قصتي مع مستشفى المواساة

السلام عليكم ورحمة الله وبركاته
بعد قصة الاخت نورة السبيعي اللي انتشرت في المنتيات (الله يشفيها عاجلا غير آجل)
قلت ابكتب تجربتي مع هالمستشفى
وهالتجربة من زمان وانا ودي اكتبها (بس التأجيل ومايسوي)
حسبي الله عليهم هالمستشفى
المشكلة ان مستشفى قوى الامن مسوي معهم اتفاقية
اذا كثرت الحالات عندهم في قوى الامن ارسلوهم للمواساة (ولاحظت انهم يرسلون اللي زوجها ماله مرتبة عالية او مدني مثل زوجي)
المهم اني في ولادتي ببنتي الاخيرة
ولدت عندهم حسبي الله عليهم
والله ماخلوني اعرف اذكر الله او ادعي
تاركيني لحالي
صرت بس اصارخ عشان يجيون (صارت منافسة في الصراخ واللي صوتها اعلى هي اللي بيجونها)
والله البنت خلاص شوي وتطلع وتطيح مني
ودخلت الدكتورة بسرعة والمشرط في يدها وفي آخر لحظة شقت لي
وتطلع البنت وتعطيها الممرضات وتروح تخليني ورجولي مربطة والدنيا شتا
وبعد ربع ساعة او اكثر تجي وتطلع المشيمة وتروح
وبعد ربع ساعة ثانية تجي تخيطني بدون بنج
واقولها مافيني بنج يألم
تقول الا حاطين لك بنج ومافيه الم
اقولها من اللي يجس انا ولا انتي
وتغزني بالابرة اربع مرات وبجفاسة (كأنها تولد بقرة)
وتقعد تخيطني وهي تسولف مع الممرضة بالانجليزي(ماتدري اني فهمتها) وتتشكالها من المستشفى والظلم اللي هي فيه والكرف وانها بتتركهم (تخيلوا حالتي وقتها)
بغيت اموت من البرد وتقول هذا من المغذي ولازم تتحملين (حسبي الله عليها)
ماصدقت اروح للغرفة والبس واتدفا
حسبي الله عليهم
والمشكلة الاكبر اني الى الآن اعاني من خياطها الفاشل حسبي الله عليها(ودي اسوي تجميل بس مو بكيفي)

طولت عليكم
بس هذي قصتي مع هالمستشفى المجرم