهت عيشتي منه مهما كنستيه يظل فيه بقايا غبار
وصرت اشيله واعتمد على كنس ومسح الارضيات وهنا في كندا اغلب الارضيات خشبها كويس بس مايبو يخربوها عشان كذا يحطو موكيت
وانا اول شغله سويتها لما سكنت شلت الموكيت لانه شفت ولدي مررره يرتاح في الغرف اللي مافيها موكيت
بس الله يعين على التنظيف اااه
The first Queen
The first Queen
الله يشفيها
إذا كان كل شي بالبيت نظيف بس تتعب فاتوقع من الجو
واحد من أخواني يتعب في الشتاء أو إذا كانت المدينه جافه
فحطي جهاز ترطيب الهوا زي هذا



أسمها humidifiers