قصتي والحمل اللي انتظرته

اللهم لك الحمد على كل حال
كيفكم خواتي والله مالي بعد الله الا انتوا
اناجبت اربعه ولله الحمد ثلاث قيصيري وواحد طبيعي وبعد تأخير للحمل 7 سنوات برغبتي فكرت احمل
وعملت بالاسباب من علاج وابر تفجير ودهان وربي كتب لي الحمل وبعد ماتتميت شهر بالضبظ نزل معي دم مو طبيعي نزيف شديد وطاح مني كتله دم جامده قد الليمونه المتوسطه فكرته الجنين طاح ورحت للطبيب لقيت الجنين حي وينبض رحت للستشفى تنومت اربع ايام كان شاكين انه حمل خارج الرحم لان بالسونار الرحم فاضي والتحليل الهرموني يوجد حمل ويتضاعف الهرمون وكان بيسون لي عملية ازاله مبيض لولا ستر ربي ولاني خرجت وقت الزياره ورحت لدكتور خاص شاطر سوالي سونار ولقى الجنيتن ولكن قال احتمال كبير انه ينزل لانه في عنق الرحم نازل مكان العمليات المهم خبرت دكتوري بالحكومه اللي كان ناوي يلعب فيني ويسوي لي ازاله مبيض اعتذر لانه طلع جهاز السونار تبع الحكومه خربان اعتذر وكتب لي مثبت وطلعت امس جاني نزيف زي الدوره وقطع بني زي الكبده عذرا على التشبيه قلت يمكن نزل الجنين ورحت لدكتوري الخاص قال موجود بس نازل كثير في عنق الرحم وهالحمل بيتعبك وانصحك تعملي تنظيف ومن هالكلام قلت مااقدر انزله وهوينبض قال يمكن يرتفع ويمكن ينزل كلشي بعلم الغيب
ابي مشورتكم لانه يقول النزيف ينقص دمك واليوم انا وقف النزيف بس يمكن يرجع ابغى نصيحه منكم وابي تجاربكم مع النزف اواي شي سمعتوه عن انه في وحده نزفت وتم حملها خصوصا ان النزف الاول كان غزير والثاني زي الدوره وكل الثنين يستمروامعي يوم
ومن اللي قالوالها الاطباء ان حملها نازل لحد عنق الرحم وان حملها عاش وتم لاني اشك بكلام الاطباء
نصيحتكم ومشورتكم ودعائكم لي بهالعشر الفضيله