انا تتزوجت من قبل5سنوات
وبعد 3 شهور حملت
بس ربي ماكتب لي انه يستمر
وتعورت وطاح الحمد لله كله من غير ماسويت عمليه
تنظيف وصرفت لي حمض الفوليك اكلته لمدة 3 شهور
والحمد لله ربي منى علي وكتب اني احمل
لاني اموووووووت في الاطفال ومن يوم ماتزوجت
كنت اتمنى احمل لاني احب الصغاااااااااااار مررره
المهم حملت وفي الشهر الثالث نزل مني نقط دم
خفت ورحت ع طووووول الاسعاف وصرفت لي
مثبت لمدة 3 او5 ايام مااتذكر
المهم الحمد لله حملي استمر
وكان الحمد لله والشكر
مستقر وكل شي اوك
وجت الولادة وكاي بكر تاخرت
يعني اخذت اسبوعين من العاشر
بس الحمد لله والشكر ربي سهلها
وولدت بنوتي الحلوة اللي يحفظها لنا
ويصلحها
جبتها الحمد لله طبيعي
والحين عمرها بسم الله عليها 4سنوات
المهم
يوم كملت بنتي سنة و7شهور
حملت قبلها بشهور انا تركت المانع عن قصد
لان ودي احمل اجيب لها اخت او اخ
المهم
حملت
وال4شهور
كانت جدا طبيعيه
المهم
انا اتابع في مستوصف حكومي
والمواعيد حقت الحمل كل شهرين
المهم ماسويت اشاعه ابد
ولا اخذت حمض الفوليك قبل الحمل
مااخذته الا بعد ماحملت بشهر
المهم
جاء موعدي بداية الخامس
وهي اول مررررره اسوي فيها اشاعه
انا قبل كان قلبي معورني حسيت ان حملي فيه شي
وقلت لزوجي هاوشني وقال تعوذي من الشيطان
رحت للمستوصف ودخلت اسوي اشاعه
الدكتور تغير شكله
وانا احس قلبي بيوقف من الخوف وانا بس اناظر في الدكتور وهو يتافف وينافخ
وطول ماهو يحرك الجهاز ع بطني وعيونه ع الشاشه
يردد البيبي مشكل
البيبي مشكل
انا خلااااااااص بيوقف قلبي
وزوجي اطالع فيه مبسوط يطالع في الاشاعه
حسيت ان زوجي ماحط باله لكلمات الدكتور
المهم قال الدكتور كلية البيبي فيها مشكله
متضخمه
انا عيوني دمعت ودي ابكي بس مستحيه من الدكتور وزجي
كنت داخله عليه بسأله الطفل ولد او بنت
وطلعت وانا اتسأل الطفل بيعيش او يموت
رجعت من المستشفى وحولني ع مستشفى كبير برضو حكومي
ومريت ع اكثر من دكتور
وكل واحد يقول لي كلام يرفض الضغط
تصدقون يابنات اني اروح لهم
واذا كشفو يقلون الى الان مامات
تعبت تعب نفسي مو طبيييييييييييعي
الكل يروح لموعدهم علشان يتطمنون ان الجنين بخير
وانا اروح علشان اشوف هو مات او لسا
صدقوني كنت اتمنى انه يموت لاني تعبت
من جد وربي تعبت
لان كل كلام الاطباء
انه مستحييييييييييييييل انه يعيش
يقولون ماراح يطول
اسبوعين شهر بالكثير
وراح يموت
بس كل مااروح لهم ويكشفون علي
يقولون سبحان الله الجنين ينمو
مع ان مافي حوله مويه الا شبه قليله
وكان نموه طبيعي جدا
بس المشكله ان مافي مويه حوله
والكلى متضخمه مرره
فيها تكيسات
المهم
عشت ع امل انه يعيش
لانهم قالو غريب حملك
ان مافي مويه
والجنين خالي من التشوهات الخارجيه
بس عنده تضخم في الكلى
قالو المفروض انه يتوقف نموه لانه
مافي مويه حوله
المهم عشت معاناة وكوابيس
خلال4شهور ونص
عشت بتعب نفسي وهم الى الاسبوع الثاني
من الشهر التاسع
الجنين لم يكن يتحرك
كان بس من الشهر الثامن بس يتحجر
كاني احس براس الطفل
بس حركة ابدا لم احس
مجرد نغزات بسييييييطه مره زي النبض
قلت للدكتورة قالت طبيعي لان مافي مويه
المهم الدكتور المسئول عني قال ترا راح يموت الحين او بعد الولاده لانه ماراح تنمو الرئتين بشكل طبيعي
لان مافي مويه
قال نزليه اسوي لك اجهاض
اجيب فتوى من شيخ متساهل ونجهضه
انا سألت وقريت انه
حرااااام
وانها قتل نفس
قلت
لاااااا
ماراح اجهضه
راح اصبر وان شاء الله ربي راح يخيب ضنكم
ويشفيه لي
المهم جاء موعد الولادة وكان عندي موعد
وكان معاي طلق
جااااااني احساس غريب
كان موعدي الساعه 3 الظهر
مانمت يومها كنت خااااايفه
والنبض اللي كنت احس فيه اختفى
قلت ولدي مااااات اكيد مات
تخيلو وضعي فيني الطلق
وكنت تفكيري ان طفلي مات
المهم ماصبرت
قلت بروح للطوارى بس بشوف هو حي اولا
رحت وقلت للدكتورة بس ودي اسمع النبض
قالت اوك
وحطت الجهاااز وجلست يمكن لها شوي تروح بالجهاز يمين ويسار
وانا هنااا خفت
قلت مات ولدي
بس جاء ع بالي شي
ان جنيني مقعدي
لاني من يوم حملت وضع الجنين جالس
رجوله تحت
وراسه فوق
وبسبب قلة المويه ماتعدل وضعه
وع كلام الدكتور انه مستحيييييييل يتغير
لان مافي مويه تساعده
المهم
قلت للدكتورة ترا الجنين مقعدي
قالت اهااا
ورفعت الجهاز فوق
وسمعت النبض
وربي بغيت اقوم ارقص من الفرحه خخخخخخ
قلت الحمد لله
قلت خلاص بروح للبيت
قالت انتي معاك طلق
قلت ايه الم بسيط
وجيتكم قبل امس علشانه
قلتو طلق كاااذب
قالت اجل خليني اشوووف
وشافت
قالت ولاده
قلت اييييييييييش
وين ولاده
قبل امس قايلين لي يبيلك اسبوعين
وينفتح الرحم
قالت الرحم مفتوح 5سم
قلت عندي موعد
بعد الظهر
برووووح وارجع الساعه 3
قالت لااااا ممنوع
اطلعي فوق
وانتي عارفه انك عمليه لان
الجنين مقعدي
قلت ايه قال لي الدكتور اني عمليه
لان الجنين ماتعدل وضعه
قلت توكلت ع الله
جاني الدكتور وقال
تبين تحاولين تولدي طبيعي
بس ع مسئوليتك
قلت لاااااا
اخاف يصير للطفل شي
وهو اصلن تعبان
قال براحتك
دخلت العمليه
ماااات طفلي بعد الولادة
والسبب كان سدد في الجهاز البولي
والرئتين لم تكتمل وصار فيها تشوهات
الحمد لله ع امره
لي سنة و8شهور مسويه العمليه
وخاااااايفه من الحمل
ومن القيصريه مره ثانيه
وخاطري احمل
لان بنتي الله يصلحها صار عمرها 4سنوات
واحسها تحس بالوحدة
ودايم تقول مااما
جيبي لنا نونو
العب معه
وارضعه واحطه في حضني
خاصة اذا شافت الاطفال اللي بعمرها
عندهم اخ او اخت صغار
تكفووون عطوني رأيكم
وادعووووووولي من كل قلبكم
ان ربي يرزقني فالحمل السليم المعافى
ويفرح قليييب بنيتي بااخ او اخت يااااااااارب
لاني خايفة من الحمل انه يتكرر نفس وضع ولدي الله يشفع فيه
هل ممكن ان انجب طفل سليم بعد طفل مشووة
نــدووشي @ndooshy
محررة برونزية
يلزم عليك تسجيل الدخول أولًا لكتابة تعليق.
هند1931
•
قلبتي المواجع علي .....:i:icon33:..انا تقربيا زي حالتك لكن انا اكشتفوا التشوه بشعر 4 وكان عنده استسقاء في راسه وكليته وبطنه آآآآآآآآآآآآآآآآآآآآآآآآآآآآه.........الله يرحمه ويعوضني بالحمل السليم المعافى........المهم انو قالوا الاطباء انه ما راح يعيش ونفس كلامك قالو نجهضك لكن رفضت وسبحان الله في الشهر 8 نزلت مويات وتمت الولاده ......وتوفي رحمة الله عليه بعد ساعتين .........اسأل العلي القدير انه يعوضني ويعوضك بالحمل السليم المعافى ...ويرزقنا برهم ....آآآآآآآآآآآآمممممممممممممممممممممين:44::44:
نسمة دلع
•
حبيبتي توكلي الله من توكل على الله فهو حسبه
ان شاء الله يرزقك ربي بطفل سليم معافي يسعدك ويسعدبنت
موشرط أنك جبتي طفل مشوه أن كل الحمل راح يكون زي كده توكلي على الله وفوضي أمرك اليه
الله يوفقك ويسعدك أن شاء الله
ان شاء الله يرزقك ربي بطفل سليم معافي يسعدك ويسعدبنت
موشرط أنك جبتي طفل مشوه أن كل الحمل راح يكون زي كده توكلي على الله وفوضي أمرك اليه
الله يوفقك ويسعدك أن شاء الله
RAGD
•
حبيبتي احتسبي الي راح عند الله ويكون شفيع لك يوم الدين ... وتوكلي على الله والزمي الاستغفار والدعاء وان شاءالله ربي يرزقك بطفل سليم معافا تام الخلقه ولا يوريك مكروه فيه .. ولا تتعبي نفسيتك اهم شي ...وحاولي تنسي وتخففي على نفسك ....حبيبتي احتسبي الي راح عند الله ويكون شفيع لك يوم الدين ... وتوكلي على الله والزمي الاستغفار...
اختي الله يجبر مصيبتك ويعوضك بالولد البار من رايي انك تكررين التجربه ولاتخافين وتوكلي على الله ثم ابذلي الاسباب من كثر الصدقه والاستغفار والرقيه وانك تكونيين على وضؤ دائما واذا تذكرتي مصيبتك تكثرين من قول سبحان الله والحمدلله ولااله الا الله والله اكبروشكر الله على مااصابك والثناء عليه وعدم الجزع
الله يرزقك بالذريه الصالحه
الله يرزقك بالذريه الصالحه
اسال الله العظيم رب العرش العظيم ان يرزقك بالحمل السليم عاجل غير اجل امين يا رب
عليكى بالدعاء والاستغفااااااااااااااااار
عليكى بالدعاء والاستغفااااااااااااااااار
الصفحة الأخيرة
وتوكلي على الله والزمي الاستغفار والدعاء وان شاءالله ربي
يرزقك بطفل سليم معافا تام الخلقه ولا يوريك مكروه فيه ..
ولا تتعبي نفسيتك اهم شي ...وحاولي تنسي وتخففي على نفسك ....