اولا انا ماراح أتكلم عن علاقتج بولد عمج قبل الزواج لان كلنا ندري انها حرام وشي صار وانتهى واخذي العبرة منه

ثانيا انتي ليش محتقره نفسج لهدرجه وودج في واحد باعج؟!!

صدقيني لو هو صج يبيج و شاريج ماراح يصرف النظر عنج و بيحاول يصلح الامور ويهدي النفوس بين امه و امج كثر ما يقدر واصلا ما يفكر نهائيا انه يتركج

لكن بسم الله بظرف اسبوع انقلب وباعج!!!! بدون ما يحاول حتى ينطر اشوي لين تهدأ امه !! والله هذا ما ينزعل عليه و خيره لج

شي ثاني ، مو معنى انج ما صار نصيب مع ولد عمج تروحين تقطين نفسج علي اي خاطب حتى لو ما يناسبج ، استخدمي عقلج اول مو عاطفتج وابعدي المقارنه بينه وبين واحد باعج وأحكمي علي هالخاطب شوفي أخلاقه و دينه و طريقة تفكيرة وأسلوبه مع أهله وأصدقاءه اذا شفتيه بناسب كملي و صدقيني راح تحبينه اذا صفيني النيه واذا كلش ما يناسب لا تخربين حياتج بيدج

ولا تنسين اهم شي الصلاة والدعاء. ان ربي يزيل همج و خاصه احنا في ايام مباركة

بغض النظر عن قصة الحب والالم اللي بداخلك
بس اذا خطيبك مو مرتاحة له كلش
استخيري وافسخي ولاتغصبين نفسك على واحد ماتبينه
بس فكري بعقلك ولاتظلمين ولد الناس هو مو كويس لانو مو مثل ولد عمك؟
ولا مو كويس بصفة عامة؟
ولد عمك مو مقياس ومو نموذج العريس اللؤطة
اذا تكرمتي عددي لي مساوئ عريسك
1
2
3
ونقدر نحكم كلنا هي عيوب محتملة ولا لا
لكن اللي قاعد يصير غلط وحرام
انتي بعصمة رجل تاني
ولاترضين لغيرك اللي ماترضينه على نفسك
انتي الغير قتلتك على شخص كنتي تحبينه ومافي بينك وبينه عهد الله
فما بالك بخطيبك الحين اللي انتي ملكه وحلاله ودخل معك بنية صافية
لو درى او شك كيف بيكون احساسه بتقتلينه !
نار ذوقناها لانلسع غيرنا بها
حراام علينا
ان كان انتي انظلمتي من ولد عمك لاتظلمين غيرك وتجلسين بحوبته العمر كله
قرري
عقلك معك
والله يريح قلبك ويختار لك ولا يخيرك

كل شيء سار خيرهـ والحمدلله انهآ انتهت على كذا وهذآ آلانسان لو كان يحبك ما تخلى عنك


وحاول يصلح الامور بين العائلتين و مايستاهل مجرد تفكير فيه وليش تحقدين عليهآ إلا الله يعينها على الانسان هذا انا ما اعرفه ولا

ابي اظلمه لكن الموقف اللي سواه معاك جدآ اناني ..: (


خطيبك لآتفرطين فيه وحبيه وآفكارهـ رآح تسير زي افكارك بس اصبري وان شاء الله ربي يوفقك معآه ولآتخلين مجال لحياتك انهآ تخرب بسبب هذا الانسان ..

والعلآقه اللي كانت بينكم حرآم من بني على باطل فهو باطل ..


اتمنى انك ماتكونين زعلتي من كلآمي بس والله ابغآلك الآحسن والله يريح بالك ..

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} }.

مابني على باطل فهو باطل
غلطتك من البدايه خنتي ثقة اهلك فيك وكلمتي رجال غريب عنك
ما اشفق عليه هو خطيبك
حاولي تكفرين عن خطائك وتركزين على خطيبك وحياتك الجايه ربما يحالفك التوفيق
زوجه ابن عمك لا ذنب لها فلا تفسدي عليها حياتها