قصتي مع معاذ بن جبل

ايام الثانوية بالضبط ثاني ثانوي كنت ادرس عن هالصحابي الجليل
اعجبتني شخصيته<<<<< الاخت تخيلته وسيم وقوي :35:


طبعا كلنا نعرف هالصحابي الله يجمعنا به في الجنه يااااارب عموما من هذاك الوقت قلت ان جاني ولد بسميه معاذ عله يطلع مثل هالصحابي وعل نياتكم ترزقون

عموما تزوجت بشهر 7 السنه الي راحت وحملت على طول يعني بنص رمضان انا حامل مرت الايام وانا انتظر هالولد وكان اول حفيد لحمولتي تخيلوا الوضع الكل ينتظرة

دخلت الشهر 6 دون اي مقدمات صحيت مرة من المرات الا مويه تصب معي كثيرررررر

طيعا انا ساكنه الدلم مع زوجي واهلي بالرياض وركضه من الدلم الى الرياض مستشفى الملك خالد الجامعي
شافوني قالوا تنويم +

عموما ياحلوات قالوا خلك تحت الملاحظه + مضادات توقف الموية والف حمد لك وشكر يارب وقفت

ولكن وحده الله لايوفقها ان كانت قاصده اذيتي قالت اشربي حلبه طبعا انا بكريه وماعرف ووصيت اختي سوت لي وجابوا لي الحلبه واجلس اشرب منها

نفس الليله جاني طلق قوي طبعا انا احس وساكته

لاني ماعرف الطلق الا يوم قالت الدكتورة تحسين بكذا وكذا قلت ايه هذا الحكي من بكرة لانه بان عندهم

يوم جت الساعه 11 اليوم الثاني بالليل

على طول ارتفعت نبضات الجنين

سوولي عمليه قيصريه تخدير نصفي طلعوا البيبي وكان وزنه 1100 جرام يعني حليو لواحد في الشهر 6
وقبل كانو معطيني الابر حقت الرئة للجنين 4 مرات

سحان الله جلس عندهم لين دخل 5 ايام من الثامن ثم توفي ابني

انا جبته نهايه السادس باقي اسبوع عل السابع

طبعا انا تحطمت يعني قلت عمليه وتعبت وكنت متامله ومتفائله وصاااار عكس كل حاجه
والف حمد لك يارب على كل حال

طبعا رحت للدكتورة مراجعه

قالت لي كيف البيبي انا خنقتني العبره

قلت توفى والحمدلله

قالت ربي يعوضك يابنتني بخير
ثم قالت لي اذا مامعك بيبي عادي فكري بالحمل بعد 4 شهووووور مافي مشكله

طبعا انا ماراح احمل على طوووول لاني خااايفه مرررررررررررررررررررررررررة
قلت اذا فكرت احمل بعد 6 الى 7 شهور

لاني بصراحه ابي افرح زوجي مسكين كان يقولي متى يطلع الولد مشتاق اشيله

انا خايفه يصير انفجار برحمي زي ماسمعت لبعض البنات

او اشياء والدكتورة قالت انتي ماعندك بيبي اهتمي بنفسك كم شهر وفكري احملي

بنات وش رايكم احمل او انتظر سنه لازم
لاني احس سنه بعييييييييييييييييييييده بصراحه

تكفوووووووووووووووووون ادعولي يابنات ان ربي ييسر لي حملي الثاني ومايهم بنت او ولد

اهم شيء يجي سليم يااااااااااارب