قصتي مع هالشغاله

السلام عليكم

بدخل في الموضوع دوغري

شغالتي اثيوبيه لها تسع شهور عندي من اول ما جات وانا ساكنه مع اهلي في نفس العماره انا فوق وهم تحت
انا موظفه واخاف على عيالي معاها لحالهم انزلهم عند امي وهي معاهم الشغاله اقصد
ارجع السعه 2 الظهر للبيت
هذا الوقت كله تكون هي قاعده وحاطه رجل على رجل و لاتحرك ساكن
واذا رجعت شقتي صغيره وتنظيفها ما ياخذ ساعه وعيالي مالها دخل فيهم انا اسوي لهم كل شي حتى ما يكلمونها
الطبخ انا اطبخ هي مالها دخل
انا انزلها مع عيالي عشان اذا كركبو البيت او وسخو شي تشتغل لانه وقت شغل
لا وتجيب لها الاكل امي ليين عندها تاكل وتترك الصحن بالمغسله حتى ما تنظفه
اذا امي تكنس ترفع رجلوها فوق ليين تخلص امي و تشوف التلفزيون بعد
على اساس ان هذا شغل اضافي الحين

طلباتها كلها مجابه من اول ما جات كريم شعر صابون مزيل عرق فوط صحيه ومعجون اسنان وفوق هذا لوشن لااااازم الوشن

طوال التسع الشهور الماضيه انا اصرف عليها وتتصل على حسابي للاهلها واتصالهم غالي يفصل جوالي بعدها وهي بس تقول شكرن >> وين اصرفها هذي :icon36:

امس طلبت نفس الطلبات ولأول مره اقولها بجيب لك صابون وكريم شعر ومعجون ومزيل عرق غير كذا ما عندي
جيبي فلوسك اذا تبغين شي اضافي

هبت في وجهي قالت كل شي عليك كذا قالو لي في اثيوبيا وحتى الاتصال عليك
غير كذا برجع اثيوبيا واحجزي لي بسرعه

قلت وفلوسي اللي دفعتها عشان حضرتك تجين قالت انا مالي دخل
لبي كل طلباتي واشتغل هنا وما بشتغل اي شغل اضافي

انا طيبه معاها مرررره عشان كذا استقوت
غرفتي ما تنظفها انا انظفها عيالي ما لها دخل بهم حتى غرفتهم نادر ما تنظفها انا انظفها اغلب الاوقات خاصه بالاجازة

كل هذا وهي مسيحيه تفطر بنهار رمضان عادي ولا سويت لها شي

اش رايكم اش اتصرف معاها

وهل كل الشغالات الاثيوبيات كذا ونفس الاسلوب وبس انا اللي اتشكى؟؟؟؟؟؟؟؟
انتظر ردودكم