قصتي واكتبها لكل من حرمت من اطفالها

بسم الله الرحمن الرحيم

عزيزاتي اليوم اكتب لكم قصتي والمي وعذابي وسبب ذلك انا امس شفت قصه وحده تشتكي ان زوجها حارمها من بنتها حتي التلفون ماتكلمها ونسيت اسمها بس صراحه ذكرتني بلي مضي

وانا عضوة قديمه بس كتبت بمعرف جديد حتي محد يعرفني من العضوات

مدري من وين ابتدي

بس اقول من البدايه وسامحوني علي الاغلاط لاني اكتب من غير ما اراجع واكتبها كلها لاني ماحب المط وتابعوني الجزء الثاني
ودي كان اكتب مثل ما اقرا من البنات في الورد مدري شنو بس للاسف ماعرف

لذلك بكتب وراء بعض وان شاء الله اقدري لانها قصه 35سنه هي عمري وصعب اني اختصرة بصفحتين بس بحاول

امي كويتيه وابوي سعودي هم عيال عم بس من الام فهمتوا
المهم

ابوي تزوج امي وهي يتيمه الام وعمرها 15 سنه

وجابتني وبعدي ولد بس

مات لحكمه من الله

وبعدي جابت بنتين

عاشت امي مع ابوي واهله كلهم وكانت جدتي تكرف امي وجدتي من العجز الاولايات الي لاطلعه ولادخله يعني امي انحكرت من ابوي الي ماكان يطلع امي ابدا ابدا

لاهي بعمرة بس سفرات وطلعات وكان عنده بيت بس ماجرة

ومانع امي لاتروح لحد وبحكم ان اهلها في الكويت من سنه لسنه تروح لهم

وكان ظالمها ظلم كبير

كانت كانها خادمه تخدم خواته الي ماتزوجوا واخوانه 2الي ماتزوجوا وفيه عمي اخوابوي متزوج قبل ابوي وعنده اعيال بس عايش بلحاله في بيت

واول مافيه شغاله ولاشي

حتي السوق ماتروح له الا لضروره القصوة

يعني تقوم تخدم عمها وتقهويه هوالي هوجدي وجدتي

وتنظف وتغسل والبنات عماتي كنهن اميرات مايسون شي

وكان ابوي يضرب امي اذا اشتكت

وتدور الدنيا وابوي همه السفر لتايلندا ودول اوروبيه وابوي كان

مهندس معماري في احدي الشركات الكبري

وامي كانت صابره علي الضيم والكرف والضرب علشانا

وماكانت تشتكي لابوها

بس ابوي بعد 8سنوات فكر بزوجه ثانيه اوبمعنا اصح

شبع من السفر والدوجه والمراهقه

يعني يوم خذا امي عمرة20 ولمن صار 28عقل

بس قال ابي مرة جديده

ابي افتح بيت لان امي تقولون كانها تسليه عند اهله لين صحصح
وعقل

خطط وهو وخواته

وقال لامي روح لاهلك زيارة

راحت امي للكويت

وقلبها ناغزها

اسبوع ارسل ورقتها

انقهرت ماتت الاشي

وين تضحيتي وصبر وخدمتي لك وهلك

واين تعبي وسهري علي راحتكم

وين صبري عليه

ابوي ليومكم هذا تعدي 60 مايصلي

وامي راعيه دين وصلاه يكفي ان ابوها امام مسجد

وساكته من كفره وظلمه اشياء اخري ماقالتها شافتها منه

لانهاماتبي تشوه صورت ابوي

المهم كنا بعطله وكنا مع امي يوم يطلقا كنت في3 ابتدائي واختي باول

المهم

ابوي مااهتم فينا عادي نجلس عند خوالي في الكويت

بس جدي ابو ابوي حلف علي ابوي انا نكون في السعوديه

وقال الابناتك تجيبهن من الكويت يجلسون عندي انت كيفك اعرس بس هم لايعيشون

عند الكويتين الله يهديك ياجدي ماقلت شي يوم طلق امي والحين تكلمت

الله يرحمه


المهم تري جدي وجدتي مارضوي ان ابوي يطلق امي لان امي

كانت اجودديه عندهم وحافظه سر ولدهم لان ابوي شكله راعي بلاوي وهم يدرون بس امي


لالاامانه ماقالت لنل لليوم هذا البلاوي الي شافتها من ابوي

احترام للابوة اخنا درينا بطريقه الطلاق وبس

المهم رجعنا لسعوديه


اه اه اه اه

من الفراق


الله كنت ابكي وامي تبكي

وخواتي يبكون وهم يسحبونا

وانا اقول ابي امي

لاتحرموني منها والله والله الحين ابكي

لاني تذكرت المواجع والالم

طبعا رجعت

لبيت جدتي وعماتي صخيخ ماكنت ادري انهن مخططات

لزواج ابوي


لان امي احن قلب ماقالت لانا ماتبينا نحقد عليهن شفتوه طيبه امي

المهم


عشنا مع جدي وجدتي الي كانت كارفه امي كرف ومخليتها تخدم بناتها وكانت تعطي ابوي النشره عن امي واي غلط تسويه تعلم امي

مثلا امي محبوسه ياناس كانها في سجن واهلها كلهم في الكويت
كانت اذاهوفي الدوام يعني مرة سوتهاولادري انهاراحت لجارتهم

ومن الضيقه والحبسه

راحت ترفه عن نفسها شوي

الضحي تغير جو طبعا ابوي مايدري

من اول مادخل العصر من الشغل من علمه

طبعا جدتي

قالت امرتك راحت للجيران

طبعا طقها طق

وغيره من الامور الكثير بتقاضي عنها

الله يسامحا جدتي

المهم ابوي راح مع عماتي وخطب له وحده من اطراف الجماعه


خطبوا له وسوة عرس وعطاها مهر غالي وسكنها في بيته الي كان ماجره

احنا اول سنه عشنا بدلع مع جدتي ابشركم جابوا شغاله علي طول

لان امي راحت من بيخدم غيرها والله انها امي حتي الذبايح تسويها بلحالها

مع ان امي في بيت ابوها مدلعه بس الحظ

المهم

عماتي 2تزوج وحده بعد زواج امي في ابوي ب3سنوات
وحده بعد طلاق امي

بسنه

في هذي السنه كانوا عماتي اذا جوا دعوة علينا

وهاوشون يقولون انت مجننات جدتكن والله وللامانه

ماكنا نسوي شي

بس هن يشوفون جدتي تركض لنا وتاكلنا وهن يعصبون ويقولون ماعليك منهن


سنه كامله ماشفنا امي هي بس تكلمنا لانا مانعرف ندق علي الكويت

سنه كامله ابوي مايدري عنا

كان يمر مع زوجته علينا بس ماكنا بناته حاقد علينا

لانه مدري ليه نذكره بماضيه الاسود

كاننا حمل كبيرعليه ومرت ابوي كانت تضحك لنا

والله يابنات اني كنت احسبها حليوه وتعرفون الاطفال مانعرف الحقد والغش

بس بنات ماكنا نطلع ولانعرف سوق ولاملاهي ولامطاعم

اه اه اه

يايمه والله انك صبرتي في ذا السجن علشان


كنا مانعرف الا المدرسه ومرات روح لبيت عمتي الكبيره نلعب مع بناتها

وجات العطله

وتجريت وكلمت ابوي وانا اتراعد يبه تجحنا

مااهتم ولاكان الامر يعنيه

قلت نبي نروح لامي

قال مافيه روحه تبون تروحون خلو احد من خوالكم يجي وياخذكم

والله انا واختي جلسنا نبكي الليل كله

وجاء الصباح واقابل التلفون ننتظر امي تدق لانها حاسبه وقت الشهادات

والله من 5 الفجر استلمناه انا واختي كل ماراحت وحده جت الثانيه عنده
ملاحظه نسيت ما اقولها وهي اختي الصغيره كان عمرها4 سنين

جلست عند امي لان امي ضمتها وعيت ياخذونها وطلبت جدي عمها ابو ابوي انه يخليها عندها لاين تدرس


وعلي 9 تدق امي








بنات والله اني اكتب ودموعي تصب لان فتحت وحركت جروح ماضي احاول انساه اواتناساه


علي 9 دقت امي

وقلت الوة

ويوم قالت الوه

وعرفت انها امي


خلاص خنقتني العبرة ماقدرت اتكلم


وهي تبكي وانا ابكي


وتقول وش فيكم


اقول مافينا شي


قالت نجحتا قلت ايه نجحت انا واختي ومن الاوال

بس ابوي رفض يجيبنا عندكم

وتجلس تبكي وانا ابكي قالت ماعليه

في هذي اللحظه امي ابوها مر وشافها تبكي علي التلفون

قال وش فيك بنتي ماردت عليه لان العبرة خانقتها

سحب التلفون وكلمني وقلت له ابوي مايبي يجيبنا

وتريجدي ذا قوي شخصيه يقدر يدق علي ابوي ويادبه ويخليه يجيبنا بس كرامته ماتسمح

بنات ادعوه لاجدي ابوي امي دعوه زينه

لانه حبوب

تدرون وش سوي
















قال خلاص يابنتي لاتبكين هويكلمني قال اهم شي انكم نجحتوا


والعطله طويله بتجونا

وسكر مني انا مضايقه

وقال لامي نفس الشي يابنتي لاتبكين تراهم اليوم معطلات

والعطله طويله

بس


























هو قال لامي ومرته \\جدتي متوفيه وامي مثل ماقلت سابقا يتيمه

بس جدي ماكان يظلم امي ومادب مرته لذلك مربيه امي مثل بناتها\\

نرجع


قال لهم لاتستنوني علي الغداء انا معزوم


وامي تبكي ومرت جدي تهديها


تدرون جدي وين راح

















طلع من بيتهم مارده الا بيتنا في السعوديه




واول مادق الجرس راحت اختي تفتح الباب

الاجت تركض

لي وتقول ساره ساره


جدي جدي عند الباب


واروح اركض واضمه وابكي ابكي وابكي

والله انه بكي وقال يالله جهزوا لبسكم تروحون تجلسون عندنا كل العطله

ويدق علي ابوي في بيته موعلشان يستاذن انه ياخذنا
لالالا

بس يبي منه الجوازات حقتناوانصدم ابوي

وجاء بس مادخل عطها عمي عند الباب

وهرب لان ابوي خواف

وعرف شخصيه عمه قويه وانه بيهزا

ورحنا وامي ماتدري انا بنجي


بس اتصل عليهم من كابينه وقال جهزوا العشاء معاي ضيوف

وخلها مفاجاة



واول مادخلنا علي امي





صراحه اول ماشافتنا طاحت من هول الصدمه


وجلست تبكي وتصارخ

واحنا بكي

فليم هندي

وراحت عند ابوها تضمه وتبكي

وعشنا احلي عطله في الكويت كل يوم نتمشي وملاهي والعاب ومطاعم

وروحات لاهلنا





بس امي حبيبتي تبكي كل ماقربت نهايه العطله




لان بنفارقها



والله انا جينا بشنطه صغيره ورجعنا بسيارة مليانه من كل شي


الالعاب لبس عطور كل حاجه




















ويجي اليوم الا بد منه





وهي رجعتنا لسعوديه ها المرة ردنا خالي موجدي لانه كبيروجابنا


هوصحيح من السعوديه بس



لان الموقف كان يستدعي ذالك لانه احترق قلبه علي بنته ودموعها


وقال ماعندي وقت اكلم اعيالي يجوبونكم من السعوديه اخاف الي يقول بكرة والي يقول مشغول

قلت انا اجيبكم



المهم نفس الموال








نبكي وامي تبكي ويسحبون منها



ورحنا وانا ابكي طول الطريق وخالي يبكي


ويقول الله يهدي ابوكم هوالي جابه البكاء لكم



ونرجع لبيتنا او اقول للمعتقل


وصارت احداث جديده


الي هي ان جدي مات الي كان شرط علي ابوي ان نعيش عندهم وعماني الاثنين قالوا لبوي خذبناتك

انت الي مسوؤل عنهن احنا شباب ونطلع وامي مره كبيرة تنام بدري


والبنات كبروا وماعندهم احد



وصراحه فرحت لان مرت ابوي خلال جياتها لنا بيت جدي طيبه معنا



مادريت وش بيصير لنا عندها من حياة


بنات بصلي العصر وبرجع اكمل علي طول لاحد يرد