( قصتي ) مليييييت من جلوسي بالبيت بدون هدف بحياتي :'( :(

السلام عليكم ورحمة الله 




اليوم بقولكم سالفتي أو مأساتي ومعاناتي لاني خلاص بجد مليت وحابة أفضفض لكم :'( بس أعذروني ااذا طولت وأنا والله ما جيتكم من بعد الله إلا وأبغى شوركم وتوجيهكم لي وأنتم أكيد تحبون لي الخيرر وماراح تبخلون علي أن شاء الله وثقتي فيكم كبيرة ..  





عمري 26 سنة وماخلصت الثانوية مع اني متفوقة جدا درست انتساب لأن فيه مشاكل بهويتنا وأوراقنا ف ماقدرت أكمل انتظام ف دخلت انتساب وحتى بالانتساب ربي ما كتب أكمل 
 انقهرت وبكيت بس حكمة الله فوق كل شيء  



تقدم لي عريس عايش بكندا أبوي رفض وقال بنتي ما تروح لبلاد الغرب ولين الحين أمه 
إذا فيه زواج وتقابلنا ماتنزل عيونها عني أحسها تتحسر وربي 





جلست بالبيت 4 سنوات ودخلت تحفيظ قران سنة حتى مأكملتها وجلست مافيه أحد يوديني وممنوع أروح لحالي مع أنه شوي قريب 





  صح بتقولون لسة صغيرة والحياة قدامك ومن هالكلام بس والله حأسسة أن عمري فوق الخمسين سنة أنا بشر ياناس إذا فضفضت لامي تزعل وتقول إيش بيدي أنا :(
 
وصرت اكتم لين يوصل حدي واقفل على نفسي وابكي واصلي وإقرأ القران لين أهدى 




تقدم لي عريس ثاني من جماعتنا بس من بعييد وعارف ظروفنا وقال لأبوي أنا بزبط أوراقها وكل شيء وامه حرمة طيبة ومرة حبتني جلست 8 شهور معلقة معهم لاخطوبة رسمية ولا فسخو الخطوبة لين طفشوا وراحوا 
امه قالت لي تمنيتك لولدي والله 

وعرفت بعدين أن أبوي كان يبيني لولد عمي( صح وسيم وطيب بس حق بنات ومايغض البصر أبدا ) 

 كنت ادعي ربي أن مايتم خطوبتنا أمه كلمت أمي ع أساس الخطوبة وكذا واخته كلمتني بس رفضت وقلت لاخته سبب رفضي خطب بنت خالته وابوي زعل !! 
طيب صح أنا بنته وخايف علي بس ليه يفرضني عليهم ؟ .. تزوج ولد عمي وربي رزقه بولد والله يسعدهم ويشهد علي ربي إني ما أتمنى له إلا الخير وبسس 


 





وبكذا لاشغل ولا مشغلة ماغير تنظيف وأكل ونوم بالبيت حتى جمعات زي الناس مافيه وإذا بنطلع نطلع بطلوع الروح ومن سنة لسنة وأخواني مايقدرون جلستنا بين أربع حيطان وساكتين نشحتهم عشان يطعلونا يقولون لامي لا تعلمينهم ع الطلعات « مستخسرين علينا وناستنا !!


 اشوف البنات يطلعون ويستأنسون مع بعض بالملاهي واللي بجامعتهاا وأنا دافنة عمري بالبيت تصدقون حتى أغراض زي باقي البنات ماعندي 
وساكتة وما اطلب ..  





فيه دار لتحفيظ القرآن بجنبا يبون معلمة رياض أطفال رحت له وقبلوني بس طلبوا مني أوراق وأنا طبعا ماعندي جلست ف البيت وإصلا رحت أداوم أسبوع واحد وأخوي طلعلي عظمة بالبلعوم ماعندنا بنات يشتغلون ومابتروحين قلت له أبوي ولي امري وجلس يوز برأس أمي وماتوفقت 





جلست بالنت أبغى أثقف نفسي اشغل وقتي بأي شيء مفيد واستفيد منه مافيه !!!! 
قلت بحفظ القران بالبيت لحالي ماقدرت مافيه تشجيع والنوم مخربط واالكسل يلعب دور
حتى طفشت من برامج التواصل الاجتماعية من قروبات ومدري إيش وانقطعت عنها لأنها صايرة مدمنه عليهم ووقفتهم كلهم   






تصدقون أمس مر علي سؤال إيش طموحك وهوايتك ؟ 
جلست أفكر بيني وبين نفسي طلعت من جد زيادة عدد بهالحياة لا هدف لي ولا شيء أبدااا 


 
دبروني وربي مليييت ماني عارفة إيش إسوي   
اختنقت صرت معلقة كل آمالي بالزوج هو اللي بيحل كل مشاكلي وهو قشة النجاة 
شفت مواقع خطابات وكذا سجلت قلت يمكن :/ 

 
جاتني 3 عروض كل وحده إحلى من الثانية من ناحية الدين والأخلاق والشهائد 



وأول ما اصلي استخارة تتفركش يأررربي تصوروا لوين وصلت كلهم تفركشواا ! 



يعني كان لي شر وبعد الاستخارة ربي ابعدها عني حذفت حسابي وبطلت مع إني كنت رافضة الزواج والمسؤولية وهم الزواج بصفة عامه قلت أجرب حظي بهالموقع ..  


 
صحيح ربي منعم علي وعلى أهلي بالصحة والعافية وماحرمني منهم وكل ليلة أشكر ربي على فضله علي وصابره .. 




مدري بس أبغى إسوي شيء مفيد لي وللمجتمع اللي أنا عالة عليه هههههههه أكيد كل وحده عندها همها اللي مكفيتها واحنا هنا عشان نساعد بعض 



بنااااات هذي حياتي باختصار لا تبخلون علي بِ مسسساعدتكم ودعوااتكمم الصادقة لي إذا قريتوا موضوعي أن الله يفرح همي ..  


  سبحانك اللهم لا إله إلا انت استغفرك و أتوب إليك ~