قصتي مع نور^^من جديد كامله مكمله خخخخ

السلام عليكم ورحمه الله وبركاته

حياكم جميعا حبيباتي
واسال الله الذي جمعنا بين طيات هذه الصفحات ان يجمعنا بيوم لاظل فيه الاظله تحت عرشه على الاسره متقابلين
``امين:27:


بنات ماتعودت على القصص الماساويه
بس اليوم الشكوى لله تحملوني
واتمنى تقرون قصتي العجيبه
بكل تفاصيلها
وتعيشون معي احداثها
وتصيح منكم الدموع مثل ماطاحت مني>>>نذله خخخخ:35:

نرجع للجد``
بقولكم اول شي السبب اللي خلاني اكتب هذا الحدث الاليم اللي تعرضت له:06:
وهو الوعد اللي وعدت فيه
`نور`
اني اوصل لها معاناتها لكم يابنات حوا
نور هذي البنت
قابلتها بالحرم من حوالي 3-4شهور كنت رايحه اعتمر انا وبعلي وكتكوتي سلفته امي الله يعافيها عشان اتذوق الاجواء الروحانيه>>>
نرجع لموضوعنا°
المهم كنا رايحين للحرم بنصلي العشاء وجلست بتوسعه الملك فهد الجديده عشاني استمتع فيها كثير >>طيب وش دخلهم

ونرجع لموضوعنا°
وجلست احتري الاقامه الا جنبي وحده عمرها مابين18-17بنوته مثل القمر
قلت خليني ادردش وياها
وش بيضرني

اول شي هي طلت بوجهي
وابتسمت>>هنا احس عقلي مدري وين راح
متغطيه وشلون تشوف ابتسامتي خخخخ

ونرجع لوضوعنا°
صافحتها وخاصه تاكدت انها عربيه بعباتها وشكلها
سالتها عن حالها واخباركم واهلك كيفهم
قالت بكل رضا الحمدلله
همن هي بادرتني قالت
حزري انا من فين¿؟¿؟
اهي شكلها الصراحه شاميه على اردنيه
قالت لا
وبكل مرح واعتزاز
قالت من{جنين}
انا هنا رفعت حواجبي زين
وتعرفون خواتي وش جنين
هذي مقاطعه بفلسطين حسبي الله على الاحتلال
عزلوها العزل التام عن فلسطين
وعلى كلام البنت
ان اللي يطلع منها ويرجع خلاص مايطلع منها للابد
انا اول سؤال تبادر لذهني الصراحه
قلت نور حبيبتي وش طلعك من جنين اجل
هنا ضمينا بعض والله يابنات
حسيت فيها المسكينه
تننننرحم قطعت قلللبي

ومن هنا بخليكم معها والقصه كامله على لسانها ويعلم الله اني لم ازد حرفا على كلامها وان انقصت فهو سهوا مني

قالت لي يا امير
قصتنا قصه
طبعا اول شي سالتها عن والديها
قالت ابوها مات بالسجون الله يغفر له ويرحمه
وامها ماتت من السكر الله يغفر لها يارب
واخوهم الوحيد مات من الحمى جته الحمى وما عرفو خواته
وش يسوون له وتوفي الله يتغمده بواسع رحمته
والباقين7او8بنات
طبعا نور هذي اصغرهم
تقول لما توفي ابوهم ترك لهم بيت باسمه يسكنون فيه
وبعد وفاته حسبي اللإ ونعم الوكيل
جا عمهم باع البيت وخذا فلوسه وانحاش برا فلسطين
وجا اللي اشترى البيت وطرد البنات
يالله تقول كانت ايام صعبه جدا عليهم
ماكانو يعرفون احد
وسالتها وين المعارف والجيران يفزعون لكم
قالت هناك كل واحد بحاله كأننا يا ام امير اعداء ماكأننا مسلمين
طبعا نور واخواتها
ماتعلمو ماتعرف الا الفاتحه وباليالله الاخلاص والسور الصغار
مابتقرا ولابتكتب
تقول هناك الناس مابحبو بعضهم لدرجه مزارع الزيتون
يقومون الناس يعصرونه ويوزونه عندهم نذاله بس وانانيه
وتقول حنايالفقرا نفرح لما يجي الحصاد حق الزيتون ما اقول أحسبي الله ونعم الوكيل
وبعد تقول من السنه للسنه ناكل الخبز واختهم الكبيره تدبر لهم كيلو رز وتطبخه عند الناس ويقتصدون فيه كل 3ايام ياكلون منه,,,
وصح ماقلتلكم يوم عمهم
باع البيت طلعو المسكينات
وراحو لزي القبو تقول لاكهربا وماء ولا اناره وكانت معها ماكينه خياطه يترزقون الله فيها
تجيب لهم حرمه جلابيات ساده واهم يطرزونها والحرمه تعطيهم حقهم
تقول يوم راحو للقبو احتاجو للحمام وانتم بكرامه واظطرت الكبيره انها تبيع المكينه عشان يدبرون امور الحمام
ولكن للاسف باعوها وزادت احوالهم سوء
تقول الحين طول اليوم قاعدين بهالقبو مانطلع نخاف يكتشف صاحب القبو اننا
موجودين ويطردنا
والحين مابنعرف شو بنسوي
يالله
قلت لها طيب
ورا ماتكلمون الحرمه خلوها تعطيكم مكينه وتخيطون لها ببلاش لين يخلص الدين بعدين تصير لكم
وقالت والله حاولنا فيها وعييييييييييت للاسف والمكينه غاليه عندهم هناك
ولهم اخت تزوجت من 4سنوات وراحت لغزه وماعاد يعرفون عنها اي شي
وعرضت عليها المساعده
ولعلم يعلم الله (انها رفضت الرفض التام التام التام )بس قالت ابغى لو اوفر لو سعر المكينه ابغى نقتات عليها مابتتخيلي يا ام امير كيف هناك عايشين عز الفقر والحاجه
يالله كسرت خاطري
قلت طيب عطيني رقم حساب عشان الان مامعي اللي يكفي لما ارجع الرياض احول لك
قالت وللاسف ماعندنا ابد قلت طيب الناس اللي جايه معاهم الحمله اساليهم
قالت وللاسف
من جت معهم وما احد معطيها وجه مصادقين بعض وتاركين البنت لحالها
قلت لها
روحي للارشاد الديني
طبعا هم موجودين بلحرم بالدور السفلي
ناس يخافون الله ويحبون المساعده قالت راحت لهم وشرحت لهم ظروفها وطلبو منها اثبات المنزل او زي كذا قالت انا مامعي الا البطاقه وشلون ادبر بطاقه منزل مامعي
ورفضو قالو لازم اثبات
يالله تحطمت بقوووه
المشكله يابنات
انها المسكينه خلاص اليوم اللي قابلتها فيه اخر يوم لهم وبيمشون لجنين
والله اني يوم جيت اصلي اني بالطقاق اجيب ايه لايه تشتت ذهني وحالي يعلم به الله
ماقصرو السعوديات اللي بالحرم واعطيناه مماتجود به انفسهم الله يجزاهم كل خير
لكن العجب يوم جيت اعطيها
رففففضت ودمعت عيونها
وبعد ماحلفت عليها وقلت راح تزعليني اخذتها وفرحت مره فيها وطبعا ودعتها
وتواعدنا اننا كل ماذكرنا اننا ندعي لبعضنا
ودعتها والله يابنات يشهد الله ان وجهها ينننطق بالبراءه
اول شي قلت البنت تستغفلني او تلعب علي
لا
لا
وجها يقول العكس لما كانت تسولف عيونها مره تدمع
ومره

ومره يحمر ووجهها\


ووعدتها يابنات اني انزل قصتها لكم
وهي تسلم عليكم كثير السلام~
وعرفتها على المنتدى وانه فيه بنات كثير يدورون الخير واننا ندعي لبعضنا_
والمضحك لما قلت لها منتدى
شفت علامة استفهام¿ كبيره فوق راسها صارت ماتعرف وش النت اصلا
ايه ونسيت اقولكم وشلون جت لمكه
قالت جا تاجر اردني يعالج ولده عند معالج بجنين شاطر
والظاهر انه حلف لما يشفى الولد انه ياخذ مجموعه لمكه
وطبعا بالقرعه والحمدلله شفا الله الولد و والبنات سجلو اساميهم وطلعت القرعه على نور اختهم الصغيره لما سالتها وش شعورك قالت يالله ودي انهم معاي لحين ودعتهم وهم يبكون يالله بكتني

حتى عرضت عليها اني اصورها لكم وهي منقبه بس السوالف لهتنا°


يابنات^^^


المسلم للمسلم تكفون لاتنسون نور واهل جنين واهل فلسطين من الدعاء

نور لاتنسونها تكفون
الله يفرج عليكم يانور``
ويفتحها بوجيهكم "
وييسر لكم اموركم+
وينصركم على العدو الظالم
الله يحرسكم بعينه اللتي لاتنام"



تم بحمد الله
اختكم/ام امير