نصيحه لك وبدون زعل خليه يطير وعطيه أشكل معتبر
ترى أنا معاي في الدوام أصناف و أشكال لا تعطينهم وجه لان حركات الصاحي واضحه وحركات الاستهبال و الاستعراض واضحه
وحافظي على نفسك والله شكلك حبوبه وطيبه
يارب ما كون ثقلت عليك بس انا اتعامل معهم كذا

(ومن يتق الله يجعل له مخرجا ويرزقه من حيث لا يحتسب)

ماتدرين يالغلا يمكن يكون هادا نصيبك
وانتي تمي ع حالك لا تعطيه وجه
الرجال يموت في البنت اللي ماتعطيهم وجه
ولا تنسي انه ابوه جاركم يعني كل حركه منك
بتوصله والله يسعدك ويختار اللي فيه الاصلح

السلام عليكم

تسلمووون خواتي على الردود...ونا ان شاء الله عند كلمتي...حتى اليوم كان المفروض اروح قسمهم بس خليت وحده ثانيه تروح..اي شغل من قسمهم اخلي ربيعتي تروح..هههههههه...

اللي فيه الخير بصير...ونا الحمد لله اشوف نفسي احسن اذا ماسرت قسمهم وشفته...يعني انساه شوي ^^

......................

عهودتي...حياااتي والله ههههههه ضحكتيني...هيه والله حلو الواحد يحب..ويكون الحب طاااهر وشريف..بعيد عن الموبايلات والعلاقات..والمصايب اللي يسوونها شبابنا هالايام الله يهديهم..

بصراحه اشوف هالحب من النوع اللي كنت احلم فيه..الحب الطاهر..الهااادي والبعيد عن الحرام...الله يكتب اللي فيه الخير لنا ان شاء الله ويسعد كل بنات المسلمين..


وبكتبلكم مواقف زياده تذكرتهاا...للي تحب تقرا هههههههه <<== ماصدقت حد عاطنها سالفه


................

في موقف انا سويته حسيت نفسي نفس الهبله ههههههه...شوفوا بيني وبينكم انا تيني حالات اذا انصدمت من شي او حد طلع في ويهي بسرعه وموب وقته..ممكن اتشوفوني اطالعه مستغربه فتره عقب استوعب...

وهذا اللي صار معاي...شغلي اول ماشتغلت في الشغل الثاني...كنت اروح الطابق اللي فوقنا (يومين في الاسبوع) اتاكد ان قاعه الاجتماعاات يشتغل فيها الكونفرنس كول

المهم هذا الطابق كله قاعات اجتماعات...يعني فاااضي..المهم ييت وناا واااثقه فتحت قاعه الاجتمااعات بدون حتى لا اتاكد اذا في حد او لا..ودخلت..حسيت في اخر القاعه حد يالس لفيت..تخيلوا منو كان؟

هيييييه محمد هههههههههه...هذي اول مره تي عيني في عينه..مع ان تخيلوا كنا في التدريب 3 ايام جدام بعض وفي ويهه ولامره التقت عيونا..لاني دايما يا اشوف المدرسه..يا اكلم صديقتي..

المهم عاد تخيلوا ويهي..شفته وهو رفع راسه شافني..تميييناا امتنحين انطالع بعض...هو شكله مستغرب ليش انا هني..وسااااكت مانزل عينه.. ونااا الهبله اطالعه..اقول في خاطري منو هذا ومن وين يا وشو يسوي ووين انا...(اتخيلوا كل هالاسئله في راسي. ونا اطالعه...عقب قلت في خاطري لاااااااااا ياربي هب محمد لااااااااااااااااااااا يا ربي لاااا ههههههههههههه <== وهني بديت استوعب

طبعا الوقت تقريبا كان 5 لين 7 ثواني ونزلت راسي بسرعه عالارض وسلمت..بعدين هو حس بعد وارتبك..و عشان يخفف حده الموقف قعد يكح..ونزل راسه وقال وعليكم السلام..وتم يقول احم احم...يتنحنح اونه ...عاد انا وين القط ويهي..طلعت ونااا مستويه نااااااااار من المستحى هههههه

واللي ضحكني عقب ان تذكرت اني شايفه نفس موقفنا في فيلم من الافلام هههههههه

.....................

وفي مره كنت في قسمهم اودي شي لربيعتي هناك..وحده كنت اعرفها..المهم ربيعتي اللي دايما معاي قالت بسبقج للفت..قتلها بيي ثواني...وهو قام من كرسيه وراح صوب الباب اللي بطلع منه بس اونه يكلم ربيعه وربيعه كان يالس.. ..وهو صاد صوبي..والمسافه قولوا بينا تقريبا 10 امتار..المهم خلصت ولفيت بروح صوب اللفت..ولمحته ولا خليت نفسي اشوفه ..مشيت ومنزله راسي عالارض...وهو يشوفني من عند ربيعتي لين ماوصلت ربيعتي الثانيه اللي واقفه عند اللفت...ويوم وصلت عند ربيعتي الثانيه..قالت يابوج انا اقرا عليج عن تطيحين جدامه بس هههههه...
..................

مره بعد كنت في نفس هالطابق..اللي فيه اجتماعات..وكنت مخلصه..واتريا اللفت عشان انزل..المهم منو طلع في ويهي..محمد وربيعه واحد ثاني (موب خالد) ..اول مافتح اللفت هو كان يكلم ربيعه..واول مالمحته نزلت عيني بسرعه..هو لف..وانصدم..واتخيلوا ياي بيطلع ربيعه من اللفت وهو طلع في النفس الوقت..وادعموا بعض جدامي ههههههههههه.....عقب ربيعه سلم بصوت عالي..انا رديت السلام..
وطبعا عساس يدخلون الطابق في باب عقب اللفت لازم يدخلونه..هو مر وحط ايده على مقبض الباب..عشان يفتحه..اتخيلوا مافتحه وربيعه وراه..ونا اتريا ربيعه شوي يبتعد عشان اركب اللفت..وربيعه تم يكلمه..ونا اشوفه في انعكاس اللفت قبل لا ادخل انه صاد
صوبي يطالعني ومطنش ربيعه ! هههههههههه



واذا تذكرت شي بخبركم ان شاء الله

اختكم

^^

امتعتينا الله يسعدك ويكتب لك الخير