شكلك فرحااااااااانه في قصتك هذه

ما أقول غير اتقي الله

يعني إذا شلتي الغشوة خلاص خلي الكل يتفرج برحاته ....لا ياعيوني لازم تحرصي أشد الحرص مايشوفوكي الرجال لأنه مايجوز

ولا تروحي لقسم أو دور فيه رجال ماعندك فيه شغل ضروري يعني بس علشان تجلسي عند ربيعتك وحولك رجال وإنت مو مضطرة للجلوس والكل يطالعك

إحفظي نفسك أكثر وبلاش حركات المراهقين يااااااااااااااااي يطالع فيني شكله يحبني وتجلس تحلم فيه بعد .......شكلك إنتي اللي حبتيه مو هوه

لا حول ولا قوة إلا بالله..........آخر زمن هذا اللي أخذنها من الاختلاط كله فتن وفساد والشيطان يلعب دوره ...

ونستيييييييني بقصتكم

تبين نصيحتي
قفلي على قلبك

اللحين انتي في بدايات الاعجاب شوفي تقدرين تتحكمين بنفسك من اللحين
عشان كذا حاولي تشغلين نفسك عنه وعن حركاته ولا تطالعينه او تراقبينه وحاولي ما تجيبين سيرته
لان ممكن تتعلقين فيه ويصير مو من نصيبك
ريحي نفسك وقفلي على قلبك ولا خطبك وملكتوا ذيك الساعه فتحي قلبك له من اوسع ابوابه

السلام عليكم ورحمة الله وبركاته

اولا احب اشكر كلللل اللي ردوا بدون اسثناء ونا احترم كل الردود..صدقوني انا عارفه اني بلقى ردود قاسيه بس ماعليه...كلنا خوات..وفي النهايه ادري انكم بتفيدوني وتبون مصلحتي

بس ابا ارد على اختي واخيرا

واقول بعض التفاصيل اللي ماقلتها وماعتبرتها مهمه..وهي اللي خلت ردج قاسي علي

انا مادافع عن نفسي بس خليني اوضح صورتي بطريقه ادق لج وللخوات..

اختي انا وصديقتي اللي كلمتكم عنها...دخلونا في مشروع تدريبي نحن مسؤولين عنه...يعني لازم نتاكد ان كل موظف في المكان وصلته المعلومه واحد واحد...لان المشروع كبير ومهم واي غلطه بتنحسب علينا..

طبعا الشغل مختلط..بس صديقتي تحملتني واااايد واكثر من ماتتصورون..اتخيلوا هي كانت تشرح للمواطنين..لانها تعرف اني استحي وماقدر اكلمهم..يعني مب متعوده...

وشغلي اذا رحت طابقهم..فانا ماروح عشان بس والله يطالعوني..انا اروح عشان اكون مع صديقتي ..ماقدر اخليها وهي ماخذه عني كل تدريب المواطنين وخلتني اشرح بس للحريم...يعني بعد هي بنت ناس ونا موب قليلة اصل عشان اخليها.. عشان جي ماقدر اخليها تنزل بروحهااا..مابخليها تتحمل كل الشغل..

ولا مره ياختي نزلت بس عشان يشوفني...انا استحي ان اكلم حد والا اسال سؤال يخص شغلي..هالمره بودي نفسي بنفسي عشان يشوفوني !


ونحن ماندخل من الباب الرئيسي ندخل من الباب اللي ورى...درج الحريق...يعني اتخيلوا نهلك عشان نوصلهم بس عشان ما ندخل من الباب الرئيسي ويشوفونا..

يعني من ورا موب كلهم يقدرون يشوفون

والمكان اللي ايلس فيه بقولج ومابكذب عليج..قريب من محمد..بس انا ايلس والف الصوب الثاني..ماخليه يشوف ويهي..واذا هو تقصد وقام عشان يشوفني هذي مشكلته..هو يقدر يشتغل وهو يالس..فاذا وقف هذا ذنبه هب ذنبي انا ماقتله اوقف عشاني !


وبعدين اختي استانس والا لا...اظني فرحتي والحلم موب حرام..ولا ربج حرمه..

الحلم احلى شي عند الانسان..وبدونه مايقدر يعيش !


ونا الحين ماتكلمت عند غرب..الحين قاعده اتكلم وافضفض لخواتي...لو انا من النوع اللي انتي ذكرتيه..جان سويت نفس مايسوون هالنوعيه من البنات ولا فكرت اني استشير حد...وبسوي وبكلم وبعيش حياتي...بس انا من النوع اللي يخاف ربه..



والسموحه

الله يوفقك


شوفي يا بنتي حطي كلامي خرص بذنك

الرجال مهما كان تفكيره لابد لابد ما يروح بعيد


مهما كان .. و لو أثبت لك المستحيل

معاه او مع غيره خليكي رسمية جداً جداً

وياليت لو ترجعين تلبسين الغشوة أفضل لج

الرجال ما ينفع معه إلا تتعاملين برسميه

أنا ما أقولك زفيه !!!!
أقولك خليج رسمية .. مثل الأجانب شفتي شلون العمل عمل ؟


لو يبك .. يحبك .. أي شي ..يعرف أبوك خلاص يروح له ويتفاهم معه غير كذا لأ

وهالطريقة خليها معاه أو مع أي واحد مو شرط معاه


والله ما أدري إذا يحبك ولا لأ الله أعلم يمكن خايف منك عساس ابوه يعرف ابوك ويخاف الكلام يوصل مني ولا مني



بس نصيحة لك و للزمن

دايما خليج رسمية جداً جداً
وإياك تنساقين خلف عواطفك

نصيحة وحدة مجربة وحبيت أعطيج خلاصة تجربتي