قصتي مفرحه وبنفس الوقت محزنه ادخلو اقروها

بنات اناعندي ولد معاق اسال الله ان يشفيه بسبب تعسر الولاده لاني بكريه تعسرت ولادتي المهم جلست بعد ولدي سنتين اتعالج ابغى اطفال وابغى ولد لعله يكون عون لاخوه ويخفف من حزني على ولدي المهم بعد السنتين حملت بكلوميد وابر وتعب حملت وفرحت مره وصار اللي في بطني بنوته قلت الحمدلله قبل كنت ادور الحمل واللحين الله رزقني المهم بنات ولدت في شهر سبعه اللي فات وجبت بنوته مثل القمر صحيح حملها تعب لاكن صبرت وظفرت واللحين عمر بنتي خمسه شهور ونص قالي زوجي الشهر اللي فات اتركي الحبوب المانعه نفسي في اطفال كثير ونفسي في ولد مع انه يموت في البنوته اللحين قالي اتركي الحبوب على بال ماتعطيك مناعه شهرين او ثلاثه او اربعه وبعدين قالي انتي ماحملتي ببنتك الا بالكلوميد ليش تاكلين حبوب تضعف مبايضك زياده المهم تركتها الشهر اللي فات وجلست انتظرها الشهر هذا تنزل وعدى وقتها خمسة ايام وانا هاتك اكل رشاد وزنجبيل وكنت اسوي رجيم ونفسي ينزل وزني عشره كيلو المهم عدى الان على دورتي عشرة ايام واليوم الفجر حللت بالتحليل المنزلي وكنت بدورة المياه واقول ياربي مايكون حمل الا بعد اربع شهور تدرون وش طلعت النتيجه طلع خطين مره واضحه معناته حااااااااااااااااامل طلعت لزوجي وانا ابكي وهاوشني فال لاتعترضين على قضاء الله انتي كنتي تدورين الحمل واللحين تحملين بدون ادويه وهو مره فرحان وانا جاني حزن شديد تدرون ليه اولا بنتي صغيره ثاني شي وزني مازال مرتفع ثالث شي وش يقولون الناس وبالذات امي واهلي وخالاتي وعماتي بيقولون ماامداها بنات قولولي وش اسوي ومتى اقول لامي اني حامل لان اذا عرفت امي راح يعرفون الناس كلها وانا خايفه عل نفسي تكفون وش الحل والله انا اكتب وعيوني غرقانه دموع