حبيت أقولك عن قصتي مع هذا المرض
واتمنى أن كل وحده منكن تدعيلي
أن الله يشفيني ويفرج همي من هذا الداء
بداية كانت في 2-9-1430 في شهر رمضان
حسيت بألم مو طبيعي تحت صدري اليمين ونغزات كالأبر وكتمه في النفس
تبتدي معاي من الفجر حتى الساعه 11 ونص الظهر
والحمدلله
واستمر يوميا تقريبا اربع أيام متتاليه
قلت لجارتي ( أنا بعيده عن أهلي لانهم في الكويت وانا في الرياض بس الحمدلله الجوالات ماتخلي أحد بعيد لكن ربي أنعم علي بجارات أفضل من الخوات بنات أمي وأبي)
قلت لجارتي عن اللي أحس فيه قالت الله وأعلم أنها أعراض المراره
روحي لأي مستوصف وسوي أشعه صوتيه وبيعرفون )
توكلت على رب العالمين
ورحت للمستوصف وطلبت أشعه ..
أثناء الأشعه قالت الدكتوره وجود حصى بالمرارة2x2سم
ووجود كيس فوق الكليه كتله ضخمه مقاس 7x7x6
قلت نوعية الكيس بالضبط
قال الله وأعلم
لابد من أشعه مقطعيه أعمليها بأي مستشفى
توكلت على رب العالمين
ورحت المستشفى السعودي الألماني
وريتهم الأشعه الصوتيه اللي معاي وطلبت أشعه مقطعيه
عطوني محلول قال لازم تشربينه وتجين بكره للأشعه
جيتهم في اليوم الثاني سويت الأشعه وطبعا مابي أوصف الشعور اللي حسيت فيه داخل هالأشعه
احساس موحش غريب تتمنين أي شخص يكون معاك بس طبعا ممنوع
وكنت أقول سبحان الله المكان نور وشي كأنه القبر يدخلون الشخص فيه
والمكان غرفه واسعه
كنت أردد الله يحسن خاتمتي
القبر شفته وأنا حيه بالدنيا
غير طبعا الأبره اللي بالوريد يكون فيها صبغه تبين كل شي بدقه
طبعا اخذت تقريبا ساعه بهالمكان الموحش
ودي بس أطلع بسرعه
كنت أردد المعوذات والفاتحه وأيه الكرسي
ماصدقت انهم خلصوا
قلت هااا يادكتور
قال النتيجه بكره
ياربي ياثقل تلك الليله!!
رحت في الليل لأنه رمضان
قلت لزوجي خلك قريب مني
قال انتي موسوسه مافيه الا العافيه
ورحنا للدكتور
قال: ورم بالكلى
يالللله ورم ورم ورم
قالها عادي كأنه يقول فيك لوز ولا حراره بسيطه
قال زوجي والحل...قال استأصال وروح استشير كذا دكتور
سؤال واحد كان لابد له من جواب
دكتوووووووور نوعه أبي أعرف نوعه
قال ماينعرف نوعه الحين
مادري شصار فيني بس الحمدلله ع كل شي
طلعت وطول الطريق وأنا أبكي ماني عارفه ؟طيب ورم وبعدين وش الحل
رجعت لبيتي وأنا في ضيقه الله وأعلم شلون كانت حالتي
غير أني نكدت على عيالي وزوجي وعلى نفسي
ياربي لك الحمد على كل شي
طبعا بهذا نسيت المراره وماعاد حسيت بألامها
كأن سبحان الله ربي حسسني باعراض المراره بس علشان اشوف الورم
ورحت كذا مستشفى خاص اوريهم السي دي للاشعه
كلهم قالو نفس الشي
استأصال الورم مع المراره
في كل مره كنت أسأل ..دكتووووووووور نوعه!!!
قالو لي روحي سوي العمليتين بمستشفى حكومي أفضل
رحت لقوى الأمن
شافوا السي دي مال الأشعه قالوا وجود ورم بالكلى كبير مع حصى بالمراره
والحل يادكتور
قالي استأصال وسكت وكرر استأصال الكلى مع الورم مع المراره
طبعا كنت متوقعه استأصال لورم لوحده بس قال لابد من الكلى معاه لان الورم طالع من داخل الكلى اليمين
وسألته سؤال محيرني ..دكتور الورم؟؟نوعه... نوووعه
قال مانعرف نوعه الا وقت العمليه
لان مابي أضيع وقت ناخذ خزعه هو بجميع الحالات لابد ينشال
مر رمضان ....
ليالي مظلمه فيها خوف وتعب نفسي صرت أجاري الناس أسمع لكلامهم بدون ما أفهم شيقولون الا اذا قالو ورم؟؟؟
كل حواسي تلتفت وتنشغل
الحمدلله على كل شي
طبعا المستشفى حدد يوم العمليه بسرعه 7_10_1430
مرت أيام العيد علي أنا وبناتي وولدي صعبه
عيون حزينه ذابله
كل من شافني قال كبرتي اربعين سنه
قلت الحمدلله بس أهم شي اعيش لعيالي وبينهم واحتضنهم
أكمل لكم قصتي بعد دخول المستشفى بس باخذ راحه
الله يعافيكم ادعولي
أنا بحاجة الدعاء:44:
يلزم عليك تسجيل الدخول أولًا لكتابة تعليق.
جا موعد دخولي المستشفى
على طول ودوني الجناح وبدت معاي مشوار التحاليل
بس لما قالوا لازم نسوي أشعه مقطعيه!!!
ياربي من هالأشعه؟؟
توكلت على ربي ونزلت للأشعه
هالأشعه فيها تعب شوي غير اللي قبل مع انها نفس الشي
بس فيها تحكم بالنفس يطلبون أكتم النفس شوي
مره شهيييق طويل ومره زفير
قالوا لابد من العمليه باسرع وقت
بكره العمليه في 8_10_1430
طبعا تمنيت أنام لو شوي بعد الأشعه ماقدرت
ونفس الشي بالليل حاولت أني أنام بس وين يجيني النوم
دخلوني العمليه الساعه 8 الصبح وطلعت 3ونص العصر
الحمدلله على كل شي
كل شي مخدر بجسمي
يعطوني ابر مسيله للدم تقريبا مرتين في اليوم وابره بنج علشان ماحس بشي
وكنت لو احس بأي ألم أطلب منهم الابره
احيانا يعطوني وأحيانا يرفضون يقولون مو زين كثرتها
المهم كل ماشفت الدكتور قلت دكتور نوع الورم؟؟؟؟
قالي يطلع بعد اسبوع النتيجه
ومع هذا الألم والألم النفسي كانوا يقولون لابد تمشين
ياناس ياعالم وشلون امشي وانا مو قادره احرك اصبعي؟؟؟
الحمدلله على كل شي
مرت الأيام وجا اليوم اللي بطلع فيه من المستشفى
وسالته دكتور نوع الورم
قالي:شي مو كويس وانتــــهى وان شاءالله ماله أي انتشار
كنت بس أبي كلمة حميد ولا خبيث
ماقالها
رجعت لبيتي والحمدلله على كل شي
تعب جسدي ونفسي
مرت الأيام عطوني موعد بنهاية شهر 12
مرت الأيام ثقيله
رحت للموعد وسويت التحاليل
والحمدلله طمني كل شي تمام
واقسم برب البيت أني سألته يادكتور انت شلت ورم
ممكن أعرف وش نوع الورم؟؟؟
قالي:شي مو كويس واستأصل الحمدلله شي واتنهى
وعطوني موعد ب 18_5_1431
موعد تحاليل وأشعه
رحت سويت الأشعه القشره مره ثانيه
والتحاليل
و 19_5_1431 موعد عند الدكتور
رحت ولله الحمد
فتح الملف وع الكمبيوتر ساعه ساكت
وانا اذكر الله واردد ..((لا اله الا انت سبحانك اني كنت من الظالمين ))
يارب سكوته خير
ياااارب يطمني
يارب ارحمني
طول وهو يحرك الماوس على الطاوله
قلت دكتور في شي
قال لابس اني اشوف الحاله من البدايه
وبعدين طيب
قالي: في اشتباه بوجود شي مكان الكلى اللي استأصلت ومو مبين ايش بالضبط
يعني في شي
سكت وطال سكوتي
قلت دكتور:نووووووووعه نوووووووووووعه
قال: ورم
دكتور أدري ورم بس نووووووعه
قال:خــــــــــبيـــــــث
ناظرت زوجي بنظرات
يعني شفت اللي كنت حاسه انه خبيث
طلع زوجي كان عارف انه خبيث بس ماحب يقولي علشان نفسيتي
عطاني موعد للأشعه مره ثانيه بعد شهر
ياااااااربي رجعت لنفس الحاله اللي جتني برمضان
رجع الحزن
بس الحين رجع وانا عارفه انه سرطان مرض خبيث
طلعت من الموعد الساعه 3 قبل العصر كان الجو ممطر
سبحان الله أول مره من سنين يجينا مطر بالرياض كذا
طول الطريق وأنا ادعي ربي
يارب رحمتك يارب
يااااااااارب مايطلع هالشي اللي بالأشاعه سرطان
يااااااااااااااااااارب ارحمني
ارحم ضعفي
يعني بقعد على أعصابي لشهرين شهر اشاعه وبعده بشهر موعد للدكتور
يارب يارب
ياحي ياقيوم برحمتك استغيث اصلح لي شأني كله ولا تكل نفسي طرفة عين
يااارب اني اسألك العفو والعافيه
يااااارب اسألك الشفاء
على طول ودوني الجناح وبدت معاي مشوار التحاليل
بس لما قالوا لازم نسوي أشعه مقطعيه!!!
ياربي من هالأشعه؟؟
توكلت على ربي ونزلت للأشعه
هالأشعه فيها تعب شوي غير اللي قبل مع انها نفس الشي
بس فيها تحكم بالنفس يطلبون أكتم النفس شوي
مره شهيييق طويل ومره زفير
قالوا لابد من العمليه باسرع وقت
بكره العمليه في 8_10_1430
طبعا تمنيت أنام لو شوي بعد الأشعه ماقدرت
ونفس الشي بالليل حاولت أني أنام بس وين يجيني النوم
دخلوني العمليه الساعه 8 الصبح وطلعت 3ونص العصر
الحمدلله على كل شي
كل شي مخدر بجسمي
يعطوني ابر مسيله للدم تقريبا مرتين في اليوم وابره بنج علشان ماحس بشي
وكنت لو احس بأي ألم أطلب منهم الابره
احيانا يعطوني وأحيانا يرفضون يقولون مو زين كثرتها
المهم كل ماشفت الدكتور قلت دكتور نوع الورم؟؟؟؟
قالي يطلع بعد اسبوع النتيجه
ومع هذا الألم والألم النفسي كانوا يقولون لابد تمشين
ياناس ياعالم وشلون امشي وانا مو قادره احرك اصبعي؟؟؟
الحمدلله على كل شي
مرت الأيام وجا اليوم اللي بطلع فيه من المستشفى
وسالته دكتور نوع الورم
قالي:شي مو كويس وانتــــهى وان شاءالله ماله أي انتشار
كنت بس أبي كلمة حميد ولا خبيث
ماقالها
رجعت لبيتي والحمدلله على كل شي
تعب جسدي ونفسي
مرت الأيام عطوني موعد بنهاية شهر 12
مرت الأيام ثقيله
رحت للموعد وسويت التحاليل
والحمدلله طمني كل شي تمام
واقسم برب البيت أني سألته يادكتور انت شلت ورم
ممكن أعرف وش نوع الورم؟؟؟
قالي:شي مو كويس واستأصل الحمدلله شي واتنهى
وعطوني موعد ب 18_5_1431
موعد تحاليل وأشعه
رحت سويت الأشعه القشره مره ثانيه
والتحاليل
و 19_5_1431 موعد عند الدكتور
رحت ولله الحمد
فتح الملف وع الكمبيوتر ساعه ساكت
وانا اذكر الله واردد ..((لا اله الا انت سبحانك اني كنت من الظالمين ))
يارب سكوته خير
ياااارب يطمني
يارب ارحمني
طول وهو يحرك الماوس على الطاوله
قلت دكتور في شي
قال لابس اني اشوف الحاله من البدايه
وبعدين طيب
قالي: في اشتباه بوجود شي مكان الكلى اللي استأصلت ومو مبين ايش بالضبط
يعني في شي
سكت وطال سكوتي
قلت دكتور:نووووووووعه نوووووووووووعه
قال: ورم
دكتور أدري ورم بس نووووووعه
قال:خــــــــــبيـــــــث
ناظرت زوجي بنظرات
يعني شفت اللي كنت حاسه انه خبيث
طلع زوجي كان عارف انه خبيث بس ماحب يقولي علشان نفسيتي
عطاني موعد للأشعه مره ثانيه بعد شهر
ياااااااربي رجعت لنفس الحاله اللي جتني برمضان
رجع الحزن
بس الحين رجع وانا عارفه انه سرطان مرض خبيث
طلعت من الموعد الساعه 3 قبل العصر كان الجو ممطر
سبحان الله أول مره من سنين يجينا مطر بالرياض كذا
طول الطريق وأنا ادعي ربي
يارب رحمتك يارب
يااااااااارب مايطلع هالشي اللي بالأشاعه سرطان
يااااااااااااااااااارب ارحمني
ارحم ضعفي
يعني بقعد على أعصابي لشهرين شهر اشاعه وبعده بشهر موعد للدكتور
يارب يارب
ياحي ياقيوم برحمتك استغيث اصلح لي شأني كله ولا تكل نفسي طرفة عين
يااارب اني اسألك العفو والعافيه
يااااارب اسألك الشفاء
الله يشفيك يارب ويخليك لعياللك ويرزقني باالذرية وكل محرومها يارررررررررررررررررررررررررررررررررب
الصفحة الأخيرة
ربى ارزقنى الذرية الصالحة واشفى اختى الكويتية وجميع المسلمين و المسلمات عاجلا غير اجل